手印真係有料到

同師姐傾開先發覺原來自己真係咁懶，師姐佢真係幾忙都做meditation又有練習無尚瑜珈，我呢？Meditation勉強都有做到，但係次次都未夠數就已經訓著左。

後來我終於下定決心要練習，亦都唔想比師姐覺得我太過懶散。初初想練樹式，但係我自己都未做到個動作，點練？諗足一日。最後都係決定練開肺，點解？咪因為最快最簡單囉。哈哈，真係好鬼死懶。

到左夜晚，一結完個手印，即刻覺得有d唔對路，點解我呼吸咁大聲嘅？

做完先發覺原來自己用左副氣管，你話係唔係好神奇？我竟然唔記得要用副氣管，但係結完個手印就自自動動咁用啱副氣管，証明個手印真係有料到。