星期三, 8月 13, 2008

治療開竅的滿足感

上完master己有二十多日,每每練習的都是治療開竅。因為一來,用公仔唔需要合十會方便好多。二來,個個同學同師兄師姐都已有法,又何需傳法呢?再者,自己又未有打算出去教,所以就把心一橫,只係練習治療開竅。

可惜,用公仔幫咁多同學同師兄師姐開治療開竅,他們也不太有feel。我其實知道太追求feel係練習大忌。不過有時就咁練練練,又無feel的話的確有少少苦悶的感覺。再者,其實我真的不是在追求什麼feel,只是覺得有點點悶。

還好,試過有次師姐話有少少咳,幫她遙距做了一個治療開竅,比我做完就咳了啖痰出來,感覺好少了一點。不過最有滿足感,都莫過於係幫老婆埋身做,試過兩次老婆頭部不適的時候,幫她做完治療開竅後,她就已經好了七八成,當中所得到的滿足感真的很難用筆墨去形容。當然之後再加少少MBS以及少少師兄教的頭痛絕技,佢就咩事都無哂。

沒有留言: