星期五, 9月 28, 2007

慧眼視心靈

因為有人續借嘅關係,好快咁睇埋last果一個chapter。本書overall係教你認識七個脈輪,從而得到內視自己嘅能力。另外,最吸引我嘅就係作者"凱洛琳.梅斯(Caroline Myss),佢係一個非常出眾嘅感應醫療者,佢亦同讀者(我)分享左好多唔同嘅感應醫療經驗,當中有唔少係名人。

另外亦有提到索甲仁波切(Sogygal Rinpoche)-西藏生死書(The Tibetan Book)嘅作者,佢竟然可以空中漂浮,亦可以用每小時四十英里的速度跑步。仁波切講到如果可以逹到天人合一嘅境地(大意係心靈做主導),選擇嘅兩難,己不復存在。真係搞到我都好想睇吓生死書添。

星期二, 9月 18, 2007

另一個我?

其實一般人如果唔係太過過份,我多數都唔會理佢,因為其實我都幾怕煩架。我覺得如果我唔避開佢,可能就會比佢痴埋身,到時就有排煩。(唔知呢d算唔算karma呢?)所以好多時就算有人抓上門,我都選擇避instead of fight架。但係今個星期一真係唔知點解,一見到果條友我d火好似已經上好哂ready等佢咁。其實一早就知佢會上嚟煩我架喇,都諗住求求其其應酬吓佢,等佢自己走,唔好再煩住我。但係唔知點解一見到佢,d火就係咁噴出嚟,一輪嘴咁鬧鬼佢。

不過最奇嘅就係好似我個殼自己係咁鬧梗佢,而有另外一個我就好平靜咁睇住個殼係咁鬧條友 ,平靜嘅我好似仲同鬧人嘅我講:[因咩事發哂火啊?]。果隻feel真係唔係好識點形容先至最好咁。

以前嘅我一發起火就咩都諗唔到架喇,究竟係我進步左(知道唔洗發火)定係我退步左(控制唔到自己)呢?還是meditation開始work,所以我記得"我今日不怒"?還是我果個moment已經out-of body?

星期六, 9月 15, 2007

聖境新世界 - take 2

唔記得講聖境新世界入面仲有講到,如果無啦啦比你響街三番四次遇見一個無見好耐嘅老朋友,其實係上天有一d信息想話你聽,響呢個時候,千其要把握機會上前同你個老朋友傾吓,話唔定會有一d好嘢益你。

好似我咁,早排響MSN見到Terry師兄個blog,開頭都諗住唔好咁八卦,後來唔覺唔覺咁睇完之後就跟左佢個師父學Reiki。又有一次有一個好耐無見嘅朋友上ICQ,其實我好耐都唔開一次,亦好耐都唔見佢開一次,咁啱比我見到佢咪問候一吓,又吹吓水咁囉,有陣時吹水都睇吓你自己有無誠意架,我就真係比個心出嚟同佢講,後來先知原來佢係一代股神,而家我咪又跟佢搵食囉,雖然到呢一刻都未有收穫,但係只係睇吓佢點分析d股票就知佢有料到,亦知佢搵埋唔少,如果唔係都唔可以成五年都唔做嘢仲可以晚晚去威啦。

所以有時d嘢點解唔客觀d睇,唔好吓吓人地發表意見同自己有唔同就排斥人地先得架。

本書入面亦有提過好多時響上面都會遇到一d好面熟或者好有親切感嘅人,響呢個時候你亦都最好把握機會上前同佢傾吓,亦有機會可以得到一d重要嘅信息,呢樣嘢我都有試過,但係就唔會成日都咁做,好似我上中醫班嘅時候,成日見到同一個同學仔,可能係因為佢同我係住同一個屋苑。其實第一眼見到佢都覺得有d面熟,但係都無主動上前同佢傾吓咁,有一次我終於都(唔知點解)好主動咁同佢傾吓,後來就比我問到原來觀塘有一個北京針神,雖然我到而家都無去過睇佢,但係話唔定第二時會有機會要睇吓佢,有時多一兩個名醫嘅contact都唔係壞事吖。

星期六, 9月 08, 2007

七月.....真係有嘢架..... take 2 (死過返生?)

尋晚同BB搏鬥到今朝七點,個人真係好攰。一訓落床就好似即刻訓著咁。訓左唔知幾耐又發覺自己唔郁得。吓?又嚟?唔好啦,我好攰喇,但係今次有d唔同,我見到我o係一間好似課室嘅地方,見到我好耐之前嘅哥哥(我指個樣係好耐之前)。而我仲見到好耐之前嘅我自己,o係notice board前面攬住一張相,但係我又唔係好記得係一張點嘅相,但係今朝就好清楚架。阿哥就同我講咩六合彩,淨係記得31,點知今日開嘅六合彩真係有31。


一路見到呢d影像嘅同時,我都覺得有d似曾相識嘅感覺,當然都係覺得係好真實,但係又好似知道唔係真嘅一樣,真係唔識點講先啱。



後來我覺得自己係咁掙扎,到最後醒左,先發覺原來係一個夢(定係冥想?)。但係醒還醒,我始終都係唔郁得,仲見到sofa有一個人訓左o係道添,但係就背住我所以唔知係邊個,好似短頭髮,著住白色衫。好可惜我連講嘢都有問題,今次比上次仲勁,我連手掌都郁唔到,真係成個人任何一個部份都唔郁得。亦感覺到好多地方(包括喉嚨,手,腳)都比嘢"禁"住咁,dd都唔郁得,於是我就係咁做七輪,但係都無保於是,之後就見到一個白頭髮嘅卡通片人o係我面前出現,佢又無講嘢。個輪廓好似上次見到嘅2D頭,上次就見到得個個,亦只見到黑白。我真係幾驚,於是我就試吓吹波仔,點不知都係唔得。


其實都幾驚架,好希望師父,大師兄同terry師兄可以救到我,但係當然無可能啦。突然我覺得有嘢好大力咁"禁"住我,直情好似入左入去我入面咁,之後我先醒。點知唔知點解,之後就好似開到眼睇咁(明明之前眼到嘅架?)。Anyway,之後就手腳都郁得返,望到sofa無左人喇,於是就向住BB左右chokurei,因為我聽到BB呼吸好急,之後就馬上聽到BB喊。好彩我埋到去BB咩事都無,但係就見佢合埋見係咁叫,於是咪過去抱起佢囉。。。


諗返,見到課室就有d似聖境新世界嘅Life Review咁。唔怪得個人唔知點解有d感覺係又似真實,又似唔真實啦。

好喇,呢個夢中夢中嘅夢,究竟係咩事?唔通只係發夢?但係好少咁真架喎。又或是係睡眠窒息症?定係好似我已經真係飛走左,做梗Life Review?之後有事未了,比人叫返返嚟?所以我又覺得比人"禁",又覺得有嘢入返入自己入面?唔通個2D卡通頭就係我嘅守護靈?或是係我諗得太多?

冥想

其實一路都唔知自己係唔係真係識冥想,一路嚟,我冥想都係合埋雙眼,咩都唔諗。但係咁咪好似同閉目養神無分別?我成日都有做架啦,點解已前咩都無發生過呢?

但係今日就突然有突破,今日自己觀想陽光與海灘(其實係發梗白日夢,因為好想去旅行),竟然好清晰咁見到一個海灘,又見到一個好靚嘅藍天,真係好似去左旅行咁。但係事出太過突然(明明蛇梗就梗係有d驚青架啦),自己驚一驚,之後就梗係咩都無哂喇。

究竟閉目養神同冥想有咩分別呢?

星期六, 9月 01, 2007

聖境新世界

啱啱又睇完James Redfield本"聖境新世界",呢本書主要係解釋返之前果兩本小說,即係唔係一本小說。

可能已經睇慣左小說嘅原因,開頭都覺得有小小悶架。好彩,佢入面都有小小量子物學嘅資料,不過我其實"Law of Attraction"果套DVD都有講過。

最深刻嘅都係神聖地點,裡面提到有:-

英國巨石陣
埃及金字塔
美國大峽谷
秘魯嘅卯印加廢墟:瑪珠碧珠

佢講到去果d地方做meditation會有好大嘅效果,搞到我都好想去試吓。唔知日本嘅北海道同沖繩算唔算呢,因為我真係好想去。

Byosen Scanning

啱啱收到reiki.org send 比我嘅magazine,見到有一編講scan氣場(Byosen Scanning)嘅 article-Understanding Byosen Scanning,原來係可以先做一個scan 氣場嘅動作先做healing。

佢仲有教scan氣場嘅手感係可以分成五類。

Level 1. 熱
Level 2. 好熱
Level 3. 麻痺或者好似比針"吉"
Level 4. 凍
Level 5. 痛(有可能一直痛到上膊頭

Level越大就越嚴重。做呢個Scanning嘅動作係可以比到有用嘅資料比healer,令到healer知道邊度係需要多d嘅照顧。睇睇吓佢個site搞到我有d想買套Reik Touch Toolkit添。可惜套toolki三百蚊,本來都唔係好貴,但係要另外比多一百蚊Shipping覺得好唔扺咁啫。

Inner Child

我有時都幾八卦吓,比我知道有咩新嘢我都好想知多d,又好想試吓。

上個星期從一個師姐身上聽到有人人都有一個Inner Child,好奇心駒使下,我又上網搵吓八吓咁,比我搵到好多site都有講,其中有個site仲可以幫我地搵到我地自己嘅Inner Child添,我就搵到我個Inner Child係咁:-


Your Inner Child Is Surprised

You see many things through the eyes of a child.
Meaning, you're rarely cynical or jaded.
You cherish all of the details in life.
Easily fascinated, you enjoy experiencing new things.



唔知幾時我嘅功力先可以睇到人地入面嘅Inner Child呢?