星期一, 5月 19, 2008

迴响

今次四川大地震都真係震得幾勁,一路以嚟我都盡量唔睇相關嘅新聞,目的係唔想唔開心,而每當我睇完相關嘅新聞,唔多唔少都會thought-form左,好可惜無記連日嘅震災節目,搞到我想走都走唔甩,本來都無咩點,今晚再睇埋個有線嘅新聞,就真係好唔開心。不過我都會盡量忘記,原因並唔係我冷血。其實一來我真係唔想thought-form,二來睇左對件事真係唔會有咩用,三來我會keep住send energy迴响比地球,想盡量keep住個人開心d,等我send嘅energy都係比較開心d。

其實今次就連一向不問世事嘅老婆都話要上yahoo,有錢出錢,有貨出貨咁話,真係少有。。。但係反而一路以嚟有捐錢嘅我,今次就出奇地唔想捐。真係莫名其妙,我都唔明點解,我好想send energy,好覺得要keep住日日send,亦淨係想send energy,其他嘅都唔想做。 可能我內裡其實都有少少同意呢個因果論,雖然亦知道個人能力有限,不過覺得都係要做得幾多得幾多。

雖然我都只係一日send兩次,夾夾埋埋都係send果一個鐘,不過有幾多時間就send幾多,盡我自己嘅能力就已經好足夠。由件事開始到而家我都係send左三日,因為開頭唔知有幾咁大鑊,所以都未有keep住send,到早兩日見唔對路先開始keep住send。頭一日send亦即係事發果日,只係覺得好震。到左第二次,亦即係前日send就開始覺得扯扯地,但係尋日直情係好吸energy,好似send落海綿度咁,我send幾多佢吸幾多。。。可以做嘅都只係keep住send,有幾多時間就send幾多energy,只好盡人事聽天命。。。

3 則留言:

匿名 說...

係呀..我都盡量少去睇d唔開心的新聞。不過成個禮拜一開電視就係講四川,仲要每一個台都係咁,想唔睇都難...

匿名 說...

敢問網主call的俱體 thought-form 是什麼? "send幾多佢吸幾多" 似係落入黒洞。

不如試下縮細D個scope。這次地震事件不是這樣簡單,不如你call 個abstract 問下點解會發生依件事,先再做send energy.

高興認識你

冒險家 說...

千奇唔好咁講,我所謂嘅thought-form,其實第一,係唔想帶到任何我思想裡面嘅負能量落件事度。第二,亦唔想將我自己亂諗嘢嘅結果投射落件事度。

而我只係能量初哥,除左send energy都唔係太識點做,不過師父教過我地,如果某一個地方出事,唔好亂咁send能量落去,最好都係send比地球,等個地球自己安排。

再者,其實最好都係响出事之前做嘢,所以就send比成個地球,希望可以幫助到成個地球。其實我亦想出少少力,等我地以及我地嘅下一代,都仲有一個可以安居樂業嘅地球生活咁。

唔。。。。我估我應該係識你架喎,唔知你仲記唔記得有我呢個舊同事呢,哈哈。。。