星期四, 11月 29, 2007

Usui Level II

Usui Reiki Level II終於完左,今晚好勁啊,玩左一輪七輪經脈healing。第一次比同學仔heal嘅時候已經覺得有d嘢由中脈一路入自己身體,跟住就覺得隻左手有d嘢咁,最後就覺得隻天眼亦好似有d嘢走出嚟咁,不過可能天眼個feel太大,之後就淨係感覺到天眼d嘢出嚟。

然後大師教另一種玩法,佢同我做嘅時候,搞到隻左手唔止痺,直情痛,真係第一次有咁大(痛)嘅感覺。再之後又教玩第二隻玩法,叫做隔山打牛(哈哈,我改嘅)。嘩!今次直情後心輪都係咁有嘢走出嚟添。。。。真係勁。

處理karma我就揀左上次講reiki比人串嘅事處理,如我所料,好彈手,即係有排搞,唔緊要,慢慢嚟,日日搞d,搞到得為止。

然後就教我地處理未來三個月嘅事,點知symbol都未劃哂,隻手就好"咭",我梗係話大獲啦,都知係唔好嘅習慣,不過一時間改唔到,大師當然馬上指正。改,我一定改,只要有信心,無嘢係做唔嚟嘅。講返轉頭,睇嚟都要快d去買返個"架撐"搞搞佢先得喇。

到最後個attunement又係我最有feel嘅一次,我直情感覺到有一股好大嘅能量由我個頂輪入嚟我個身入面,之後就又試過左手痛,今次再加上右邊風池同風府中間(我估係膀胱經)痛添。真係未試過咁多地方痛架。

今晚就寫住咁多先,事關Alan叫我地一定要早訓,因為啱啱上完reiki係會覺得精神左,但係都要早訓,如果唔係就等於OD一樣,還完仲要比息添。唔知係唔係有師父/兄/姐/妹幫我做梗嘢呢,隻天眼不斷有感覺,Anyway,邊個都好,多謝哂先,真係功得無量,大恩大得,小第唔會唔記得嘅。

星期二, 11月 27, 2007

練功

近來日日都練功練到一兩點先訓,不過精神方面都算OK,起碼好過之前十一點訓嘅時候,睡眠質素亦比較好,起碼無試過失眠先。

尋晚如常地練"傻吓傻吓"(呢個係我個串串供老婆幫呢套功法改嘅名,因為上次要edit過d聲音,重覆咁聽左好多次,每一次我老母都跟住講"傻,吓。傻,吓",所以我以後都叫佢做"傻吓傻吓")。練完就要靜心休息三幾分鐘,之後就聽吓師父帶我地練埋邊度,點之聽左無耐,我就不知不覺咁失去左知覺(即係訓左?),連師父果兩吓叮叮聲都聽唔到,中間只係濛濛鬆鬆咁聽到爆炸聲,都唔知係唔係大風吹到d窗嘅"bang bang"聲,事關我咩都睇唔到。。。

Anyway,過左唔知幾耐,突然覺得全身冰冷,打左個冷震就起左身,先發覺自己原來練到訓左,本來喉嚨都有少少唔舒服,個人仲有少少凍到震嘅感覺,當然即刻攞返張被訓,好彩一早起身飲返幾杯水就無哂事啫。。。。

星期一, 11月 26, 2007

大感冒復元

其實上星期五已經好得七七八八,練吓無尚瑜伽再加針炙,再加埋terry師兄嘅幫忙,星期六已經無哂事喇。

星期日, 11月 25, 2007

靈俢=撞邪?

近排響其他靈俢嘅forum見到其他人嘅家人對佢地靈俢嘅comment竟然差唔多係:"你痴架?",同同學仔講開,原來佢家人都有問佢:"你近排係唔係撞邪啊?"。哈哈,估唔到原來個個嘅靈俢路都有咁相似嘅經驗,當然我都唔少得啦。

事原近排開始學梵文心經,我咁好學(都要贊吓自己先),當然會響網上面搵下資料,又比我搵到有免費嘅梵文心經online聽,咁我梗係晚晚都聽住訓,睇吓可唔可以搞到自己唔洗背都識啦(真係懶)。點不知夜晚太靜,比我外母聽到,佢走去同我老婆講話:"咩佢聽埋哂果d咁嘅南毛架"。。。

我老婆尋日又走嚟問我:"你仲咩晚晚都係咁南南毛毛啊。。。"。可能因為我近排晚晚都係咁念大悲咒,我話:"咁你都聽到,勁唔勁先?",佢只係笑吓就無答我,哈哈,唔知佢會唔會當我痴左呢?好彩佢都無咩點理我,只係咁樣講兩句啫,唔知我第時攞幾本天使嘅書返嚟佢又會講咩呢?

靈俢嘅路真係唔易行,特別係你平時"蛇王"上網睇靈俢有關網頁嘅時候,又咁啱比你d同事睇到,佢地就會甪好奇怪嘅目光咁望住你,又成日係咁問你"點啊?你d咩靈氣練成點啊?識飛未啊?"哈哈,唔知點解我就無嬲過,只係繼續同佢癈話落去就算。可能知道以前嘅我都會有咁嘅返應,可能做IT嘅人就係咁,無咩科學根據嘅多數都唔會信,直情連了解都費事。。。

可能就係因為咁,我對呢本書"嗨! 我是和尚: 東大IT僧侶修行日記"特別有興趣,等我睇吓搵唔搵到先,如果搵唔到都無辦法,唯有"恨"吓啦。

星期二, 11月 20, 2007

心經真係好勁

呢編係我第三編都係話心經勁嘅blog post。點解一編咁簡單嘅心經我要去用三個post話佢勁呢?原因真係好簡單,因為心經勁嘅情度真係遠超過我想像。其實我同alan學之前都有睇吓同念吓咁,一日十次入次都成日有,但係一d feel都無,今次同alan學完簡直唔同哂,一d都無後悔過跟alan學左呢次心經。


我到今晚個心輪(前後都係)都仲係涼了半截。。。搞到我今晚都唔敢亂練,淨係敢補返吓就算。仲有啊,我前兩晚一路做healing一路念心經,你知唔知有咩事發生左?睇吓下面個圖睇吓睇唔睇得出?





































一般嚟講我係會點左上面嘅candle先做healing,而candle就係放響我腳底,而一般嚟講,candle係會好平均咁燒,一路到燒完為止,但係上面個圖嘅candle,外面一d都無燒過,只係中間燒左,點解?咪就係我隻腳嘅凍風凍到外邊嘅蠟燒唔到囉,所以就無溶到,你話勁唔勁?我用左四五次呢d蠟燭,呢次係第一次燒成咁,次次都同我燒哂架。仲有啊,我點著之後confirm所有蠟都已經溶哂架喇,呢d蠟燭係而X買返嚟好細細支架咋,好難中間燒完外面無燒過架。。。

星期日, 11月 18, 2007

湧泉撻著左?

最近都好努力咁帶病練功,希望可以加快復原嘅速度。星期五晚開始仲練埋無尚瑜伽裡面被諭為最激嘅練習,我當然係做最長果個版本。第一次練,練到一半已經覺得個人好輕,好想飛咁,唔知呢d係咁叫飛走呢?不過咁啱師父又係講到叫唔好飛走。。。

第二次練完之後仲勁!覺得隻手好似好輕咁,之後練氣功都好似唔洗用力就可以舉高雙手咁,練氣功練到一半仲發覺一雙腳底都熱熱地添,唔通連湧泉穴都撻著左咁好?到左今日都有時會覺得腳底仲有少少熱熱地啊。

真係勁。

星期六, 11月 17, 2007

thesecret 中文版

一d都無悔過再睇一次呢本中文版,原來我真係miss左(定唔記得左?)唔少detail。其中最重要嘅係感恩。書裡面話感恩是轉變你嘅力量,並會為你帶來更多美好嘅嘢?真嘅?佢教你要由起身一路講多謝到你出門口為止,咁樣新嘅一日就會好美滿。本書入面講到原來愛因斯坦都好似知道呢樣嘢咁,所以佢每一日都會不繼感恩一百次以上,係真唔係架?

裡面仲有其他特別嘅point我都miss左。

好似話笑係可以釋放負能量,亦提到有一個有未期cancer嘅病人,醫生已經話左無得醫架喇。佢日日係咁笑,笑足三個月,點知佢完全好返哂,咩cancer都無哂,真係勁神奇。不過都有聽過有d cancer或者未期病人練完笑功(晨咁早去空氣好嘅地方,多數係山上面,揀一棵大樹,然係抱住嚟係咁笑),之後都不藥而癒,不過唔知係真定假。

有樣嘢好啱我嘅,就係要吸引金錢,就要專注在富裕。即係話成日諗住唔夠錢洗就會真係成日唔夠錢洗,唔怪得啦!不過我以後都會成日都去睇自己鍾意嘅嘢,然後仲要同自己講:"我買得起",哈哈,感覺應該幾爽。另外佢有一個幾得意嘅講法,就係多d去給予,因為分享你嘅金錢即係等於話:"我有好多錢",係唔係真架?

睇完本書就去左睇佢個co-author list,唔知點解,突然對Mike Dooley 有d興趣,我估我會睇吓搵唔搵到佢果兩本書嚟睇吓:-

來自宇宙的訊息
無限的可能-夢想生活的藝術

心經好勁

今晚諗完哂心經功課,大概諗左十次唐代,三次梵文左右,都無咩feel。唔知點解突然想執好d notes,於是就將果張最難嘅梵文心經嘅讀音打一次入電腦,點不知打到唔夠一半,竟然feel到個心輪涼了半截,事關我一路打一路諗吓睇吓邊個音好d,感覺好正。再打多幾行之後,直情連心輪背脊嘅位置都涼埋。

於是即刻草草收筆,諗住唔好諗咁多,聽日先再返check,驚住再check check吓又唔知會諗多幾多編,到時有事就死喇。

星期五, 11月 16, 2007

心經原來威力唔嘢小架

上回講到 ,比大師搵左出去做Demo之後就好好feel,都知道心經威力原來好勁。尋晚有個師姐又Remote咁幫我清左一陣,感覺竟然又係一樣咁正。佢幫我未清完我已經舒服到訓左,第二朝一早起身個人仲精神過之前,搞到我老闆又過嚟又問我係唔係真係病???

Anyway,真係要再次多謝Terry師兄介紹左Alan比我跟佢學嘢,搵日要請佢食多餐飯先(記得嘅話,哈哈)。又多謝師父搵我出去做Demo幫我清左咁多嘢,亦令到我知道心經嘅真正威力有幾勁,仲要多謝Isabella師姐,佢d功力真係好勁,搞到我而家都仲好想比人清多幾次添啊,因為唔知原來Remote都可以咁有feel。不過佢好似話之後好攰,搞到我好鬼唔好意思添。

我而家好認真咁想努力d學好心經,好想快d學完幫到我身邊嘅人清吓嘢咁,不過都係問清楚師父點樣先可以用得安全d先,事關無學過嘅可能唔係好受得起呢d沖擊。

大感冒

上個星期日因為日頭食左好熱氣嘅炸雞翼,再加上要陪我個仔仔訓左兩晚覺,即係等於無得訓咁上吓,因為佢成晚都會醒,又著得唔夠衫訓,所以病左。開頭都係得個喉嚨痛啫,同自己做左一輪(成日)healing之後都有少少成績。星期一一早個喉嚨開始無咁痛,不過就多左幾聲咳,但係去左一日雪房做嘢之後,其他感冒嘅症狀就響夜晚食飯嘅時候,一一咁開始出現,包括周身骨痛,鼻涕,痰,忽冷忽熱(並唔係發燒)以及個人有少少滾滾地。

於是我夜晚返到屋企就插到自己一身都係針,包括:-

風池,天突,合谷,足三里,三陰交(好似唔關事)同埋太沖。

我取穴嘅方法係好有學問吓架:-

就係包括: -
估估吓
亂咁嚟
再加埋以前睇中醫嘅時候果d中醫幫我針過嘅穴位(當然都係睇感冒嘅時候啦)

可惜好似唔係好work,不過個人已經唔再忽冷忽熱,亦無再滾滾地,骨頭亦唔痛,就連個喉嚨都一d都唔痛,只不過仲有好多鼻涕,痰同咳得幾勁,連把聲都變埋。可能放錯穴位,又可能支針唔係好得自己都唔知。星期二起身都係頂唔順要去睇醫生,事關要幫手take care BB,如果病左就要被迫免疫,順便攞返一日病假休息一吓。但係醫生好奇咁問,你無理由喉嚨唔痛喎,因為真係好腫,亦都損哂。我都唔知點解架,但係我真係一d都唔痛喎。

夜晚當然都係一樣咁亂針一通啦,取穴就同尋日一樣,事關都叫做有少少成績。可惜星期三病狀一樣無變過,不過鼻涕就少左好多。星期二果時去睇醫生到返屋企用左三包紙巾,到左星期三成日都係用唔夠一包,不過把聲都仲係變哂,而亦仲有痰,所以耐不耐想咳d痰出嚟而引起幾聲咳咁。但係我d同事個個都話我扮病,事關佢地話我好精神,一d都唔似病咁話喎,好彩我把聲都變埋啫,如果唔係我老闆一定話唔信我病。

到左星期三晚,一心諗住都應該差唔多好返,所以就無再針喇,因為針完又要等半個鐘之後先訓得。點知星期四起身都仲係一樣,咩都無變過,只係覺得少左dd痰,不過見仲有少少藥,所以就無去睇醫生。但係星期四晚就再次同自己亂針一通,可惜,到左今日(星期五),都仲係一樣,唯有好唔願意咁睇多一次醫生,睇吓可唔可以好得快d啦。

等我今晚試下改用下面嘅穴道先:-

風池,天突,合谷,足三里,三陰交(好似唔關事),太沖(其實都好似無關係),中府,巨闕,俞府,不容,尺澤。

因為本本書都講唔同嘅嘢,唯有自己試試吓啦,希望有用啦。

星期日, 11月 11, 2007

thesecret

前幾日行書局見到thesecret.tv已經出左中文書,好想買返嚟睇添,鬼叫之前睇英文DVD仲要無字幕添,搞到有d地方要估估吓。不過都係等圖書管有再去借就算喇,鬼叫我窮咩。

星期三, 11月 07, 2007

個個輪位都熱熱地添

唔知係唔係飲左酒嘅關係呢?尋晚練七輪咒音嘅時候,個個輪位都熱熱地,好得意。

尋晚飲嘅時候唔知係唔係坐我隔離個friend傳染左佢d病比我(佢差唔多完全先聲),走嘅時候我突然都失左聲,好彩第二朝起身無咩事,不過今晚可能念心經念多左,所以把聲又好似失失地咁添。

Anyway,今晚好好彩比大師叫左出去做demo,都知大師功力超凡,比佢幫手清左一陣,初初仲坐響到嘅時候都只係覺得個背脊有一股熱力直入我個身,然後落左落去臍輪果度,點不知個人一起身,直情好似有好多嘢係咁由個身入面走出嚟,個人之後就好似輕左好多咁,成個人鬆哂,好勁。之後當然精神哂啦,勁爽,返到屋企個背脊都仲有d涼涼地添。真係多謝哂大師。

講返開竅嘅時候,本來都好似唔係有好大feel,最覺就係個天眼好似有d嘢咁,不過後來ted先兄同lisa師姐話好似有d嘢係咁轉咁,之後我諗返又真係好似見到有d光響我面前係咁轉咁喎。Yeah!原來我都有少少feel架,不過只係少少,所以自己就唔係好肯定,所以到最後都無講到出嚟。Anyway,越嚟越大feel原來真係幾爽架。

星期二, 11月 06, 2007

真係唔信多過信架

今晚去飲,發覺大師果然無老點,原來食過夜粥嘅人真係會易high d架,我係話練過reiki嘅人去飲酒。以前嘅我點會一飲幾啖紅酒就有high high地嘅feel架,無返一杯半杯都唔會有咩feel啦。

Anyway,飲到一半,突然間有個friend問我信唔信輪迴?吓?我啱啱先開始睇生死書咋喎,又會咁快有人問呢d問題嘅?開頭唔係好想講,因為一來唔係話睇左幾多,二來知道讀IT嘅多數都唔信呢定嘢。莫講話係佢地,十年前嘅我都唔信架,人地講我仲會即刻笑人添。點知個個都唔知點解係咁追問,咁我咪話比佢地聽我而家開始睇呢方面嘅書,都開始信呢d嘢。當然件事唔會就咁完,佢地亦不斷講話呢d唔係咩信仰,只係信念?其實我唔識分,咁咪話我其實都係啱啱先開始睇呢d書,仲有排學。

不過唔緊要啦,我本來都無諗過會同人講,亦更加無諗過要人信,所以我都無繼續講d咩,只係當佢地再追問我原因嘅時候,我就話我而家開始學能量療法,即係類似外家氣功,從而有機會接觸到佛家學說咁。當我話比佢地聽,我老婆生得嘅時候,我試過同我老婆發氣,令到佢生仔生得快左,我一同講完有個女嘅天主教友就話信,佢話佢老公都唔知同佢發d咩氣,而令到佢生得快左,又會咁Q?而另外又有一個女嘅,佢都試過比氣功師父發氣嘅經驗。點解個個都講氣功?咪就係我一早就知佢地唔明,所以咪同佢地講我而家學梗一d類似氣功嘅嘢囉。可能以前口多多開,得罪左佢地我自己都唔知,於是就有人打斷我嘅講話,又笑,又話唔信??

無嘢嘅,呢個人我知同佢有唔小。。。Karma?我地原本都勁friend架,但係有d事發生左,而我又處理得唔好,之後我地就變得好生疏,我一心諗住好朋友嘅嘢,有今生無來世,所以應該唔會太mind,時間亦應該可以沖淡一切。而且都已經發生左好幾年啦,我都已經無哂嘢喇,不過今晚發現原來佢都可能仲係幾在意。因為以前嘅佢,應該唔會咁中斷我講嘢,又係咁笑,又話唔信咁,因為咁樣都幾無禮貌,講嘅人會好無mood。

其實我只係粗粗地咁同佢地講我響Quantum-Touch個website睇到關於勞功穴同氣機嘅科學講法(細胞分泌哮素同量子物理學裡面嘅震動原理),都仲未同佢講Yale同哈佛大學已經開左呢d course,亦無講大學已經有Complimentary medical同Holistic medical讀。不過唔知點解突然唔想再continue,雖然全班中之中最scientific嘅女仔(佢個mindset仲比好多男仔更加scientific)都話信,我估我講落去會再convincing d,但係比我已前個friend咁樣笑一笑,就好似個人無哂氣咁。根據"聖境新世界 "講,我d能應該比佢吸哂?

我最後講左一句諗住完左個話題,我話呢d嘢好難講到人地信,唔試過唔會信,點知另外一個friend好搞嘢,佢叫我不如而家表演比佢睇??我真係好想問佢有無錢收,因為原來都幾侮辱。當然我同佢講呢d唔係用嚟表演,如果要做就要set好哂個架部,仲要係用嚟醫病架,而且上次同人試完中左招,所以就咁拒絕左佢個要求喇,件事亦都就咁告一段落。

呢件事之後,我一路返嚟就一路反醒,先發覺以前嘅我,可能真係處事太過唔顧及到人地嘅感受,今次只係話返比我聽,之前嘅我咁對人法,人地嘅感受會係點啫。好彩,幾年前我都已經慢慢改變梗,而家大部份時間我都唔會好似以前咁對人,只不過有時太過high,high到唔記得先會咁。Anyway,我會繼續改好d,希望明天會更好啦。

星期一, 11月 05, 2007

邊度熱熱地添

上個星期上完無尚瑜伽練習班之後,返屋企連續幾日練習都玩埋邊度咒語,一路玩都無咩特別,到左尋晚,開始發現邊度開始熱熱地,不過都無咩點理佢,訓到半夜竟然發惡夢...

夢境入面,我去左一度好陰沈沈嘅地,眼前係一間好明顯係燒毀左嘅學校,個人突然有一種好驚嘅感覺.轉眼間我竟然發現我突然身處學校入面,而且間學校d火好似未起咁.我當然馬上想走,因為知道間學校會起火,但係去到門口發覺個門口竟比人放左d死人塞住走唔到.唔知點解個人越嚟越熱,仲要係由自己身入面熱出嚟,果種感覺好奇怪.

轉眼間,又發現自己比人救左,果個人仲好似神咁,飛響我面前出現,之後我就成個人出左間學校咁.好勁,亦都好驚之吓就醒左,我真係唔知點解會咁驚,因為都已經比人救左出嚟,但係總知就係驚啦.

Anyway,今朝起身竟然仲記得個夢講咩,所以就寫低佢先,因為近排都不斷發怪夢,但係起身之後就唔記得個夢講咩.而家我個邊度仲係熱熱地,好怪,係由入面熱出嚟果隻,不過之前問過師父話唔怕我先練習咋,希望對功力有幫助啦,不過今晚都唔會再玩邊度住,等聽晚問吓師父意見先.

星期日, 11月 04, 2007

周兆祥

啱啱搵返周兆祥(RTHK每逢星期一果個綠色新人類)個Blog,裡面有唔少佛學,靈氣同自然療法嘅article。其中有一編請到絧人療法嘅譚輝老師做一次空中發氣,唔知係唔係自己氣感差呢?我真係無咩feel。不過我都想睇下果隻林倩儀嘅"能。音"係唔係真係咁勁。

又其中有幾個article(包括繼食你知道嗎?繼食真好繼食有乜好?同埋講東講西)介紹繼食嘅好處,其實之前上大師開嘅無尚瑜伽都知道,不過呢兩編就再講得詳細d,所以就膽粗粗咁forward比一個朋友,點知佢二話不說就話好,會試吓咁話喎,真係有d意外,開頭仲諗住要同佢講一輪添。

Anyway,而家都開始少左食肉(一時時啦),亦都開始食少d,因為唔知係唔係年紀真係大左,每一次食得好多,之後個人都唔係好Alright,希望個身體會好起來,亦希望可以好似周兆祥講咁,練功會事半功倍就好喇。

星期五, 11月 02, 2007

原來真係可以問下個病嘅原因?

上次睇過本慧眼視心靈,作者"凱洛琳.梅斯"有一種强勁嘅內視能力,從而可以知道病者嘅真正病因,對症下藥。近排因為再度面對一個屋企人嘅身體問題,所以都不斷上網睇唔同嘅資料,唔搵師父係因為覺得有時自己嘅問題係真係唔可以吓吓都靠哂其他人。Anyway,今日睇睇吓正在經驗@架構二,竟然比我睇到佢link到小金星,果度介紹香港一個叫做"天主教修士John",佢係有相似能力嘅人。不過佢用嘅係家庭系統排列,blog度d人就話係上身,我本人就無試過,不過真係好想同一d試過嘅人傾吓,因為我真係好想用我所知/識,去幫到我身邊嘅人,唔知點解,我身邊真係好似好多人,好需要呢d另類療法,學習靈氣主要都係咁嘅原因,可惜時間上嘅問題,我學咁耐都仲係level 1。雖然都知道急唔嚟,亦知道就算比我上到master都未必可以幫到,但係都係有少少心急。

其實好開初我都的確係有d急想上level 2,不過諗左一輪之後突然自然諗通左,知道其實reiki唔係萬能,唔一定可以幫到,亦知道有時真係欲速不逹。不過可能件事再次要面對,所以個人又唔知點解急返,亂返。不過我十點左右post完第一個paragraph之後,個心就好似不斷收到嘢咁,唔知點去形容,總知好似個心結開頭好實,慢慢越來越鬆咁,唔知係小師會大家嘅幫助定係已經有師父/兄/姐睇到做左嘢?到而家洗完個白白之後好似醒左咁,知道我咁落去係唔會對任何嘢有幫助,相反,只會帶到更多負能量入呢件事入面,絕對唔係應該。而且,好似The Wounded Healer入面咁就唔好啦,而家我一心諗住學好下個星期嘅心經,希望唔幫到多都幫到少,如果咁都學唔好就咩都唔洗講。。。

等我得閒上網睇定d料先。

反思

今日睇左好多個Reiki嘅website,發現其中有個叫做"正在經驗@架構二"嘅都幾好睇。裡面真係有好多分享,之後就發覺自己個blog好似有d那過。那過在唔夠中肯,有時又誇左少少,結尾又無講多少少心得,真係罪過,絕對值得自我再三反醒。

呢個Blog寫得好嘅地方實在太多,例如佢好多時都可以用一個好客觀嘅態度,寫出佢對唔同師父嘅感覺。佢亦從來無hard sell任何一個師父,就算佢自己跟過又鍾意嘅都講得好中立。再者,佢亦跟過好多唔同嘅師父,所以佢咁講得就更加令我信服,相比之下我呢度就真係太過差,太過唔夠客觀,亦有少少誇張。

星期四, 11月 01, 2007

老婆Healing - 第二擊 (只係"得得地"咋)

今晚老婆突然間肚痛,佢仲話好似生仔咁痛,有無咁誇啊?不過佢真係痛到郁都郁唔到。

於是我咪同佢搽保心安油囉。當然唔work啦,我亦即刻幫佢推拿下個肚,因為佢講話成個肚都痛,我咪估係大腸囉,當然推左十分鐘都無料到啦。於是我就開始懷疑佢究竟係唔係成個肚痛定係痛到自己都唔知邊度痛。突然比我醒起可以用Byosen Scan,用手感睇吓佢邊度有事。

Scan左一陣就發現佢只係肚臍下面四吋(係同身尺)好"吉",於是就集中rei下佢果度。

至於點解唔睇醫生?第一,我估去到急症室,呢d芝麻小事起碼等一個鐘佢先會理你,之後就要觀察二個鐘,再之後有事都死左啦,如果係無事就唔洗去啦。第二,佢都幾痛吓,要同佢去都有一定難度,當然如果去到一定OK就點難都同佢去啦。但係去到只係for等,我就真係唔係好想。

又至於點解唔食藥?我個人就真係唔知果個位痛要食咩藥,唯一可以食嘅咪就係止痛藥囉,不過我不嬲都唔鍾意人地食止痛藥嘅,因為好傷身架。而且止痛藥基本上唔係醫好你,只係頂住先咁解,咁不如rei下咪仲好。

rei左半個鐘我就問佢有無好d,但係佢竟然敢答我無喎,我就覺得無可能,點都有少少,因為我個手感已經係由好"吉"變成好輕微。我再追問一輪佢先話又好似好左dd,不過而家就係肚臍上面二吋左右痛?吓?咩會走架?於是我梗係再scan一次,點知真係喎。好彩手感明顯輕好多,只係好似有嘢噴出嚟咁啫,於是我就比左d胃藥佢食。點解突然又比佢食胃藥?因為肚臍上兩吋應該係胃嘅地方,而且reiki只係alternate medical,即係要同正常嘅醫學夾住一齊用架,所以咪叫佢食完之後就再同佢rei吓囉。

rei左十分鐘佢就話好左好多,仲即刻走左去訓添,而且我個手感都輕微左d。哈哈,即係今次都有少少成功啦,yeah!今次嘅experience又再比到我多少少信心,真係唔錯。

佛定道?

今日上堂同大師同埋同學仔講開佛道兩者之分別,之前都聽過朋友講,話道教比較多耶穌聽,但係就唔知原來佛家係相對上比較少咁啫。

而我亦從書中得知佛家原來係無否定過其他宗教嘅,佢地個佛祖都係一個人,只不過係一個得道嘅高人咁解啫。越睇得多佛家嘅資料(正確d講係西藏密宗),我就越想去法會見識一吓,可惜原本尋日同星期五都有法會架,但係比老婆鵝我話我好唔睇住阿仔仔,今個星期去咁多街咁話喎。唉!唯有乖乖地放棄今次機會,等下次先去啦。