怪夢

我尋晚發左一個好怪嘅夢.

夢入面，我見到我個仔，同一個小朋友玩梗．响個夢入面，個小朋友應該係我識嘅，好似見到我一個家姐响附近，牛咁眼望到實佢地，我估個小朋友應該係佢嘅（但係我家姐d仔都好大吓喇喎，唔通有嘢佢無同我地講．．）．

不過我個仔，好似唔係咁鍾意同果個小朋友玩，咁我當然埋去同果個小朋友玩啦，幫阿仔分散吓佢嘅精神吖嗎．埋去同佢玩嘅時候見到佢個樣，光頭仔一個，無著衫，唔記得有無著尿布之類嘅嘢喇，但係我就無印象見過佢喎．不過佢都無refuse同我玩，只係不斷想同我個仔玩多d咁囉．．．