星期四, 6月 28, 2007

又話睇片都得....

睇到好多article都話其實都可以由睇片學靈氣,但係我睇左三次一d感覺都無.唔知係唔係自己遲鈍呢.Anyway,下個星期都會開始跟Energy Workshop嘅Alan Lai學Level I,我對佢都幾有Expectation架,事關我個舊同事大力推介,話Alan識好多嘢,又話佢好勁,佢仲有朋友跟其他師父學完覺得唔夠好,之後跟alan學完都贊佢勁添.真係希望我學得識仲可以跟佢上七月中嘅Level II.事關我舊同事話有d人跟Alan學左Level I一個星期之後就馬上學Level II都得,事關Alan真係好勁.

而家心情真係好緊張.不過最衰病得太早(啱啱今個星期一開始喉嚨痛),如果唔係可以試下Reiki Pratice下self healing...其實我開始喉嚨痛都唔知係唔係自己玩出火.事關我星期日睇完套perceiving energy,又學人地試下sense自己嘅氣場,都得得地,於是又跟足佢玩左三幾次.之後睇到有人個blog話咁玩好易喉嚨痛,唔知係唔係咁Q,跟住星期一就喉嚨痛喇.

Anyway,下個星期我都會問吓Alan睇下係唔係會咁先...

星期日, 6月 17, 2007

靈氣療法初體驗 - 2

諗諗下,其實上次在接受靈氣治療體驗時,成隻手(手掌及手背)都有麻痺感覺,咁咪同我練氣功感覺到嘅氣感一樣.我上次仲話無咩感覺添,實在係大錯特錯,而我手上嘅麻痺感,比起我自己練氣功時所感受到的氣感,簡直係過之而無不及.

另外,之後兩晚我都訓得比平時好得多,而大便看上去亦比較實一點,亦即係果次嘅體驗幫我補左少少氣.

之後同我氣功阿sir傾,佢始終都怕我會走火入魔,因為現今嘅靈氣治療話哂都有少少宗教背景.但係我又咁睇,靈氣在外國都可以咁行,一定有辦法可以同宗教分開.另外,我唔試過始終都唔死心.

不過我氣功阿sir話比我聽除左Reiki外,仲有樣嘢叫Quantum-Touch,都可以做到Healing.嘩!淨係聽個名都知勁啦,我呢份人就梗係第一時間網上做吓Research,睇左好多個website,最後都知多好多關於Quantum Touch嘅Background.又知道同Reiki嘅分別就係有:-
1. 唔少人都話練完Reiki再練Quantum Touch感覺係Quantum Touch係會Further提升你嘅Power.勁!
2. 而且好多Reiki做唔到嘅,例如骨移左位,Quantum Touch都有辦法搞掂.
3. 另外Quantum Touch亦無宗教嘅關係,所以睇落好似Positive一d.
4. 只不過Quantum Touch不能做到自我靈感提升,所以Healer無辦法Sense個病人邊度需要Healing.
其實仲有其他Difference如下:-
http://healing.about.com/od/qt/a/qt_gordon.htm
http://www.quantumtouch.com/index.php?p=compare&id=349122
http://classic.quantumtouch.com/reiki.php

好幸運地又比我搵到本書Quantum Touch - The Power To Heal.睇左個Introduction就成個心都熱哂,因為本書話好多人淨係睇書都學得識,係真就好喇.我馬上係咁睇係咁睇,比我用左兩日時間睇完Basic Skills.個Concept原來真係好簡單,就係要你做到提升自己對自己身體嘅感覺,再用特別嘅呼吸,咁就可以做到Healing.講就梗係易,做得到就一定要下唔少苦功.

第一個練習,你只要可以集中精神去感覺到我己身體裡面嘅能量就叫做完成,點先話感覺到?佢就叫你集中精神感覺你自己隻食指入面就叫成功.點先叫感受到?有人會感覺剌痛,有人感覺到熱,有人感覺到涷,有人感學到血係點樣o係隻手指入面流過,我就感受到少少剌痛,少少熱同少少血嘅流動.真係好開心,好有成功感.可惜失敗又好快返嚟搵我.

第二個練習都唔難,不過我就已經做唔到,佢叫我感覺有d能量由腳到腰,然後由腰到頭,然後由頭到手.佢英文係叫Run Energy,不過我做左成兩日都無咩成果,仲要唔甘心到半夜三點醒左,還掂都訓唔返,咪又起身練吓囉.好慘,真係唔知係唔係自己遲鈍定點,練來練去都唔得.但係我以前明明成日都可以集中感覺到身體一個部位架,唔知點解唔得呢.

好想學,可惜香港無Instructor...我一定會繼續努力練習,一有成果就會馬上同大家分享.

星期四, 6月 14, 2007

靈氣療法初體驗

今晚因為一個舊同事嘅介紹,我有機會上去一個靈氣大師嘅training course做VIP,即係比同學仔做practice嘅target.個故事其實係咁開始嘅.

我自從有一次睇完個舊同事嘅blog之後,我就開始對靈氣療法好有興趣.當然係因為佢寫得實到太過神奇喇.本來一般人咁寫我係會有d保留,但係我個舊同事係一個實幹嘅人,一向都唔鍾意吹水,連佢都咁信靈氣療法,我就梗係都有少少開始相信啦.睇左無數個website做research,發覺中文嘅往往比較hard sell,但係都好,起碼可以比到個quick introduction比我.

搵下搵下比我發現左,原來youtube上面有好多靈氣療法嘅片睇:-
http://www.youtube.com/watch?v=ploek1zXdYc
http://www.youtube.com/watch?v=3Q9NINddvP8
http://www.youtube.com/watch?v=v070U4PhfH0&mode=related&search=
http://www.youtube.com/watch?v=2OVg-04yQLU&mode=related&search=
http://www.youtube.com/watch?v=BGxM30zVOrE&mode=related&search=
http://www.youtube.com/watch?v=GC-41r1WZu4&mode=related&search=
http://www.youtube.com/watch?v=5zq7fVm2NtM&mode=related&search=
http://www.youtube.com/watch?v=s4PQfAajK94&mode=related&search=

睇左三份一左右,其實都仲係知好少,亦都仲有d驚驚地,因為當我問練氣功個阿sir嘅時候,佢原來都有少少understanding,但係佢提出左一d point,而果d point其實我一路都係咁諗,就係無啦啦借左出面嘅energy,唔通唔洗還?仲有,世界邊會有咁不勞而獲嘅事情呢?就算練氣功,一般都要兩三年先會有哂氣感,但係練靈療,只要去到level 2就可以發埋功幫人添.最重要個point係,如無必要,最好唔好玩psychic嘅嘢,因為如果有咩差遲,搞到你mentally都有問題嘅時候就得不償失.

搞到我越來越驚添,但係我份人就係咁架喇.人地越叫唔好,但係佢自己又無試過,我就越想知點解,亦都越想試,搵唔到點解我係唔會罷休嘅.繼續search又比我搵到有一間叫NCCAM即係National Center for Complementary Alternate Medicine都有Reiki嘅研究,亦都postitively grade佢做一個energy therapy.但係NCCAM亦有加一句,就係始終Reiki都唔係有太多scientific嘅Research,亦即係有d保留.

再睇下睇下,竟然比我搵到原來好多外國嘅大學都有reiki嘅workshop.

http://ewocc.berkeley.edu/workshops.php
http://nursing.yale.edu/News/Press/66/
http://www.intelihealth.com/IH/ihtIH/WSIHW000/8513/34968/360056.html?d=dmtContent
http://medicalcenter.osu.edu/patientcare/hospitalsandservices/programs/services/?ID=1489
http://www.usask.ca/communications/ocn/Apr24/news8.html
http://library2.usask.ca/theses/available/etd-04242006-105532/

似乎呢一個energy healing開始受到認同,西方亦比東方來得scientific同positive.於是乎我就問我個舊同事一連串嘅Reiki嘢,佢見我咁有興趣就借左本書比我睇,同時間佢話比我聽,有兩個人對reiki有d興趣,所以佢師父今晚會invite佢地做VIP,offer一個free healing exercise比佢地,我梗係第一時間問可唔可以一齊上去體驗一下.但係做嘅就係佢嘅徒弟,有d係level 1,不過我朋友都係其中一個,所以我就知道係有master level級嘅徒第幫手做嘅.

master level嘅徒第其實嚴格嘅講,已經係師父級可以有自己徒第架喇.先講今晚同我一齊做VIP嘅有一對外籍夫婦,佢地好勁架,自己有隻遊艇,睇落似有錢唔洗做嘅人.個先生就話自己後生果陣係Architect,睇落都似,聽佢地講好似唔洗做咁,而個太太就一定唔洗做,因為佢都幾多病痛下.一開始佢地就訓上張豬肉枱度,師父就由頭行到尾,係咁教佢嘅徒弟點發功,手要點放,有咩要注意咁.開始左一陣,個師長父就問我個舊同事,個男嘅有咩問題,我個舊同事搵左一陣就話個老先生個心個小腸有問題.

嘩!真係咁神奇?我真係好想知,咁咪問下我個舊同事,究竟佢點知個老先生個心同小腸有問題.佢就答我佢sense到佢果兩條經脈有d唔對路,我一聽之下就覺得佢嘅finding都幾match中醫嘅經絡學說(並唔係話佢準,因為我都唔識個對老夫婦),因為中醫話心同小腸嘅經脈係interconnect往架,如果是但一邊有事係好有機會影響到另外一邊.越聽我就越想試下.講返對old couple先,個先生聽完之後個樣話哂比我聽佢唔信,仲話佢自己成日jogging,都唔似有咩事咁,但係我就有d保留,因為中醫成日都話個心開始有事,就算連西醫都無辦法check到.我好相信呢個point,因為好不幸地呢一件事發生左o係我一個至親身上,而西醫點check都check唔到,可惜我學藝未精,所以唔敢幫我個至親把把脈,因為一來佢好唔想我地覺得佢係病人,二來佢唔係好相信自己人.為免令到佢唔開心,我就一路都無咁做到,呢個亦都係我點解對reiki咁有興趣嘅原因,因為我睇到我個舊同事話reiki係可以做distant healing,咁咪可以做到神不知鬼不覺囉,而今晚仲比我見到佢可以sense到有無問題,同邊度有問題,咁亦可以令到我更加想學.

到我上豬肉枱,我馬上集中精神去體驗下比人heal係有咩wewonwon嘅感覺,一開始個師父竟然講中我個腎唔係太夠腎氣,我馬上好有expectation,因為好多中醫都話我個腎唔太好,而西醫竟然不約而同驗到我有骨質疏鬆症,咁就實在太過match喇,因為中醫嘅concept就係腎主骨....

但係好不幸,我由頭到尾都無咩特別嘅感覺,只係到個practitioner玩到我個天眼嘅時候我感覺到熱熱地,不過真係只有少少熱熱地啫,仲有就係我隻手有d麻痺,其他就咩都無.不過有聽到有個姐姐話我頭痛,都中,我成日都有頭痛,時多時少咁.另外一樣發現就係我個膊頭有少少鬆左..唔....總體嚟講我都仲係有d信嘅.

好可惜,level 1嘅course已經完左,新嘅course暫時唔夠人,要七月先有班開....但係咁啱我太太七月尾就係預產期,所以唔係太match到.仲要佢地個個都話如果我學完level 1亦可以幫到我老婆生得易d添,我真係好想試下.

星期六, 6月 09, 2007

呢個宇宙真係有平衡世界?

啱啱睇完www.thesecret.tv套DVD,裡面主要講一個人嘅諗法係真係會影響到佢自未來會遇到嘅事情.套DVD開頭係由幾個比較出名嘅人做個Introduction to Law of Attraction,然後係有好多人同你講佢自已點樣用佢自己嘅mind改變到佢自己嘅Life,其中一個core speader:Jack Canfield係暢銷書心靈雞湯嘅co-auther添.

睇完覺得真係好神,已經成日都有人話要Think Positive(有無睇鄭中基個TVC?).其實都無咩咁特別,不過裡面竟然有多過一個PHD都係speaker,佢地仲要係用量子物理學嘅角度去睇嘅件事添,我向來都唔會人講小小就信到十足,所以就上網睇下其他資料.

第一個睇到嘅website就係wikipedia,個site主要都係Criticize呢個concept,不過就唔夠Concrete,主要都係話佢唔夠proven,不過我就見到佢話New Age,好似福音戰士....

第二個睇嘅就係Dr Fred Alan Wolf個Q&A session,佢進一步解釋個concept其實唔係咁簡單Think Positive就會有好事來臨,佢亦表明佢無explicityly講過.Anyway,佢就話呢個Topic如果用量子物理學解釋嘅話就係咁:-
每個人諗嘢都會Emmit Energy in 一個wave form,而呢d咁嘅wave form就會吸引其他同頻率嘅wave form...大佬,真係唔明!!!不過佢就係咁叫人睇佢嘅Mind into matter同Matter into feeling.我諗如果我去書局,我都會睇下有無得打下書釘,睇下睇唔睇得明先.另外佢亦有提到另外一隻DVD What the bleep 嘅down the rabbit hole,我亦都會睇下搵唔搵到嘅睇下.係佢個site入面有提到平衡世界,但係可能呢個Topic真係太深喇,唔係好睇得明.如果係真嘅話咪可能好似鋼練咁有另外一個我?咁唔通真係有練金練呢家嘢?

之後都去哂所有其他PHD Speaker嘅website,發現只有Dr Fred Alan Wolf有比較多嘅Law of Attraction資料.其實我本人真係好想信Law of Attraction嘅Concept,好希望遲d會有更多人做呢方面嘅Research,從而另到更多需要幫助嘅人得到適當嘅幫助.