灘牌後記

之前講過，發左老闆老脾，同老闆灘牌，之後果一朝佢都無so我，連望都唔望我一眼．本來諗住佢係嬲梗我，點知真係估佢唔到，原來佢反而係怕我嬲佢，真係始料不及．我本來無主動同佢講嘢，因為諗住佢多多少少，都應該會有少少嬲（因為我一發起老脾都唔少嘢架）．點知我一同其他同事講嘢，佢即該乘機加把口，仲係要我搭果隻添.我本來就係無嘢，梗係搭佢之餘仲玩吓佢添啦．唔好誤會啊，佢都幾nice架，玩吓佢即係同佢開吓玩笑咁啫，亦即係示好咁囉．而家佢對我嘅態度，竟然仲friendly過以前．所以有時d嘢都係早講好過遲講，有咩不滿，不訪講左出嚟先，萬大事可能係有商量嘅餘地．

其實我個人覺得，大家可以一齊做同事，仲要都唔少時間，亦即係證明大家有綠，所以幫得嘅就幫，Why not交個朋友呢？所以好多時，我都會同公司嘅同事做成朋友架，除非好短時間就另計啦．