星期六, 7月 26, 2008

煲熟左?

上完Master短短一個星期,晚晚不是忙於幫人開竅,便是比其他同學開竅,為怕被煲熟,天天都會行十多二十次大周天。不過似乎不太夠,自從師姐星期四晚發現我右手痛後,啱啱今日就連左手都開始痛。。。

其實一路以來都有被師姐開竅,還以為自己已經習慣了被煲,另外自己又無太大feel,所以就開始亂嚟。常常剛剛同三個朋友開完竅,馬上(即係無休息)又幫另外三個朋友再開竅,一路以來都無感覺,仲以為相安無事,又因為我每次開竅同時都會行三至四次大周天,所以諗住應該無問題。

點不知星期四開始,隻右手就開始有d痛。到左星期五,右手情況無好起來不特止,仲越來越痛,汀汀師姐其實尋晚都feel到,仲已經話比我聽我條三焦經有事,不過我唔知聽唔到定係咩,都仲未識寫個死字,可能我未確實feel到係三焦經,又覺得痛的地方是心包經,所以不以為然。當晚仲係咁幫人開竅,人數同頻率都仲係無變。到左今朝開始發覺右手變左無名指痛,都仲未理佢,仲幫人做左一個超快版MBS,之後又馬上做個治療開竅。走的時候突然覺唔對路,馬上行左五至六次大周天,點不知今晚都未幫人開竅,就連左手都痛上來,右手無名指仲越來越痛添。。。

同師姐傾開,佢教我用海鹽浸手,再行大周天。我跟足佢教的方法,浸左十多分鐘,再行左十次大周天,左手開始唔痛,右手還仲有少少。今晚我唯有暫停一日唔幫人開竅,沖涼再行多幾次大周天,瞓前再打個坐,聽日再浸埋手再加多幾個大周天,然後先再開功。所以話有d事,係真要經歷過先知。。。個死字係點寫。。。

而家先明點解大師會用咁多時間,去confirm我地真係識行大周天,原來行大周天真係超級緊要,特別係我地啱啱學左仲要跑數的學生Master。。。

2 則留言:

Terry 說...

唔好話你,我都比你同十萬花攪到燶左,今晚去飲比人問我點解黑左咁多我自己至覺...好彩reject左karen幫我開竅

冒險家 說...

嘩。。。。咁大件事,Sorry啊。。。Anyway,我今日再浸完手再行多十個大周天再加N個小周天,而家好似無咩事喇。。。

睇嚟都唔可以成日搵人煲喇。。。