星期二, 12月 04, 2007

慈悲與同情

近排好多事發生,特別係發生響我身嘅朋友身上,亦有d係發生響我啱啱認識嘅朋友身上。每每我都好想幫手,亦周圍搵人一齊幫手,但係我都唔知我算係出於同情?定係慈悲?呢條題目對我嚟講實在係有d難。。。

第一堂大師都有問我地咩叫慈悲與同情?我唔識答,大師當然有解釋,不過我都好似明非明咁。唔通係因為呢樣嘢真係太過抽象,定係我太蠢?

師兄都有三番四次提點,我開頭都以為我明,但係越諗又好似越唔明咁。佢近排都有響佢個blog度再提我一次, 點知今次我睇完之後,突然間。。。。唔係明左而係好唔明咁。。。

其實原來一路我都唔係太明,道理本來好似好簡單咁,但係又好似好難咁。。。Thats why大師問我嘅時候我都唔識答。。。

唔明係唔明在,即係如果你個friend有事,你都唔可以主動出手?咁如果係你屋企人呢?都唔得?

但係如果咁,點樣行善啊?上天唔係有好生之得架咩?

我見到識嘅人出事,次次都會忍唔住出手。因為覺得呢個世界d嘢真係好似"慧眼視心靈講"咁,事出必有因。咁大個地球,無啦啦都比你識到佢,可能係上天嘅安排,唔一定係男女關係先係咁,朋友亦如是,同事亦然,會唔會可能呢個就係上天要你幫佢手嘅安排呢?再講,今次係你嘅同事,講唔埋聽日可能係你最好嘅朋友。

而且無啦啦好難會有人主動叫我幫佢架喎,一來我學嘅嘢咁另類。二來就算係明知得嘅,佢都唔一定好意思叫我幫手架?可能我試過太多次嘅無助,所以就有咁嘅感覺,覺得朋友家人有事就一定要有雷,要幫拖。可能我真係唔啱,但係又真係好難唔咁做,因為畢竟我就係我,唔知係唔係叫江山易改本性難移呢?

當然,出手之前我都會睇吓點先係最好嘅安排,如果係非我能力所能做到嘅,我就連講都唔會,費事比到一個假嘅希望佢,因為咁樣只會對佢做成更大嘅傷害。我亦真係有過一次(以上)咁樣嘅幫人經歷,其中一次真係好深刻,因為去到最後,我終於都明白到,原來件事唔係我能力可以step-in,咁嘅情形之下我唯有放手,亦傷得佢好深。我自始都經常會以此為戒,唔想好心做壞事。

其實有d嘢我又似係明左,好似話如果係出於同情,我嘅能場就會比佢拖低,咁就一定幫唔到件事,只會好心做壞事。對於呢個角度我無異議,完全同意。但係我真係唔會做到自己出手,但係都keep住只係慈悲?慈悲一定唔可以自己出手?

近排其實都係咁睇唔同版本西藏生死書啊咁,見到d上師修嘅拖受法,大概好似係要背負起目標人物所有嘅惡業,將呢d惡換哂做善業。如果係咁,拖受法究竟係算慈悲定同情呢?

越講越唔知自己想講咩添。。。都係等我再睇多d書,搵多d資料先再返轉頭講呢單嘢先。

2 則留言:

Terry 說...

其實問題根本就同出唔出手無關,係同心態(慈悲同同情)有關,所以我冇話過唔好出手,朋友同家人更唔會托手爭,不過就真係要平心去幫手同埋要對方知道問題既精要所在,有個女仔叫我幫佢增加桃花運,我幫佢開左心想事成陣叫佢爭取下但佢日日既屋企煲d哭哭啼啼既韓劇你話有乜用呀,佢都未可以放開自己○

學嘅嘢咁另類 <= 首先唔好一定要對方認同你既方法
你可以問下佢d心情既問題如“你係唔係好多野都放唔低”或“你係唔係有d好xx既情緒壓左好耐呀!?不如試下諗下件事,去返果陣時處理左佢啦”,從而得知佢既因由,當佢對你既見識有左一定信心你未可以主動提出出手幫佢。

如果你出手係出於同情,覺得對方好慘,你會投射左d乜比對方???"The Secret - Law of Attraction"都有叫我地"think what you want",你愈唔想發生既野你愈諗佢就愈會發生,你在咁既心態send能量出去我唔知會唔會有擴大心念既作用,不過肯定對對方幫助冇咁大○如果係揾到問題既因由再去幫忙係好好多,用返電腦既例子,如果有個system有bug,但係冇人正視,只係知道每日reboot一次就冇問題,其實問題係唔係已經解決左!?

再者,點解要對方清楚知道問題,我擧一個列子,如果有個人住在核電廠附近,佢有左cancer,好多人叫佢搬佢唔聽覺得唔關事,佢好好彩有一日神仙出現話幫佢醫好個病,佢好開心冇左cancer,不過如果佢既生活習慣唔改你估佢會唔會返發?其實你都知好多病都係由心而出,咁係唔係要佢個心開左先至可以有成果呢?

冒險家 說...

今次真係明哂.
yes sir.