又一新階段

真是很久沒有update這一個blog了，原因實在很簡單，就是平日忙得真是不可開交，公司有公司忙，回家後因為孩子漸漸長大，原來自己亦需要用更多的時間去照顧與教導，剩下的時間也要多多做做治療，所以已經沒有多少餘時間照顧這一個blog了。。。

在此跟大家分享中段空檔發生了的事情如下：－

第一件很想跟大家分享的事，就是以前的膝傷基本上已經好了，沒能跟大家分享是因為我總是覺得其實第一因未完全消除，還在努力中。。其實我沒有用什麼特別方法為膝頭進行治療，用的只是一般的臼井靈氣full session，埃及能量清理中脈七輪以及karma，心經治療，大悲水，少少的yoga，MBS，back bone healing，antahkarana以及金蘭觀氣功．不過就單看上面這一個清單，我相信就能理解為什麼越來越沒有時間理會這一個blog，基本上每一天最少一至兩小時是在做healing以及一定會抽出少許空檔靜坐。

有朋友跟我說，用一年時間才把膝頭醫好，會否太長時間？如果去看醫生又會否快一點？用這樣長時間會否是傷自己好起來，跟我所做的治療無關呢？第一，其實我亦沒有用足一年時間，膝傷己好，不過還是覺得經脈不是完全暢通，所以未當是好起來。第二我真的認識不少朋友，他們也一樣有膝傷，而且他們亦有去看醫生，可是膝傷用了很長的時間亦沒有好起來。到最後他們也是要吃一些成藥，好像是骨骼靈那此（我不是在幫他人賣廣告，因為我的朋友們不是吃這一種，請不要誤會），還要吃上一段不短的時間呢。第三其實我之前是打金鋼坐才會痛，而我現在亦經常有打金鋼坐，這樣的傷真的可以用時間可以醫好？其實我反而相信，我的膝頭痛的信號其實是在告訢我的腳部經胳不太通順而己，現在經脈己通順，所以就沒有再痛了。

然後就是金蘭觀氣功班的點點滴滴，我聽信師父的忠告，參加了金蘭觀的氣功班，想用內外兼修的方式，把身體帶回高𡶶。不過坦白說，初初六堂我真的有點失望，因為一心想去學靜坐，但是教的竟然是採氣法，是動功。不過已經上了堂便練練功，感覺是沒有，只是一般的氣感（酸麻脹等）而己。。。誰不知完成初班課程不久，竟然在一個很熱的情形（高達三十度的高溫）下，汗流滿面地第一次感受到一股很實在的內氣在身體裡面流動，那一次就是初班完成後，一班同學一齊到金蘭觀打坐感受仙氣的時候發生的。

而在中班所學到的陰陽五行步，黑猿坐洞，鼓蕩丹田，河車搬運，周身經胳旋又旋等等亦對身體相當好，當中我對陰陽五行步與周身經胳旋又旋感覺最大，每一次做完身體亦會發熱，不知是否心理作用，每一次亦感覺到氣在經胳有點打轉的樣子，很是趣怪。

自始後亦有經常打坐，不時亦感受到非常實在的氣感，之後自己亦有兩次到達另一個入定的層次，感覺很實在，很開心。不過我每天打坐的時間亦只是十五分鐘而己，最多亦不過四十五分鐘，主力仍是healing，而學完靜坐氣功做healing感覺更實在，不時會感覺到氣在經脈的流動，所以我真的想信healing與氣功真是perfect match。。。

中班最感受深的就是點火，我由第一堂一知道會教點火就已經是萬二分期待，於是到了一半就自已亂點一通，丹田竟然被我點著了火。丹田著了火的感覺很實在，長時間很熱（即是在平時也感覺很熱），可惜我未能夠keep up good work，可能唔夠material（後天氣／先天氣）被burn，點了個多月火就息了。。。之後上當氣功師父教的時候當然仍然可以點著，但是感覺已相差很遠。。。

練功

近來日日都練功練到一兩點先訓，不過精神方面都算OK，起碼好過之前十一點訓嘅時候，睡眠質素亦比較好，起碼無試過失眠先。

尋晚如常地練＂傻吓傻吓＂（呢個係我個串串供老婆幫呢套功法改嘅名，因為上次要edit過d聲音，重覆咁聽左好多次，每一次我老母都跟住講＂傻，吓。傻，吓＂，所以我以後都叫佢做＂傻吓傻吓＂）。練完就要靜心休息三幾分鐘，之後就聽吓師父帶我地練埋邊度，點之聽左無耐，我就不知不覺咁失去左知覺（即係訓左？），連師父果兩吓叮叮聲都聽唔到，中間只係濛濛鬆鬆咁聽到爆炸聲，都唔知係唔係大風吹到d窗嘅"bang bang"聲，事關我咩都睇唔到。。。

Anyway，過左唔知幾耐，突然覺得全身冰冷，打左個冷震就起左身，先發覺自己原來練到訓左，本來喉嚨都有少少唔舒服，個人仲有少少凍到震嘅感覺，當然即刻攞返張被訓，好彩一早起身飲返幾杯水就無哂事啫。。。。

靈俢＝撞邪？

近排響其他靈俢嘅forum見到其他人嘅家人對佢地靈俢嘅comment竟然差唔多係：＂你痴架？＂，同同學仔講開，原來佢家人都有問佢：＂你近排係唔係撞邪啊？＂。哈哈，估唔到原來個個嘅靈俢路都有咁相似嘅經驗，當然我都唔少得啦。

事原近排開始學梵文心經，我咁好學（都要贊吓自己先），當然會響網上面搵下資料，又比我搵到有免費嘅梵文心經online聽，咁我梗係晚晚都聽住訓，睇吓可唔可以搞到自己唔洗背都識啦（真係懶）。點不知夜晚太靜，比我外母聽到，佢走去同我老婆講話：＂咩佢聽埋哂果d咁嘅南毛架＂。。。

我老婆尋日又走嚟問我：＂你仲咩晚晚都係咁南南毛毛啊。。。＂。可能因為我近排晚晚都係咁念大悲咒，我話：＂咁你都聽到，勁唔勁先？＂，佢只係笑吓就無答我，哈哈，唔知佢會唔會當我痴左呢？好彩佢都無咩點理我，只係咁樣講兩句啫，唔知我第時攞幾本天使嘅書返嚟佢又會講咩呢？

靈俢嘅路真係唔易行，特別係你平時＂蛇王＂上網睇靈俢有關網頁嘅時候，又咁啱比你d同事睇到，佢地就會甪好奇怪嘅目光咁望住你，又成日係咁問你＂點啊？你d咩靈氣練成點啊？識飛未啊？＂哈哈，唔知點解我就無嬲過，只係繼續同佢癈話落去就算。可能知道以前嘅我都會有咁嘅返應，可能做IT嘅人就係咁，無咩科學根據嘅多數都唔會信，直情連了解都費事。。。

可能就係因為咁，我對呢本書＂嗨! 我是和尚: 東大IT僧侶修行日記＂特別有興趣，等我睇吓搵唔搵到先，如果搵唔到都無辦法，唯有＂恨＂吓啦。

湧泉撻著左?

最近都好努力咁帶病練功，希望可以加快復原嘅速度。星期五晚開始仲練埋無尚瑜伽裡面被諭為最激嘅練習，我當然係做最長果個版本。第一次練，練到一半已經覺得個人好輕，好想飛咁，唔知呢d係咁叫飛走呢？不過咁啱師父又係講到叫唔好飛走。。。

第二次練完之後仲勁！覺得隻手好似好輕咁，之後練氣功都好似唔洗用力就可以舉高雙手咁，練氣功練到一半仲發覺一雙腳底都熱熱地添，唔通連湧泉穴都撻著左咁好？到左今日都有時會覺得腳底仲有少少熱熱地啊。

真係勁。

個個輪位都熱熱地添

唔知係唔係飲左酒嘅關係呢？尋晚練七輪咒音嘅時候，個個輪位都熱熱地，好得意。

尋晚飲嘅時候唔知係唔係坐我隔離個friend傳染左佢d病比我（佢差唔多完全先聲），走嘅時候我突然都失左聲，好彩第二朝起身無咩事，不過今晚可能念心經念多左，所以把聲又好似失失地咁添。

Anyway，今晚好好彩比大師叫左出去做demo，都知大師功力超凡，比佢幫手清左一陣，初初仲坐響到嘅時候都只係覺得個背脊有一股熱力直入我個身，然後落左落去臍輪果度，點不知個人一起身，直情好似有好多嘢係咁由個身入面走出嚟，個人之後就好似輕左好多咁，成個人鬆哂，好勁。之後當然精神哂啦，勁爽，返到屋企個背脊都仲有d涼涼地添。真係多謝哂大師。

講返開竅嘅時候，本來都好似唔係有好大feel，最覺就係個天眼好似有d嘢咁，不過後來ted先兄同lisa師姐話好似有d嘢係咁轉咁，之後我諗返又真係好似見到有d光響我面前係咁轉咁喎。Yeah！原來我都有少少feel架，不過只係少少，所以自己就唔係好肯定，所以到最後都無講到出嚟。Anyway，越嚟越大feel原來真係幾爽架。

邊度熱熱地添

上個星期上完無尚瑜伽練習班之後，返屋企連續幾日練習都玩埋邊度咒語，一路玩都無咩特別，到左尋晚，開始發現邊度開始熱熱地，不過都無咩點理佢，訓到半夜竟然發惡夢．．．

夢境入面，我去左一度好陰沈沈嘅地，眼前係一間好明顯係燒毀左嘅學校，個人突然有一種好驚嘅感覺．轉眼間我竟然發現我突然身處學校入面，而且間學校d火好似未起咁．我當然馬上想走，因為知道間學校會起火，但係去到門口發覺個門口竟比人放左d死人塞住走唔到．唔知點解個人越嚟越熱，仲要係由自己身入面熱出嚟，果種感覺好奇怪．

轉眼間，又發現自己比人救左，果個人仲好似神咁，飛響我面前出現，之後我就成個人出左間學校咁．好勁，亦都好驚之吓就醒左，我真係唔知點解會咁驚，因為都已經比人救左出嚟，但係總知就係驚啦．

Anyway，今朝起身竟然仲記得個夢講咩，所以就寫低佢先，因為近排都不斷發怪夢，但係起身之後就唔記得個夢講咩．而家我個邊度仲係熱熱地，好怪，係由入面熱出嚟果隻，不過之前問過師父話唔怕我先練習咋，希望對功力有幫助啦，不過今晚都唔會再玩邊度住，等聽晚問吓師父意見先．

七輪咒音

自從跟Alan上左無尚瑜珈之後，耐唔耐都會練習一吓，坦白講都真係幾＂耐＂唔＂耐＂。可能就係因為太過耐唔耐，所以都無話有d咩感覺。終於尋晚因為實到太攰嘅原故，我終於訓到落張床先練七輪咒音，點不知竟然有意想不到嘅效果。

頭四個輪位都好似比我開左咁，直情著哂火咁，好有feel。不特止，仲feel到好似有股熱氣由底輪一路行到上太陽輪咁，感覺前所未有咁正。

呢d唔知係唔係叫懶人有懶福呢？

今晚我都會再用同一方法練一次，因為都仲係好攰，阿仔好煩。。。Anyway，希望今晚都咁有feel就好喇。

Terry師兄果然無介紹錯，Alan真係有好多嘢教，希望快d上完level II之後再跟佢上埋個心經就好喇。起碼有好多嘢可以開始做。

哈，唔知可唔可以send心經比仔仔，叫佢唔好咁煩呢？哈哈。

手印真係有料到

同師姐傾開先發覺原來自己真係咁懶，師姐佢真係幾忙都做meditation又有練習無尚瑜珈，我呢？Meditation勉強都有做到，但係次次都未夠數就已經訓著左。

後來我終於下定決心要練習，亦都唔想比師姐覺得我太過懶散。初初想練樹式，但係我自己都未做到個動作，點練？諗足一日。最後都係決定練開肺，點解？咪因為最快最簡單囉。哈哈，真係好鬼死懶。

到左夜晚，一結完個手印，即刻覺得有d唔對路，點解我呼吸咁大聲嘅？

做完先發覺原來自己用左副氣管，你話係唔係好神奇？我竟然唔記得要用副氣管，但係結完個手印就自自動動咁用啱副氣管，証明個手印真係有料到。