治療練習新方向

昨天因為是初一，又是我們進行治療的好日子，於是朋友放工後不久便急不及待地幫我進行治療，最搞笑的是我剛剛正在聽一個管教小朋友的講坐，中段無端端我感覺到頂輪被能量包圍，於是左顧右盼看看是不是有什麼等別原因，但是過了一段時間能量也未有消失退，於是開始懷疑是朋友正在幫我進行治療，數分鐘後我就發現我的電話原來有一個miss call以及一個短信，短信的內容當然是她原來已經開始幫我進行治療．

不過說也神奇，在感覺到能量前，後面坐位的兩位太太，由一開始坐下就不停傾談幫兒女找幼稚園的事而，想當煩人，亦想當討厭．一來一點也沒有尊重台上的那位講師，二來亦沒有顧及其他家長的感受，三來妳身為人母，連最基本的禮貌也不懂，他日妳又怎可以以身作則，教好妳的小朋友呢？難度妳還不明白什麼是身教？同時我亦心想，妳今天沒有用心學好怎樣管教妳的子女，明天就算給妳找到一間很要好的幼稚園也沒有用，因為幼稚園只會教小朋友學術上的事而，性格及品德等問題其實要由家長自我培養．而我到現在也非常相信，性格決定命運．因為我真的認識一點大學同學，有的還是高才生，他們的仕途真的不太算是一帆風順．我亦認識一點學歷不太高的朋友，相反他們的仕途雖然未算非常突出，但已比很多人好．．．這我覺得可能是命運的安排，亦可能跟性格有不少關聯，而我就比較相信後者的影響會比較大，因為這跟Law of Attraction應該有不少關係．．．

Anyway，當然她可能已經很會教小朋友，但是若然真的是這樣，妳又為什麼要坐進來？難度妳的空閒時間實在太多？又若然如此，妳為什麼不待下堂再跟妳的朋友討論呢？坦白說，我也是有點被迫過來聽這一個講坐，不過我覺得就算被迫又好，自願也好，來到會場就應該尊重一下主人家，同時這亦算是對妳自己的尊重，除非妳認為妳的生命是無限的，可以任妳浪費也沒所謂吧．．．我試過轉頭用一個不太高興的表情去看看她們兩三次，可是她們很像沒有看見我的表情一樣，照樣繼續傾談她們的幼稚園大計．本來我想跟台上的講者討論一下，希望用大眾是力量，但是基於不太想影響其他家長的原因，最後我還是忍耐下去．．．可能我實在對她們的行為相當之不高興吧，好像用了太多空間討論她們了．．．其實重點是當能量一到，其中一位太太竟然無端端離開，令到我的耳根一下子就清靜過來，這不知是巧合還是能量的作用呢．．．

下堂後當我正在前往巴士站的時候，回想其實學了reiki也有差不多兩年的時間，可是自己的身體問題好像沒有太大的分別．雖然不是什麼大問題，不過我還是有點不甘，到底是什麼地方出現問題？還是其實我沒有完全跟足作息時間表的關係？亦沒有注意進食所吸取的營養？突然腦中想起有位醫師曾經說過：”身體問題不外乎由十二經脈入手進行治療”．於是就膽粗粗試著用能量配合十二經脈回饋給朋友，試試她有什麼反應，怎知她的感覺真的跟以前有點不一樣．．．看來真的可以由這一個新的方向再作研究，看看可不可找到更為適合的治療方向也好．．．

除了用能量配合十二經脈幫朋友進行治療外，我當然還做了不少其他治療，其中不少得用佛經清埋karma，以及send能量去家中的觀世音菩薩像，還特地send能量給死去多時的媽媽，希望可以帶一個信息給她，令她早登極樂．本來媽媽已經死去二十多年，我這樣send能量給她著實是不太好，可是當哥哥的小BB剛滿月時，陪月阿姐竟然見到一個很相似的女仕在我哥哥家中出現，還細心看著大嫂照顧小BB，這可能是因為她未能放心我們．其實事發後也試過數次send能量給她，可惜還是有點點手感，所以今次就趁初一能量比較大的日子做再一次，send能量途中見到一點點的影像，亦聽到一點聲音，令到我有點不安，不過我還是send到一點手感也沒有才停下來．．．

前前後後大概玩了一個鐘頭有多，事後除了見暈外，還出奇地感到極度肚餓．．．最後終於忍不住去了吃足三兩，因為夜間除了這間漢堡店外，真的沒有其他地方還照常營業了．不過吃那一個足三兩後，感覺有點被欺騙，因為那一個足三兩，除了份量夠以外我真的覺得一無是處，特別是那些肉的質感，實在是差無可差．．．因為太夜進食，所以回家後又要進行其他治療一段時間，才可消化掉胃中的食物，早知就忍忍忍忍忍忍忍一下啦．．．這一刻還說為什麼身體健康為什麼未能回復，不一會兒就走去食足三兩，還要半夜時份才進食，進食後又．．．要再進行一段時間治療，你說這樣的生活以及進食習慣，身體又怎會好起來．．．不過話說回來，其實很多時晚間進行治療後或上堂後也是這般肚餓，今次特登要食足三兩不知是否給那些影像和聲音影響的後遺症呢？

2008回顧

不經不覺又一年，又是回顧過往一年的時候，可惜近來有點點忙，所以回顧現在才寫好．2008對我來說真的可以說是獲益良多，一來靈氣及能量對我個人有不少的改變．二來學會能量療法後，現在的我一有病就會馬上用自己做實驗品，成功當然會開心，失敗亦不失為一個很好的學習以及再研究機會．朋友言談間，更明白若要再進一步，真的要多加努力，更要再向成不驕敗不餒以及感恩多多努力．

這一年裡在大大少少的事件當中，真的跟師父師兄師姐以及朋友們學了不少．最厲害的竟然又是上了很多課慈悲與同情，開初師父師兄師姐教導為何level 1是何等重要，以至後來教導如何用心不用口去支持著實未太能了解．．．到後來再見到朋友對這等事情的見解，才開始明白箇中道理，亦對明白與了悟又有新的看法．現在才發現原來身邊有太多很厲害的人，只是他／她們也是真人不露相，真的要多多跟他／她們學習學習．

在這一年的自療過程當中，不得不提及近年尾的兩件失敗過案，第一件當然是感冒自療失敗事件，因為差不多整整一年也沒有感冒的我，竟然在冬至前兩三星期也最終病倒．本來以為已經康復過來，後來不知怎的，病情又有點急轉直下．自療兩個星期亦未能康復，最後也不得不去看醫生（當然是中醫），不過藥也未吃其實已經好了七八成，為了不想帶病過冬，所以才決定去找個中醫清理一下．．．

第二件當然是膝傷事件，大大話話也有兩個多月的時間，自從再次打坐後，痛楚亦時有發作，就連近來連日的MBS治療，對病情也似乎未能起任何作用．後來跟舅仔閒談間，才驚覺自己原來根本沒有用對方法．．．其實MBS療法是要了解身體結構才能發揮功效，但是我一路以來只是用上堂教的general方法去治療，不成功是當然的．其實我也沒有跟舅仔討論任何MBS或能量療法，因為他不是可以討論這等話題的對象，我只是提到自己膝蓋有傷，但西醫又沒有頭緒，於是他便談到他治膝傷的經驗，以及他的膝蓋結構的了解而己．

經過跟大舅的一番話，我回家後便上網找了很多關於膝蓋的資料以及結構圖，當中包括有講基本結構的，又有深入解釋各部份的用法的，再加上一些有橫切面圖的，看後對膝蓋的結構真的了解多了很多．然後開始用剛學回來對膝蓋的了解去幫自己做MBS治療，即時有不同的反應．．．之前怎樣做也沒有太大感覺，只是覺膝蓋要很多能量，這一次治療不久竟然馬上痛起來．跟以前看Quantum Touch的說法一樣，就是在治療過程中，多數會感到更大的痛楚，治療後膝蓋真的好像沒有那麼痛，會繼續努力用能量療法（不一定是MBS）治療我的膝蓋，希望可以用我學會的能量療法去治好我的膝傷，這才算得上是學以致用，這（學以致用）亦是我今年的願望．．．

灘牌後記

之前講過，發左老闆老脾，同老闆灘牌，之後果一朝佢都無so我，連望都唔望我一眼．本來諗住佢係嬲梗我，點知真係估佢唔到，原來佢反而係怕我嬲佢，真係始料不及．我本來無主動同佢講嘢，因為諗住佢多多少少，都應該會有少少嬲（因為我一發起老脾都唔少嘢架）．點知我一同其他同事講嘢，佢即該乘機加把口，仲係要我搭果隻添.我本來就係無嘢，梗係搭佢之餘仲玩吓佢添啦．唔好誤會啊，佢都幾nice架，玩吓佢即係同佢開吓玩笑咁啫，亦即係示好咁囉．而家佢對我嘅態度，竟然仲friendly過以前．所以有時d嘢都係早講好過遲講，有咩不滿，不訪講左出嚟先，萬大事可能係有商量嘅餘地．

其實我個人覺得，大家可以一齊做同事，仲要都唔少時間，亦即係證明大家有綠，所以幫得嘅就幫，Why not交個朋友呢？所以好多時，我都會同公司嘅同事做成朋友架，除非好短時間就另計啦．

瀕死的小強

咋夜在廚房碰到一隻瀕死的小強，見佢咁慘，於是我就送左佢一程。之後就馬上幫佢念三編心經咁。但係啱啱送完佢一程之後，個人就馬上好唔舒服。

唔舒服嘅感覺包括有，暈，想嘔，腳軟啊咁。當中仲有一d唔知點形容嘅感覺，總知個人就好唔舒服啦。不過我都繼續念心經迴向，希望佢可以早日脫離下三道嘅命運啦。

之後我竟然唔記得銷返七輪，好彩都差唔多訓。訓之前都有做七三練習，練習完當然都有銷返七輪咁，希望唔會太遲啦。

好多人

今朝一早落樓，入到電梯，見到個小妹妹，電梯入面夾埋我先得果五個人，都幾鬆動吓。但係我一入到去，個小妹妹就同阿媽講話＂好多人啊＂．．．．

之後佢阿媽叫佢數吓有幾多個人，你地估佢數到幾多個？？？




。。。

。



佢諗左一陣，就同佢阿媽講＂我唔識啊＂。。。可能佢覺得我肥啫。哈哈哈。

未Ready

上完level 3我先知原來上天一早已經幫我安排好一切，當我ready嘅時候，阿Sir自然就會出現。

好似我七月嘅時候，係咁問alan幾時有level 2上，但係點安排都安排唔到，好彩安排唔到咋，因為無啦啦BB早左出世，BB出左世果三個月當然係忙到嘔啦。

到左九月至十一月，一路都有d法會，本來我都好想上，亦應該可以上到，因為開始Manage到屋企各方面嘅事情，不過唔知點解同老婆夾來夾去都夾唔到。到而家我終於都知道點解，原來我一路都會有好多事要做。到左十二月終於都可以上level 2，不過上完之後原來會好忙，因為要send好多心經。到左一月上埋level 3，原來仲忙，原來除左healing外，仲有好多practice，例如小周天，仲要幫屋企人開陣，一晚開左成九個陣，仲send energy send到隻手超熱，唔知係唔係已經過左頭，搞到我都要分開幾日send（開哂d陣先，之後補返劃symbol同send energy）。如果我又去埋法會根本就manage唔到咁多嘢。

更唔好講中間仲上埋心經同埋無尚瑜珈，搞到早晚都要practice。唔係上左無尚瑜珈，湧泉都唔會比佢撻著埋。仲要耐唔耐玩返太極氣功呢，可想而知而家嘅生活有幾咁忙呢。不過忙得嚟真係好開心，因為全部都係自己鍾意嘅。

所以有時如果for some reason，你做唔到你好想做嘅嘢。Don't worry，亦唔駛唔開心，因為可能你根本未ready，亦可能你嚟梗係有第二d Assignment，比你做到可能仲死。總之一切隨遇而安吧，上天自有安排。

人生的最後一堂課....

睇完Randy Pausch嘅＂人生的最後一堂課＂先知自己真係仲未識點樣做到慈悲，亦覺得自己原來都真係幾執著，唔怪得玩搭羅嘅時候都係咁叫我唔好執著啦，開頭仲諗，無理由架，但係而家我直情覺得自己可能真係好多嘢都無放底度，好可能係放左入心，就以為搞掂，但係其實只係將個問題拖得就拖啫。。。

人生的最後一堂課，該說什麼？

佢地好叻啊，我覺得好慘．．．但係佢地個個都behave得好啱好開心．．．慈悲原來真係好難．．．

１

Randy Pausch：如何實現兒時夢想 1/11

２

Randy Pausch：如何實現兒時夢想 2/11

３

Randy Pausch：如何實現兒時夢想 3/11

４

Randy Pausch：如何實現兒時夢想 4/11

５

Randy Pausch：如何實現兒時夢想 5/11

６

Randy Pausch：如何實現兒時夢想 6/11

７

Randy Pausch：如何實現兒時夢想 7/11

８

Randy Pausch：如何實現兒時夢想 8/11

９

Randy Pausch：如何實現兒時夢想 9/11

１０

Randy Pausch：如何實現兒時夢想 10/11

１１

Randy Pausch：如何實現兒時夢想 11/11

好感動啊，到我果時我唔知做唔做到"Focus on Other"果一點．

大感冒復元

其實上星期五已經好得七七八八，練吓無尚瑜伽再加針炙，再加埋terry師兄嘅幫忙，星期六已經無哂事喇。

大感冒

上個星期日因為日頭食左好熱氣嘅炸雞翼，再加上要陪我個仔仔訓左兩晚覺，即係等於無得訓咁上吓，因為佢成晚都會醒，又著得唔夠衫訓，所以病左。開頭都係得個喉嚨痛啫，同自己做左一輪（成日）healing之後都有少少成績。星期一一早個喉嚨開始無咁痛，不過就多左幾聲咳，但係去左一日雪房做嘢之後，其他感冒嘅症狀就響夜晚食飯嘅時候，一一咁開始出現，包括周身骨痛，鼻涕，痰，忽冷忽熱（並唔係發燒）以及個人有少少滾滾地。

於是我夜晚返到屋企就插到自己一身都係針，包括：－

風池，天突，合谷，足三里，三陰交（好似唔關事）同埋太沖。

我取穴嘅方法係好有學問吓架：－

就係包括：　－
估估吓
亂咁嚟
再加埋以前睇中醫嘅時候果d中醫幫我針過嘅穴位（當然都係睇感冒嘅時候啦）

可惜好似唔係好work，不過個人已經唔再忽冷忽熱，亦無再滾滾地，骨頭亦唔痛，就連個喉嚨都一d都唔痛，只不過仲有好多鼻涕，痰同咳得幾勁，連把聲都變埋。可能放錯穴位，又可能支針唔係好得自己都唔知。星期二起身都係頂唔順要去睇醫生，事關要幫手take care BB，如果病左就要被迫免疫，順便攞返一日病假休息一吓。但係醫生好奇咁問，你無理由喉嚨唔痛喎，因為真係好腫，亦都損哂。我都唔知點解架，但係我真係一d都唔痛喎。

夜晚當然都係一樣咁亂針一通啦，取穴就同尋日一樣，事關都叫做有少少成績。可惜星期三病狀一樣無變過，不過鼻涕就少左好多。星期二果時去睇醫生到返屋企用左三包紙巾，到左星期三成日都係用唔夠一包，不過把聲都仲係變哂，而亦仲有痰，所以耐不耐想咳d痰出嚟而引起幾聲咳咁。但係我d同事個個都話我扮病，事關佢地話我好精神，一d都唔似病咁話喎，好彩我把聲都變埋啫，如果唔係我老闆一定話唔信我病。

到左星期三晚，一心諗住都應該差唔多好返，所以就無再針喇，因為針完又要等半個鐘之後先訓得。點知星期四起身都仲係一樣，咩都無變過，只係覺得少左dd痰，不過見仲有少少藥，所以就無去睇醫生。但係星期四晚就再次同自己亂針一通，可惜，到左今日（星期五），都仲係一樣，唯有好唔願意咁睇多一次醫生，睇吓可唔可以好得快d啦。

等我今晚試下改用下面嘅穴道先：－

風池，天突，合谷，足三里，三陰交（好似唔關事），太沖（其實都好似無關係），中府，巨闕，俞府，不容，尺澤。

因為本本書都講唔同嘅嘢，唯有自己試試吓啦，希望有用啦。

原來真係可以問下個病嘅原因？

上次睇過本慧眼視心靈，作者＂凱洛琳.梅斯＂有一種强勁嘅內視能力，從而可以知道病者嘅真正病因，對症下藥。近排因為再度面對一個屋企人嘅身體問題，所以都不斷上網睇唔同嘅資料，唔搵師父係因為覺得有時自己嘅問題係真係唔可以吓吓都靠哂其他人。Anyway，今日睇睇吓正在經驗@架構二，竟然比我睇到佢link到小金星，果度介紹香港一個叫做＂天主教修士John＂，佢係有相似能力嘅人。不過佢用嘅係家庭系統排列，blog度d人就話係上身，我本人就無試過，不過真係好想同一d試過嘅人傾吓，因為我真係好想用我所知/識，去幫到我身邊嘅人，唔知點解，我身邊真係好似好多人，好需要呢d另類療法，學習靈氣主要都係咁嘅原因，可惜時間上嘅問題，我學咁耐都仲係level 1。雖然都知道急唔嚟，亦知道就算比我上到master都未必可以幫到，但係都係有少少心急。

其實好開初我都的確係有d急想上level 2，不過諗左一輪之後突然自然諗通左，知道其實reiki唔係萬能，唔一定可以幫到，亦知道有時真係欲速不逹。不過可能件事再次要面對，所以個人又唔知點解急返，亂返。不過我十點左右post完第一個paragraph之後，個心就好似不斷收到嘢咁，唔知點去形容，總知好似個心結開頭好實，慢慢越來越鬆咁，唔知係小師會大家嘅幫助定係已經有師父／兄／姐睇到做左嘢？到而家洗完個白白之後好似醒左咁，知道我咁落去係唔會對任何嘢有幫助，相反，只會帶到更多負能量入呢件事入面，絕對唔係應該。而且，好似The Wounded Healer入面咁就唔好啦，而家我一心諗住學好下個星期嘅心經，希望唔幫到多都幫到少，如果咁都學唔好就咩都唔洗講。。。

等我得閒上網睇定d料先。

反思

今日睇左好多個Reiki嘅website，發現其中有個叫做＂正在經驗@架構二＂嘅都幾好睇。裡面真係有好多分享，之後就發覺自己個blog好似有d那過。那過在唔夠中肯，有時又誇左少少，結尾又無講多少少心得，真係罪過，絕對值得自我再三反醒。

呢個Blog寫得好嘅地方實在太多，例如佢好多時都可以用一個好客觀嘅態度，寫出佢對唔同師父嘅感覺。佢亦從來無hard sell任何一個師父，就算佢自己跟過又鍾意嘅都講得好中立。再者，佢亦跟過好多唔同嘅師父，所以佢咁講得就更加令我信服，相比之下我呢度就真係太過差，太過唔夠客觀，亦有少少誇張。