休息

自從上次sit-in完level 1之後，整個人感到極度疲累，整整一個星期也未能回復，昨天還做了一件很久沒做過的事，就是午睡兩個小時。。。一般我午睡完，當天晚上也不能安睡，昨天竟然沒有發生，相信同學仔真的把的深藏的疲累一次過清除。。。

並巧近排家姐的電腦又壞掉，而且她的電腦實在是太舊了，已不能買回壞掉的parts。再者，我因為要買一張子母床比BB瞓，所以要全屋大執位，己再容不下兩部電腦。於是我將會把其中一部電腦送給我的家姐，然後自己只好買回一部Notebook電腦。

最頭痛的事，是家姐想她的女兒開學前可以用電腦做家課，而Notebook電腦好可能要三數個星期後才能到手，極有可能我會明天就送電腦給我的家姐，自己就休息三數個星期不上網。。。相信上天可能見我有太多書也未看完，給我這一個機會把未看完的書都慢慢細看。。。

BB瞓得好差

近排不知為何，BB晚上睡眠質素勁差，害得外母晚晚也沒有足夠睡眠，上星期二還病了，差點不能完成我的reiki master課程。於是每天一回到家也幫BB read七輪，一read就read幾十次，同時間我亦用reiki提升屋企的頻率，可惜進度也不太大。

又因為一年以來天天rei我的電水煲，日子有功下我的電水煲已被我rei到有少少壞的跡象。。。，現在的水煲已不能把水保持在六十度了，我相信是control circuit壞掉。。。於是近排唯有停止煲水前後rei水，今天晚上決定開奶同時rei枝奶，因為唔想太著績，所以只係少rei佢一分鐘左右，不過我就加左intention，想令到飲嘅人有安全感和安靜下來。

神奇的事情發生了，BB很久沒有識過一邊飲奶一邊瞓著了，就算以前他怎麼攰也沒有試過。。。可是今天BB未飲到一半就已經瞓著了，Yeah！！！不過話說回來，我亦想保持中立一點，其實除了rei奶幫了忙外，近來他自己也睡得很差，所以他自己亦著實有點攰。。。Anyway，我會得閒遲少少再試過，希望阿婆無咁辛苦啦。。。

回想以前rei水的時候，真的沒有加任何intention，難度BB的過度精力充沛，有一部份原因是我rei了他的水？？？不過其實我以前也試過rei水的時候，加了intention想BB瞓得好一點，難度那時set的intention唔夠好？？？

愛的感覺

昨天剛剛又完成了臼井靈氣level1 sit-in堂，發現這班新的同學仔又是一班很厲害的大師，很快就學會看病氣，又有手感．當我們玩read七輪圖時，我還感覺到有一股熱力，從我右邊的同學仔湧過來．厲害！厲害！

到了做全身治療時，我們這一班舊人當然又有榮幸，可以坐定定被她們練習練習．今次我選擇什麼也不做，不做什麼大小周天，不提升頻率，不給予自己能量，只是專心一意地去被治療，合起雙眼去慢慢感受一下這次的治療．果然，我的選擇一點錯也沒錯，這次幫我做的是一位愛心爆膨的同學仔，平時我只會感覺到能量大與否，但是這次我的感覺是有點不同．我竟然感覺到被一種很溫柔，很有愛心的能量包圍著，所以我可以很安心的去合起雙眼被治療，如果我是瞓在一張治療床上，我 相信我會瞓著，有可能還會打呼呼，到時真是失禮哂，哈哈．她的能量溫柔得可以令到我整個人放鬆下來，當她幫我做左腳的時候，我感覺到我的左邊身，由腰部一 路慢慢放鬆到落腳跟，每鬆一次，我的骨頭就發出”咯”的一聲．她的能量亦很厲害，全程我的手掌也是脹脹的．．．本來她治療我身體部份，例如眼，頭，頸，肝，腎，膽等等都很是舒服，可是到了心輪，可能暫時我的心輪還有待改善，亦被她發現我的心輪比較冷，所以在比輪上加能了太多量能，到了最後我的心輪實在有一點點痛．．．可幸是我的心輪到了最後，竟然由冷風變回熱風，實在可喜可賀．．．

其實以前我也看過數種能量系統的資料，他們也是在其中一個部份，教導大家若要加強治療效果，最終極的方法就是要用愛，不過一路我也是知而不明．一來真的有點抽象，二來未有真正感受過什麼愛的能量，真是很難想像，今次我真真正正體驗到，被愛加強了的治療效果．我的感覺是，原來愛是打從心底發出，不強求．難度就是這樣的原因，所以愛跟心是在一起被稱為”愛心”？

以前當我被能量強勁的師兄師姐做治療的時候，我合起眼會見到很光很亮的紫色，感覺全身都充滿能量．而今次我被這個愛心爆膨的同學仔做治療時，我合起眼所見到的是很柔和的紫光，感覺很舒服，很放鬆，有點不同．．．

到了開竅的時候，我很榮幸地被新sit-in同學仔選中開竅．未開始，我已經做好哂準備功夫，等師父一開始，我就馬上一齊開始，今次我的目標是盡量減少用左腦， 所以當我在正面傳法給汀汀時，我做到最後才醒覺自己忘了傳法給她．．．．於是唯有補做，亦相信大佬們會幫手改正．．．事後當然還是被捉個正著．．．好彩幫同學仔開竅時，完全正確沒有做錯做漏任何一個step．而且因為少了用左腦（即係無帶腦？哈哈），所以今次無咁緊張，亦無再在意師父在我做到一半的時候，他已經完成整個開竅過程這一個事實．所以壓力實在是少了點，再加上汀汀的Feedback也是正面的，相信下次會再好一點．可惜的是，開竅的時候，還是未能完全放鬆，所以沒有太大的感覺，只是做完雙腳還有一點點震，相信不少的能量還停留在我的身體．於是馬上幫自己grounding一下，免得太多能量未能散走，晚上睡不安靈可就慘了．．．

回到家中感覺到整個人著實也很累，於是只草草行了一輪大周天，就馬上上床睡，差不多一瞓上床就馬上瞓著．．．

心輪牌冷氣機失零？？？

昨天晚上原本己安排好的心經治療，不知什麼原因，意然變成另一個鐘的心輪靈氣治療。不過今次可能因為中間被BB中斷三數次的原因，治療過程中沒有太多的涼風散出，感覺似是一部已失零的冷氣機。。。哈哈。

今天抱了BB去街一天，到了晚飯前突然左邊心口舊疾復發，引至左手痛以及無力。。。於是馬上把BB交給太太，自己就立即進行MBS治療，開頭十數分鐘似乎沒太大的功效，不過繼續進行MBS治療大概一個鐘的時間以後，左手及心口已經好了很多，起碼痛的感覺已經消失。之後自己嘗試不同的伸展的動作，發覺大幅度的動作後仍有少許痛。於是再繼續進行另一個鐘的MBS治療，之後情況似乎也沒有太大的改善，不過著實大幅度的動作後也沒有痛。可惜，左手及心口也還有一點點的攰的感覺，不過已經令到外母好驚奇地問道：＂吓？咁快就好返可以抱BB？＂，我只是淡淡然的答道：＂我一路吃飯也在幫自己做治療，所以就好得快一點。。。＂。

她驚奇是有原因的，因為我已經試過在同一個地點，晚飯前同一舊疾復發，那次兩個多鐘後，我的痛雖己沒有了，但是手還是不能發力，一動或是一碰亦會有痛的感覺。今次的復原跟上次比，著實已經快了很多倍，所以她才那麼驚奇。但是我最覺得奇怪的地方，是我的太太由始至終，也沒有對我的復原表態，好像說沒什麼大不了似的。。。不過我相信，原因其實也幾簡單，只要不用她抱這個那麼活躍的BB，其他什麼也不太緊要了。。。

心輪牌冷氣機

昨天晚上回家後又再集中火力，又幫自己個心輪多做了兩個鐘治療，感覺好涼快，後心輪一路有冷風釋放，跟一部冷氣機一樣凍。。。差不多兩個鐘過後，心輪開始有點痛，相信這是告訴我要停的信號，於是我馬上停手。

我相信治療跟看中醫一樣，不可以過急（雖然我昨天的做法其實己有少少急進。。。），要分段進行，我還記得有不少於一個中醫也說，特別是幫病人清熱氣／排毒的時候，不能因為病人太熱氣／毒，就用重藥去短時間幫病人清除，要慢慢一次一次，清下又要補返少少，要不然病人會好辛苦頂你唔順。。。今晚都要幫自己進行心經治療先得，不過其實自從level 3後，自己耐都耐都有幫自己做full healing，差不多已過了半年的時間，只不過無集中火力做比輪。奇怪為什麼現在的心輪，好像還比以前更需要改善一樣。。。難度今次是日子有功，已經將表面的問題已清得七七八八，現在先要開始真真正正處理深藏的問題？

沒有這件事？或只是不自知？

一路以來都覺得自己尚算健康，沒有發現問題，只不過一路學得越高level就越敏感，開始發覺原來有不少的問題，一直存在著，只是自己未有覺知而已。

好像上到level 3，我就開始知道自己左邊身以乎唔夠通順，因為左邊肩膀不時感到疼痛。後來再經高人朋友指點，開始知道原來問題出在自己駁通心輪及左邊手輪的經脈，經過密集式的治療，自己已覺有少少改善。後來到了上完Master後，本來只是覺得心輪有很大的改善空間。不過不知怎的，就是經常覺右邊肺經有感覺，一路亦只以為應該是受到身邊朋友影響。當師兄師姐今天sit-in level1時，幫我做右肺及心輪，我就一路扯走他／她們的能量，他／她們還覺得很震。我才驚覺原來自己一路的感覺，就是自己的肺經給我的信息，害我還以為只是受他人影響，原來問題就正正是出在自己身上。。。

師父今天還說了一件事，就是我們的身體，其實一路以來也有告訴我們他的狀態，只是我們一路也忽略了他給我們的信息，往往也要到了身體出了大問題時才會醒覺。。。似乎往後在治療時，也要多加照顧我的肺及心輪才是上策。。。

神秘的推拿師

剛剛睇完呢本＂神秘的推拿師＂，不過我開頭真的不知道作者＂奈波爾 ＂原來大有來頭，作者在1990年被英國女王封為勳爵士。2001年獲得諾貝爾文學獎。 他的小說作品有《畢斯瓦思先生之屋》（A House for Mr Biswas）、《大河灣》（A Bend in the River）列入二十世紀百大英美小說之一。

借這本書看我是沒有任何期望，只是在某大書排行榜中見到這本排第一位的書，又見到個書名神神秘秘那樣，於是便借來看看。

可是看完真是有點失望，因為作者完全沒有提到任何神秘的事情。。。這只是一本普通的作品，我亦不太覺得有任何幽默感，或特別的內涵，可能是我個人本身的文學修養不太夠，所以未能感受到作者想帶出的任何事情。。。不過如果只是當一本普通的小說去看，也算不錯。。。

治療開竅的滿足感

上完master己有二十多日，每每練習的都是治療開竅。因為一來，用公仔唔需要合十會方便好多。二來，個個同學同師兄師姐都已有法，又何需傳法呢？再者，自己又未有打算出去教，所以就把心一橫，只係練習治療開竅。

可惜，用公仔幫咁多同學同師兄師姐開治療開竅，他們也不太有feel。我其實知道太追求feel係練習大忌。不過有時就咁練練練，又無feel的話的確有少少苦悶的感覺。再者，其實我真的不是在追求什麼feel，只是覺得有點點悶。

還好，試過有次師姐話有少少咳，幫她遙距做了一個治療開竅，比我做完就咳了啖痰出來，感覺好少了一點。不過最有滿足感，都莫過於係幫老婆埋身做，試過兩次老婆頭部不適的時候，幫她做完治療開竅後，她就已經好了七八成，當中所得到的滿足感真的很難用筆墨去形容。當然之後再加少少MBS以及少少師兄教的頭痛絕技，佢就咩事都無哂。

終於都成為Usui Reiki Master

不經不覺已經跟alan上了一年的課，過了作天晚上，我終於都真真正正成為一個臼井靈氣大師。回想起作天考試的情況，還有很大的改善空間。第一樣要改善的，就是緊張，雖然我已經頻頻練習開竅二十多日，亦已經牢記了每一個步驟。可是到了404在眾目睽睽下幫大家開竅的時候，不知怎的還是有點緊張，一緊張又有步驟做錯了。。。第二樣就係太過左腦，因為成日怕唔記得，又怕做錯做漏，所以整個人經常好左腦。太左腦除了你會無feel以外，原來還會令到開竅的能量不太穩定。。。第三樣要改善的，就是做事的態度，其實每當我一認真做一件事，就會一路衝。衝。衝。這本來我只覺得是我的一個性格，比較有衝勁，沒什麼大不了。但是聽了師父說，原來是會令到他人覺得霸道，再細聽改善的方法時，我就開始明白，原來有時候，事情同性格一樣，是有套餐的。。。

好似我這麼有衝勁的人（哈哈），好多時都比較不解溫柔，亦有時會粗心大意，不夠冷靜，顧一漏萬，以至血壓上升，心跳加速，腦部充血，然後整個人就會變得很緊張。。。我相信要慢慢學怎麼做事可以放慢一點，慢工出細貨嗎。再者，熟能生巧，我想信再練習多一點，我就可以改善以上全部問題。。。

最後，我們還學了一樣新的方法，去處理我們的前世，本來單對單已經覺得隻手好脹。然後我們試圍圈一齊處理，誰不知一開始我已覺得有味，之後好多同學仔的手也變了色。然後我還覺手痛，最後返到屋企就連腳也開始痛，感覺好實好塞，好像能量都不能從腳流走一樣。晚上又瞓得很差，整晚都睡睡醒醒的，一路發夢不斷幫人開竅，夢境中還學會冥想開竅添，不過一起身就通通都忘記了。

八八八八－後感（２）

到我寫上一編八八八八blog為止，我還以為所有事情已經完結，誰不知一寫完編blog之後，又再覺得頂輪開了，雙腳突然熱起來，過了一會輪到雙手也有一點點熱的感覺。。。再等多十數分鐘後，雙手及雙腳就由熱變凍，感覺有點怪怪的。。。原來大師的能量到了我這個遲鈍的人，要等到回了家中才有感覺。。。

其實一路大師幫我做的時候也偶有偷看，都覺得大師實在幾用力，亦見大師幫我們做完之後整個人虛脫一樣。。。我還忘記了當面感恩，真是罪過。。。

今天中午打波的時候受到報應。。。右腳腳趾公瘀了。。。唯要慢慢幫自己做治療，看能不能快一點好起來。。。

八八八八

今日大家都知道是很重要的一日，除了是奧運開幕／中國第一年主辦奧運／香港又有份參與奧運馬術以外，原來也是三伏天的第三伏，亦是年月日以及生命靈數也是八的一日。基於上述原因，今天是一天很適合做治療的日子（特別是處理karma的問題？）。巧合地大師亦在今天舉辦了一個channelling meditation的活動，於是我們一班同學也踴躍報了名。

懷著戰戰兢兢的心情，終於上了404。第一個活動是一個meditation，雖然我未能好像其他師兄師姐一樣，見到所有的情景，不過一開始我已經感覺到有很大的能量圍繞在我頭的左右，由頂輪一路進入我的身體。一路我也感覺到有不少的能量在進入我的身體，沒多久我的心跳便開始變得有點急速，到了中後段心跳才回復正常，也開始感覺已沒有多少能量進入我的身體。到了大師唱歌的時候，我的身體也有一點點輕飄飄的感覺，可惜未能體會到跟大地溶為一體的感覺。做完過後右邊腳有一點點熱，正確點來說是右邊膝蓋。

第二part是一個批判的治療，治療一開始沒多久，我的天眼又好像給人握著一樣，還有點感覺被抬起似的，使到我坐得很直很直。然後大師同汀汀一齊幫我做治療，做的時候是沒有太大感覺，只是一路覺得心輪有能量進入，然後覺得能量好像在幫我打通左手前臂一樣，一路有能量向左手前方推出我的身體。到了大師同汀汀幫助坐在我左邊的同學仔做治療時，我突然感覺左邊pat pat有點震，感覺有點怪異，於是就偷望大師到底在做什麼，可惜環境實在太暗，我也沒有帶眼鏡，所以一點也看不真。。。Anyway，到了整個治療完成後，我的心輪才開始有點痛，左邊膝蓋由熱變成痛，有點像能量不能流通的感覺。之後坐地鐵回家的路上，還感到左邊的心口及背脊也一同痛了起來，心口的痛有點像小時運動創傷的舊疾復發，總之差不多整個左邊身也有點痛。。。

分享的時候汀汀同大師說我左邊身的問題，是因為以前對外間的批判所引起的。後來一路想著，到底是那個時候的事情呢？又實際上是什麼樣的批判呢？想了很久也想不起，後來有個念頭從腦中升起，既然想不起來，為什麼不像汀汀跟師父說一樣，忙記了就算，不用刻意去想，因為重要應該是如何活在當下。。。不過也想下次有機會的時候，可以知道日後自療的重點是否應該改變一下，以改善這一個問題。。。

仙台旅行

今早發了一個夢，夢見自己同師父同terry師兄去了仙台公幹。。。。正確一點來說，應該係我一個人來了仙台公幹，但是不知為什麼又踫到師父同terry師兄。我不是住在一間酒店，而是居住在一間好像是日本人住的房屋。


夢中是公幹行程的最後一日，已然忘記了是第三或是第四日。剛剛師父同terry師兄去了效外，我相信是練功，本來我是很想跟去的，但是又要趕搭飛機走。而在同一時間，有一名租車公司的女職員，樣子都可以架，一路追問我會搭什麼時候的飛機走？？？開頭是我叫她來，想問她還車的事情，因為我想去join師父同terry師兄，應該會晚一點還車，還會改了直接在機場還車。但是不知怎的，後來她目的似是想我留多一點點時間陪她似的，或是不想我去join師父及terry師兄似的。。。


其實夢開頭我是搭ANA／港龍的來回機票的，她每問我一次，我就搵一次張機票出來，然後就收好。但是每搵一次之後，下一次就會比較難搵到張機票，到最後一次，時間是在十一時三十八分，我跟她說我要搭四時的飛機走，所以現在就要出門了。但是她就很確定我是搭六時的那一班飛機。之後我搵了很久才搵到張機票，而張機票竟然變成馬來西亞airline，仲要係零九年八月咁上下。吓？？？

我一驚之下就醒了，醒後剛好是六時，發現師姐真的很準，她昨天晚上用靈擺測試，已經知道今日應該會掛八號風球。。。其實星期一當天文台都未有任何消息的時候，她就已經估計星期三會打八號風球，勁！！！

盲了

今天早上發了一個怪夢，夢中有一傻佬，見人就殺，見狀我即時走人。因為我身邊有一小童要照顧，所以走得很慢，很不幸地被追上。但是很奇怪，殺人狂魔竟然無殺我，當然亦無放過我，他只是把我的雙眼挖走，好彩他似乎對我身邊的小朋友，一點興趣也沒有。說來也奇，被挖雙眼的我，竟然一點痛楚也沒有，只是不知怎的，就是行不了，可能雙眼雖被挖，但是還是跟我的身體連在一起，只是被挖離我的身體，沒有被取走。

但是最神奇的地方，就是我雖被挖走雙眼，但是我反而可以看得更清楚，而且很像是從高角度去看，把整個環境盡收眼簾。

而再奇怪的事，就是原來他不是對每一個人都有興趣，我不是說我要照顧的小朋友，而是其他的大人。對於那些人，不要說去追甚至殺，就連去望一眼的興趣也沒有。。。

沒多久後我便醒來，發現天色漸明，時間應該大概在六時左右，這個夢到底有什麼啟示呢？

水可以改變我生命

這一本＂水可以改變我生命＂是作者的第三本書，和前兩本一樣，主題都是說水對環境的反應。這一次的水結晶比較小，不過就有跟前兩本有少少不同，前兩本只係單單說水結晶對好的及不好的環境及說話的反應，今次作者還試圖一正一反的測試，看正面的說話可否扭轉負面環境或說話的反應，結果亦很正面，亦即係適當的正面說話，是有能力扭轉負面說話的負面反應。

另外一個對我來說很大的發現，就是原來連續用電腦多於四小時，比起用微波爐去將水加熱，水結晶被扭曲的情形更嚴重。對於一天起碼對電腦十小時以上的我，無疑是一個很大的負擔。。。難度我要在頭上包著布，像日本人一樣寫著正面的說話？

Anyway，跟前兩本一樣，作者偏好＂愛與感謝＂這句說話。而作者在這一本書中，就對愛與感謝作了一個測試，去驗証這句說話的作用。

最後一樣我想說的，就是當水看到南無阿彌陀佛後，水結晶真的好像明白什麼是無似的。。。最令我難明的是，作者只是給水看這一句文字，並不是佛經，亦不是圖像，但是水結晶就好像能看出佛的本來特質一樣。。。難度我天天都看一次南無阿彌陀佛這一句說話之後，我也可以真正悟出什麼是無？？？

超後悔的紅酒測試

昨天去到大舅家，喝著喝著他們勁贊好飲又好易入口的紅酒的時候，都幾同意他們說易入口這回事，但真的不太明白什麼是好喝的紅酒。突然之間，有一個念頭在腦海中升起＂到目前為止，我都未有機會進行靈氣紅酒測試，Why Not？＂。。。

於是馬上行動，開頭都諗究竟係用口吹符號，定係用最新看到的用念來比靈氣好？或是試用ada最新學識的方法，用眼去比靈氣好呢？諗來諗去，最後都決定用最基本的方法，雙手比靈氣落杯紅酒就算，一來最直接，二來萬一因為自己未能掌握新方法而影響到個結果就好似不太好。Anyway，一路都覺得不少能量已進入杯中，於是大概四分鐘就停止再比能量。懷著戰戰兢兢的心情，大口大口喝著已加入靈氣能量的紅酒，不懂品酒的我，都差點把口中紅酒全吐出來。因為原本很易入口的紅酒，只需四分鐘的時候，就被我變成很＂確＂喉的極難入口的紅酒，不懂品酒的我也知道這一定不是好紅酒。。。

同時間，另一個念頭又在腦海中升起＂為什麼我這麼笨呢？還有這麼大杯的超難入口紅酒，現在要怎麼算好？為什麼不等到紅酒喝得差不多的時候，才進行這個超笨的測試？現在給你一個肯定的答案，靈氣真的可以把紅酒，變得超難入口，那又怎樣？可以証明什麼呢？＂。。。唉。。。實在太笨。。。

榮格解夢書

本來我都以為這本＂博客來書籍館>榮格解夢書：夢的理論與解析＂是榮格先生寫的，借了回來一看才知道自己太大意，原來是＂詹姆斯．霍爾博士＂所寫的榮格學派解夢書。


其實睇之前都估，解夢其實無定論，睇完得出的結論亦一樣。例如春夢有時可以解作結合，可以解作是性格上的結合，亦可以是真正的春夢。。。不過大家不要失望，這本書都有教我們一般解夢要知的事情。


包括：－

• 自我
• 本我
• 原型形象
• 個人意識
• 個人潛意識
• 客體心靈
• 集體意識
• 情結

還有解萬要小心的事情，包括：－

• 解夢時要take care個人脈絡
• 移情作用
• 反移情作用（先不要問是什麼，因為看完我還有少少一頭霧水。。。唔。。。以我的理解，是解夢師跟案主的關係影響到解夢的事情。）

榮格學派一般視夢為補償，不要誤會，不是金錢上，是心靈上的補償。在解夢當中見到的人和事，意思不一定是表面上的那個人，或那件事，很有可能只是意思／方向，亦有可能是沒有什麼關係的。


例如：－

• 房子通常代表了心靈的形象
• 汽車似乎代表了自我結構，或代表自我從事各種活動的方式
• 死亡可解作轉化

最後我想講的就是作者對精神官能症的看法，我節錄其中兩頁如下：－

精神官能症就是心靈跟自己作對。其實心靈內各個部分的存在，例如自我和陰影，意味著這些部分的運作未必恊調一致。夢會對心理運作的所有狀態進行補償，對日常生活是補償個體化歷程的不足之處，對精神病是設法產生穩定的自我，對精神官能症則是積極把病人的自我帶出精神官能症的偏僻小路或死巷，走上個體化的康莊大道。個體化會一直進行，不管心靈處於何種狀能，有意識或無意識；不過，當自我有自覺並有心去觀察心靈的運作，以負責任的能度和行動參與心靈整體的演化時，個體化就會全速前進。

生命真正任務是躲不掉的，人不是直截了當去面對，就是要迂迴地去面對替代性問題。精神官能症的徵狀往往就是替代物，替代因為恐懼而避開的直接生命經驗。缺乏正常的自信心會導致慢性焦慮這個精神官能性症狀，因而一般說來並不可怕的情境也會變得很可怕。

精神官能症的一大特色是，表面上看來，似乎頗能適應外在世界。他們通常能把基本的生活處理妥當，代價卻是精神壓力大得不得了，就某方面來說，精神官能症所耗費的心力，比起單單和周遭的人起衝突要花的力氣大多了，精神官能症需要更精密的心理結構，它會把衝突內化，啟動心靈內在的情結結構，使自我隔絕在原來的衝突之外，但又製造出看似沒什麼意義的替代性衝突，直到接受分折才發現其中大有文章。

精神官能症的自我大體上己經穩定下來，而且結構良好，只是自我所認同的是護衛自我，不讓自我更進一步地直接參與個體化的自我形象。有時候，這是為了留住一段美好的過去，而自我因為緊抓著過去的快樂。多少變得固著。固著的發生，也可能因為過去受了嚴重的創傷，所以，自我不是設法讓過去創傷情境再度上演以去化解它，就是在目前對過去所受的創傷進行補償。不管是哪一種情形，目前都被為了補償過去而運作的心理動力犧牲了。倘若這樣的選擇能被意識到，那麼便不會有問題。個體會察覺這個錯誤，並放棄精神官能症式的努力，或是採取別種做法，以盡力去化解它。然而，如果這選擇不被意識到，這麼一來，自我所經歷到的，會是自己古怪而病能地讓事件重演。在心靈深處，這是自我所做的決定，只是這個決定和目前主要的自我形象脫節了。

本我會持續一輩子地對自我施加壓力，不但要它面對現實，而且要它參與個體化歷程。不管自我願不願意，本我都會照辦不誤。不過，潛意識對付不情願的自我所做的補償（夢靨，意外，身體症狀等等），通常比對有自覺且盡全力參與個體化歷程的自我所做的補償，還要更激烈。

那麼，夢可以幫上什麼忙？

對夢有所理解，我們會發現自我的重複性模式，從這些模式裡，往往可以看見錯誤反覆地以不同方式出現。只要看清楚這些衝突，就可能以一種負責任的方式棌取更直接的行動。夢的發生，主要是為了使心靈成為一整體，其次才是和自我的任何能度或立場形成對比。看見夢所做出的努力。清醒自我才能為自己定位，願意的話，去參與更深刻的歷程。這倒不是說，清醒自我可以輕易地逆轉生活的軌道，以符合夢的方式，好似夢去執行明確的補償，發揮它在健康心靈裡的自然功能。

夢若呈現自我被迫去面對威脅性情境，尤其意指夢者有精神官能性的發展遲緩。舉例來說，夢中具威脅性的人物，逼近夢境自我時反而變得比較不可怕，這種夢意味著自我面對心靈尚未整合的內容時，仍有過多的恐懼。在這個自我發展的階段，英雄式奮鬥的原型意象特別能發揮作用，因為不成熟的自我不去面對恐懼或具潛在威脅的情境，是不會成熟的。神話或民間故事裡有很多類似的故事敘說這種蛻變。童話故事裡面是蘊藏了形形色色的這一類自我發展模式，對於出現受難情節的夢其意義的擴展，幫助很大。童話故事也呈現出，男人與女人的自我發展模式非常多元。故事裡通常都會出現可怕，退化性的勢力需要被征服（例如龍），或出現狠心或怠惰的父母形象（老國王或善妒的後母等等）。此外，故事也會出現幫手，常常是會說話的動物，牠懂的生活智慧比自我還多。會說話的動物幫手的母題，指出了潛意識已準傋好要幫助自我完成任務；這類的夢尤其是預後的好兆頭。

童話故事母題的多元性提醒我們，有很多方式可以讓不成熟的自我蛻變成長，不是全都要經歷英雄式的奮鬥才行；有些童話故事裡的自我對什麼事都一竅不通，必須等待外界救援。臨床上來說，這種狀況需要分折師或治療團體扮演更為積極的支持性角色，在病人的自我能自行踏出獨立的第一步之前，給予更多的包容與呵護。

非死即傷的惡靈實錄

大家千萬不要誤會，我不是想做靈探。只是有一次，在一個幾無意的情形下，見到這個書名，又不知為何lib記竟會有這本書（我普無貶意，只是覺得比較。。。特別），又不知為何，又會上網錯手借下，才會寫這編讀後感。不過睇完都覺得幾OK喎，幾似睇怪談的感覺。

這本＂非死即傷的惡靈實錄＂ 介紹了不少出名鬧鬼的地方。包括
漢普頓宮-維基百科，自由的百科全書，白宮，衛爾康餐廳火災事件- 维基百科，自由的百科全书，等等。除此以外，還有很特別的八卦傳奇，包括：－

死而復生十二次的奇蹟之人
輪迴轉世真有其事
買到凶宅的美國富豪
兩個靈魂共用一個人體
未代沙皇的御用妖僧（格里高利·葉菲莫維奇·拉斯普京- 維基百科，自由的百科全書）
與精靈交流的瑞典天才學者（伊曼紐·斯威登堡- 维基百科，自由的百科全书）
屢創奇蹟的義大利神父（畢奧神父）

其中最勁的人，非畢奧神父莫屬，他行的神蹟跟耶穌行的一樣勁，身上還帶著耶穌被釘十字架的痕跡，傷口無一刻不是流著血，亦即是人們叫的聖痕- 维基百科，自由的百科全书。。。

除左上述的內容外，我在這本書中的最大得著，就是知道靈原來跟人一樣，是有好的，是會行行好的，是會幫人的。

下集

自從上完master之後，晚晚發夢唔係行大周天，就係幫人開竅。。。唔知係自己太緊張，定係潛意識幫我練習呢？

尋晚發左一個夢的下集，點解係下集？因為我記得之前發過上集，今次係廷續。本來都想同大家分享，點不知返到屋企唔記得左內容。。。真係無辦法。。。

不過唔緊要，照我估計，仲有下下集，到時再同大家分享。

個人突破

今晚為左要參加八八八八千年難得一次的活動，我跟同學仔唯有將原先响八八八八舉行的開竅練習改成今晚，不過我就被迫第一次玩放飛機，走了大師們的每月gathering。。。

一路都有少少內疚，到左差不多練習完之際，就收到大師們的電話。從電話內容得知，他們還未走，於是就火速跑去。去到還得他們比機會，我一個初初學曉開竅，還未有cert的新師仔，幫他們七個經驗老到的大師們，開返個治療開竅，真係開心到震。

其實一叫他們坐下的時候，全身已覺有少少震，是我太緊張？還是他們的大佬已經到步準備幫手呢？一路做的同時，師姐一路都有少少作嘔狀，搞到我有少少緊張，又再次搞亂次序。好彩只是grounding早左少少，而且最後都幫他們多做一次grounding，相信應該問題不大。到了尾聲，竟然雙腳有少少熱，是我行／企得太耐？定真係grounding起作用將多餘能量送走？真是不得而知。

本來都想作一個少少的分享，可惜時間已太晚，唯有下次再傾。一路在回家的路上，又再發現師兄真係師兄，佢竟然响比我自己還早的時候，就發現我的喉嚨不適。。。勁！！！

之後都有少少手脹脹，頭亦有少少痛。不過其實今日中午在電梯遇到奇人後，我個頭已經一路都有少少痛。話說今天中午搭電梯去食lunch，突覺天眼被人握實，有少少痛。情形有少少似天眼大開的師兄師姐幫我做healing時的感覺一樣。之後眼尾就見有奇人一路望實我頂輪，好彩電梯剛到地下，於是馬上跑離現場，不過之後雖然天眼無痛，不過就開始頭痛。。。所以今次頭痛都不知是什麼原因。。。

Anyway，今次一開七之後都要行返多幾次大周天先得。。。

煲熟左？

上完Master短短一個星期，晚晚不是忙於幫人開竅，便是比其他同學開竅，為怕被煲熟，天天都會行十多二十次大周天。不過似乎不太夠，自從師姐星期四晚發現我右手痛後，啱啱今日就連左手都開始痛。。。

其實一路以來都有被師姐開竅，還以為自己已經習慣了被煲，另外自己又無太大feel，所以就開始亂嚟。常常剛剛同三個朋友開完竅，馬上（即係無休息）又幫另外三個朋友再開竅，一路以來都無感覺，仲以為相安無事，又因為我每次開竅同時都會行三至四次大周天，所以諗住應該無問題。

點不知星期四開始，隻右手就開始有d痛。到左星期五，右手情況無好起來不特止，仲越來越痛，汀汀師姐其實尋晚都feel到，仲已經話比我聽我條三焦經有事，不過我唔知聽唔到定係咩，都仲未識寫個死字，可能我未確實feel到係三焦經，又覺得痛的地方是心包經，所以不以為然。當晚仲係咁幫人開竅，人數同頻率都仲係無變。到左今朝開始發覺右手變左無名指痛，都仲未理佢，仲幫人做左一個超快版MBS，之後又馬上做個治療開竅。走的時候突然覺唔對路，馬上行左五至六次大周天，點不知今晚都未幫人開竅，就連左手都痛上來，右手無名指仲越來越痛添。。。

同師姐傾開，佢教我用海鹽浸手，再行大周天。我跟足佢教的方法，浸左十多分鐘，再行左十次大周天，左手開始唔痛，右手還仲有少少。今晚我唯有暫停一日唔幫人開竅，沖涼再行多幾次大周天，瞓前再打個坐，聽日再浸埋手再加多幾個大周天，然後先再開功。所以話有d事，係真要經歷過先知。。。個死字係點寫。。。

而家先明點解大師會用咁多時間，去confirm我地真係識行大周天，原來行大周天真係超級緊要，特別係我地啱啱學左仲要跑數的學生Master。。。

真正sit-in level 1

因為之前多數都起碼有一堂係唔得閒，所以今晚都算係第一次真真正正sit-in level 1，竟然又比我遇到一個勁的新人，不論feel同能量都比我上第一堂好太多喇。

Anyway，原本都無諗過今次會有新嘢學，點不知一來大師竟然又有新嘢教都不特止，大師仲講左d X File我地聽，又有d絕密背景資料添，真係得益不少。

其實今晚我都有expectation架，就係幫人埋身開竅，本來都用公仔做過一次，都OK架，點不知一做就發現埋身做唔係果回事。今晚叫做第一次埋身做傳法開竅，唔知點解好緊張，可能同大師一齊開，怕跟唔上佢，點不知一開始我就不知為什麼呆若木雞，大師開始做第二個step我先醒，搞到事後要係咁追返個進度，一要追個人又再緊張d，搞到有個step又跳左都唔知，又有少少手忙腳亂，仲吹到汀汀一面都係。。。真係失禮哂，所以話真係要practice下。而且用公仔做係同埋身做真係差好遠，心態上緊張好多好多，下次有機會真係要定d先得。

唔好發皮四？邊個話架．．．

上完MBS之後已經好忙架啦，而家上完master仲忙，又要開竅，又要行大周天，仲要計埋數（記住做左幾多個）添，真係搞到無哂時間打坐．剛剛又開始從新練習傻下傻下，又玩邊度咁，真係搞到我唔識分配時間添．

同朋友傾開，覺得其實上左MBS好似係大感覺d，朋友就話可能因為比較同肉身有關係多d．不過唔講唔覺，講開又覺，其實上左master之後個人又再敏感左，好似成日無啦啦覺得個人熱熱地，就知原來有個人响我身邊靜靜雞練嘅功，又好似無啦啦條大腸經有反應就知，唔係我就係身邊嘅人有"急事"，又好似今日咁，中午食飽飯瞓左一陣，之後比人call醒，無啦啦條小腸經鬼咁熱喎．．．呢d真係之前都無試過，學hero咁講，原來不知不覺間我地身體已經起左變化喇．．．當然亦都好似hero入面個細佬咁，未係好manage到，所以有時都會出錯啦．

雖然我地個個都為左跑數日日夜夜咁練習，可以話有少少疲於奔命，其實咁反而靜悄悄地搞到日子好易又過一日．．．有時諗返，其實有時做人做事，忙同唔忙都係咁過生活啫，只要可以keep到平常心，做每件事都比個心去做，如果真係可以放鬆d，退一步客觀d嚟睇，可能件事並唔係特別討厭架．

好似上個星期咁，無啦啦要我開通頂做一個Job，本來都唔太高興，但係後來諗深一層，先發覺自己都唔知點解咁唔開心，反正開心又要做，唔開心都無得走架啦．再者其實本來個job就係無咩難度，而且一d都唔煩架，又唔係咁討人厭啫．所以開始懷疑，究竟係咪自我响度搞鬼呢？

一諗到呢度，之後個人就開始醒醒地，心情又好返起嚟喇．所以有時唔係比唔比自己發老皮，而係要知道自己因咩事要發老皮，又係唔係值得傷身去發老皮．你無睇錯啊，其實中醫不嬲都有講，發皮四係會傷肝，亦即係所謂的怒傷肝喇．唔好以為唔發佢出嚟就無事，其實唔發佢出嚟係仲大件事，因為怒氣同其他情緒一樣，係會積左入身體入面架，積左入身體的情緒，係很難先可以攞返出嚟架．．．學大師講，人就係會有皮四架啦．不過真係發還發，要發得其所先可以收貨．

而榮格都有講，話人的陰暗面其實就係平日我地按捺住的情格，而每個人都應該係全面的，我理解係無話邊d人無邊d性格（好似皮四咁），我地越係按捺住佢，其實佢唔會走左左，亦唔會無故消失，只會走左去我地的陰暗面，亦即係第二性格，久而久之就會生出心理病．．．

飛強正傳

自從上兩次清屋之後，屋企真係少左見到小強。So far都係見過三次，第一次就見到十多隻反左肚的小強，我好有理由相信，呢個係我keep住send能量清屋的後果。

第二次就只是見到一隻強哥，不過後來都比我搞掂左。最後一次就係尋晚，今次強哥好似sense到我要同佢超度咁，遠遠已經跑得好快，同以往的有點不一樣。今次佢比起以前見到的強哥差好遠，仲搞到飛埋添，同佢大戰左十幾個回合先可以超度到佢。真是不知是否清屋過度，搞到有太多多餘能量比佢吸哂呢。。。

不經不覺又不知不覺

不經不覺學左reiki已經滿一年了，不經不覺又上左reiki master喇，回想一前年啱啱知道reiki的時候，心態上的改變真是不少。其實我之前都是抱住戰戰兢兢的心情學reiki，又抱住半信半疑的心態跟alan學。學左成年reiki，越來越相信reiki在個人健康上，真係可以幫到我，試過很多次感冒初起，只要keep住練功，十次有九次都可以好起來。當然跟左alan一年，亦越來越對alan有信心。說得白一點，在free trial session（即係一般叫做healing night或free talk）上，因為同alan無直接交流，而個人對free trial session的感覺亦不是太大，可能因為只是給上了一堂的師兄師姐幫手，坦白說，當時有個感覺＂唔係呱。。。。＂，所以自我心態上已經block死左。

就是這樣，本來我是對reiki沒有太大信心的，當然亦覺得學reiki有少少貴。因為學氣功都只要三幾百就可以學識，我亦跟過三幾個師父學過唔同門派的氣功。只不過氣功真的要很長時間的苦練，方可以練得有氣感，更莫說要發氣幫人。就講到最基本要記得整套功法的動作，亦已經要每天多加練習。我已每天花了半小時，連續練了一年的時間，亦免強只有少少少少氣感。功法上亦只係東記得少少，西記得少少。忘記的原因，有的功法實在太多動作，有的功法動作難度對我來說實在是太難，又有的是我太懶，又有的是我記性不夠好，加加埋埋就成了這樣的後果。以上等等竟然到最後成為我學reiki的一大推動力，因為上完一堂的同學，他們已經可以發氣幫人，而且亦不需要記任何特別動作，練功亦只是做healing或者靜坐等等，真是最啱這麼懶的我。

但是沒有機會試過師父的功力，始終信心不太大。。。再說得白少少，不是terry師兄大力推薦Alan師父，我真的可能已經跟第二位出名平的師父了。後來同一個舊朋友傾開，原來佢就是跟我初初心目中的師父上了reiki，再跟她詳談，先知Terry師兄的確無介紹錯。而我的朋友因為種種原因，已經無再學reiki。甚至就連用也沒有，因為她己對reiki失去信心了。幸而得知Alan的教學方式真的比較啱我，不過Alan就好似苦瓜一樣（先不要鬧我。。。），我不是說Alan苦口苦面，苦瓜表面平平無奇，初入口只有苦味，要再三慢慢品嚐，先可以由苦味食出甘甘地的味道來。

另外，個人心態上亦有不少轉變，經過無數的課堂，令我明白到，我地的念力實已經增加不少，亦令我明白到，做人做事真係要更加正氣正念。睇左少少靈修書，又經常聽到大師似有意無意的一番說話，令到我比以前更加了解能量世界的運作，講人壞話就真係可免則免。現在的我，盡可能都會向好的方面想人和事。當然我亦是一個人，有情緒，亦會發老皮，少不免都有講少少人壞話，不過發生的機率真是少了，講的時候亦收歛了，說的負面說話留有多點餘地。

不知不覺之間，個人敏感度亦增加了。此等變化，好多時也是在我意識之外，悄悄的進行。現在若然有一位天眼大開的師兄師姐在我左近，我的天眼就好像被緊緊握著一樣。同學昨天問起，我還以為是今年近MBS才開始，在回家的路上才驚醒，原來早在上年學無尚瑜珈，不知不覺間已有這樣的反應。除了天眼外，有時亦可以感應到身邊人的身體情況，不過不是次次也有感覺，亦試過感覺與事實不乎，亦即係感覺錯了。

還有就是大力了，不是說力氣的力，是說氣的勁度。當然偶然也會遇上石人，即是無論做得有幾勁，有幾激，佢都會話你聽無feel的人，我亦不例外，無論我點出力，幫佢用到幾激的方法，佢都係無feeling，上了Master後，曾經有點諗過再抓他出來試一吓。。。但是再想深一層，佢feel到也好，無feel亦好，真是不太與我有關係，無用浪費心力在這等無聊事上。人一般也喜愛吃甜的，因為甜的食物一般比較多熱量。而人多不愛吃苦的食物，因為有毒的食物多數帶有苦味。。。，總相信事出必有因，這可能是他的功課吧。

自然療法? DNA? 科學?

有無諗過一句說話可以改變DNA?有一日無意之中搵到一編article．佢話俄羅斯有一班科學家，發現原來說話或者頻率（我估佢係指wave）係可以影響到DNA．佢地對遙視，第六感，自然療法，遙距治療等等作出解釋．作者講到原來人的DNA只有10%同蛋白質有關係，其餘90%只係被科學家當成多餘．不過俄羅斯科學家對被指為多餘的90%DNA做了研究，個結果都幾劃時代．

佢地發現，原來我地的DNA除了生成身體之外，仲會用作記憶．特別係那90%所謂無用的DNA，其實佢地仲同我地用開的語言有好相似的地方．（可惜我個人不太看得明，所以若果有理解錯的地方，請大家多多包含．）

科學家們更証實DNA對我地日常用的語言是有反應的，這一點解釋了為何正面的說話，以至催眠對人會有用．科學家們發現，他們可以制造一些儀器去發射雷射光束或電波，從而產生同樣效果，甚至可以修復被X光破壞了的chromosomes（這一個名詞我亦不太清楚，不過大意係DNA入面一些主要的組成）．

其實心靈／神秘學老師一早就知道念同說話係可以改變身體，現在科學家亦已驗証了．當然要用正確的頻頻，所以不是所有人都可以做到．要達到這目的，人們要同內在進行修練／溝通（以我理解），從而同自我的DNA溝通．但是俄羅斯的科學家們可以做到百發百中．

而當然自我覺醒越高的人，就越不需用此等儀器．最後，科學（我估作者指西方科學）都會証實人係可以改變自己的DNA．俄羅斯的科學家還發現我們的DNA是有能力影響真空，從而制造磁化的蟲洞（wormholes）．蟲洞就是偉大的愛因斯坦所講的黑洞周邊的橋樑．

在這通往宇宙的其他地方的隧道內，資訊係可以超越時間以至空間的．DNA可以吸收這些資訊然後交給我們的意識．壓力是會影響到我們吸收的能力，所以只有當我們處於完全放鬆的情況下，才會是最容易接收這些資訊的時候．我們是通過hypercommunication（真係未搵到一個好的翻譯）去接收此等資訊，昆蟲非常了解此道．現代人只是用比較次一等的能力，就是直覺．不過遲早人們也會全然覺醒．

要試途解釋hypercommunication，請大家看看螞蟻王國，儘管蟻后不在王國當中，但是螞蟻們仍舊根據蟻后原來的計畫去建築蟻王國（螞蟻窩）．不過若然蟻后死了，螞蟻們就會停止螞蟻王國的建築工程．好明顯，蟻后會發送建國大計去螞蟻們的集體意識中．

人們若果開通左hypercommunication的能力，他們就會好似經驗到啟蒙或直覺一樣．話說名意大利作曲家Giuseppe Tartini，有一晚發夢見到有一魔鬼坐在床邊演奏小提琴，之後Tartini就將編樂曲寫下叫做”Devil's Trill Sonata”．

更有一名42歲男護士多年發夢，從百科全書獲得很多資料．而他醒後亦可記得夢中所獲的資料．其中大部份資料都是非常深入，絕對遠超過他個人知識範圍．

當hypercommunication發生，科學家是可以從DNA中觀察得到．俄羅斯科學家用雷射光改變DNA，之然用儀器可以見到波形有轉變．但是當他們取走已被改變的DNA，再看波形圖竟然發現無反回原狀．科學家們將這個現象叫做影子DNA效果．

科學家推測，就算取走DNA之後，能量仍然穿越時空，通過已啟動了的蟲洞流過來．除了這個負作以外，亦會在人身邊有一個不能解釋的電磁場．

這種現象亦會令到CD機等電器失效，直至電磁場慢慢退去為止．好多心靈導師跟治療師都知道這個現象．能量同氣氛越強大，電子儀器會越失靈．關機從新啟動亦不能解決問題，只有等到第二天一切先會反回正常．

其實上述的內容是從”Vernetzte Intelligenz”（德文書）中有詳細解釋．

作者假定早期人類應該同動物一樣是集體行動，亦同集體意識連接得非常緊密．當人類開始個體活動的時候，人們就需要完全忘記hypercommunication．

人們發展的個人意識已經相當穩定，已經可以制造一個新的集體意識名叫"one"．從那裡我們可以通過DNA接收到資訊，而不需要被迫根據那些資訊做任何事情．通過這個網絡，我們可以接收資訊外，亦可以發送資訊以及同其他網絡參與者溝通．

這樣，我們便可以通過對hypercommunication及集體意識去解釋遙距治療／傳心術或者遙距接收親屬的狀況．

在這個千禧年裡，研究人員覺得hypercommunication可以有全然不同的解釋：研究人員覺得，若果人類擁有高度個人意識，是可以再度得到集體意識，然後他們便可以有神一樣的能力去制造甚至改變地球上的任何物質．（亞特蘭提斯？）而人類的確正在向這個方向前進．

現時有一半的小朋友，上學的時候便成了問題兒童．系統要求他們改變，但係現今小孩的自我實在太強，他們拒絕改變及保留他們的習性．

同時間，越來越多有透視力的的兒童出生，此等新類型小童有努力邁向集體意識的趨向，此等趨向是不會被壓制的．舉個例：單一個人好難可以影響到天氣，但若是團體就可以做到，土著一早就學會用求雨舞來求雨．天氣好強烈地受到地球的共震頻率（修曼頻率）所影響．而當一班人集體想著同一件事情的時候，在科學的角度上來看，這是有能力可以影響到天氣的．當然若是大師級人馬，一個人集中念力就已經可以做到同樣的事情．

集體意識的研究人員有個理論，就是一級文明（擁有集體意識的新人類）是不會有環境及能源不足的問題．若果用念力去統一文明，控制地球的能量是很自然的事．當然亦包括自然的災難．理論上，二級文明還可以控制星系的能量．

（本來仲有一半未翻譯好，不過實在太花時間，亦有太多專業明詞令到翻譯極度困難，Anyway，早前我已經寫左編blog關於集體意識，有興趣可以去睇一吓．如果想知更多詳情，請到Spirituality and Science: DNA is influneced by words and frequencies，入面還有其他好有用的文章，絕對值得你花時間慢慢細看．）

強哥回歸

昨天清屋事件過後，BB竟然睡得比較甜，於是今天又再進行一次清屋行動，本來只是希望BB今晚又再有一個甜甜的睡眠，誰不知有意想不到的效果。

今晚幫BB洗澡，老婆見到強哥在廚房，她是極度怕強哥，所以她只好等一會再進去。誰不知我幫仔仔洗澡完畢，再穿好衣服，強哥也是在原位動也不動。於是又要我去處理，我一入到廚房就發覺這強同那強（昨天走掉的強哥）在size上很相似，起初還以為它已歸西，到我想執起它的時候才發現它還在生，花了一點功夫終於都整理好。之後又發現一隻小強（Size少很多），原本昨天走掉兩隻小強（強哥加小哥），本來以為是它沒錯，後來再想清楚又好像搞錯，這隻小強比昨天走掉的另一隻還要少，應該不是同一隻小強。Anyway，於是又要花一點功夫清理廚房。

昨天天氣真的很熱，所以它們出來還可以有合理解釋，但今天它們又為什麼出來，還動也不動地等待著什麼似的呢？莫非今天加昨天的心經清屋行已幫它們超度？

十小強

尋晚打完編blog之後，如常做完少少家務才睡，誰不知一入到廚房，就比我不斷見到強哥強仔（用size嚟分），搞到我鬼咁忙。。。

其實平時都有見開佢地，不過以前多數solo，同佢地玩開隻偢。尋晚不知是否因為我中午用心經清左屋呢，搞到佢地出哂嚟，好似同我哂馬示威咁？？？定係尋晚太熱呢？

深夜加油站遇見蘇格拉底

剛剛又睇完一本暢銷百萬冊的深夜加油站遇見蘇格拉底，又再擴闊了我的視野。一如以往，內容我就不會在此詳述，你大可到各大書網慢慢細閱。我只會把我感受比較深的段落，加進我這編讀後感中。

作者在開頭用簡單的一句：＂了解是智力單一面向的理解，它帶來知識；領悟則是頭腦，心靈和本能三個面向同時都能理解。只有直接的經驗才能讓人有所領悟。＂，就道出學習的正確方法，就是要多實習。

又有無諗過，點解有的人情緒會波動，有的人可以經常心平氣和？作者就解釋：＂你的心智波濤洶湧，因為一有計劃之外，不受歡迎的事情發生，你就會產生分裂感，而且覺得備受威脅。你的心智就像剛被人投進一塊大石頭的水塘。當你抗拒眼前發生的事情時，你的心智便開始賽跑；那些襲擊你的思緒，其實是你自己所創造的。＂。

要做到經常心平氣和，作者就教：＂一旦你能清楚了解來源，就會看出心智的波紋和你這個人無關；你會不帶情緒，只是注視著波紋，以後一有小石頭掉進來，你再也不會不由自主地過度反應。一旦你不再如此一本正經地看待你的思緒，就可以不受這世界的騷動不安所干擾。記住，碰到困擾時，抛開你的思緒，看穿你的心智！覺察力的大躍進並不會一下子就發生，而是需要時間與修練。有個練習可以使你洞悉自己的波紋來源，那就是靜坐。＂。

又曾幾何時，我以為學曉了腹式呼吸就了解何為真正呼吸，作者對呼吸有更更更深多層的睇法，作者認為呼吸是身心之間，感覺與行動之間的橋樑，均勻並自然的呼吸會把你帶回當下這一刻，亦會使你知覺意識清明起來，但是作者所指的自然呼吸，是要用一分鐘一次的頻率去呼吸。。。

作者又認為，嬰兒才是情緒大師，因為嬰兒不舒服的時候，就會藉著哭來表達情緒，那是純粹的哭泣。嬰兒不會東想西想，納悶著自己該不該哭。嬰兒徹底接受自己的情緒，他們任意發洩情感，發洩完了便放下。在這件事情上，嬰兒是優秀的老師，學會他門的教導，你就能化解舊習。

最後我想提的，就是我們一定曾經以為自己已經很放鬆？但是作者對真正放鬆又有一個更更更深的睇法。作者就用貓兒的肌肉做比喻，當我們肌肉處於放鬆狀態時，若果捏下去可以越捏越捏深，直到碰到骨骼就為之好，否則就代表我們的肌肉太緊張。我家中沒有貓，只有BB一個，我一捏之下就知道原來有不少事情，我真是要向我仔仔學習。肌肉越緊張，動作時消耗的能量就會越多。我就跟主角一樣，一路以為堅硬的肌肉是正常的。。。我諗都要搵日去massage先得喇。

最後（今次真架）我認為，若果你每每遇到的事物，都不是很理想的話，千萬不要放棄。因為可能好以主角一樣，現在給你的，是你的功課或練習。無經過這樣的練習，你是不會達成你真正來此的目的。到你已經達成你今生的目的後，可能你生命中的最重要的事物，就會馬上出現在你面前。。。

前世今生來生緣

問朋友借左本前世今生來生緣，因為實在太多case，case detail我不嬲都無好詳細慢慢睇，所以就可以好快睇完。

簡單來講，這本書可以用一句說話作為一個總結，就是活在當下。除了前世催眠外，布萊恩。魏斯博士竟然仲識幫案主做來生催眠。從來生催眠的個案中，我了解到何為平衡世界，我了解到活在當下的重要，因為布萊恩。魏斯博士比我睇到未來是如何受到我們當下所影響。我們每一個當下的決定，是會直接影響到我們的來生。。。

有多於一個個案，提到未來真係需要我們提升，而人們亦會和平相處。其中有一個個案仲提到，提升後的未來人們，身體會變得半透明，和一些講述2012光子帶的網站中所提到的人們是一樣的。

只是提外話，書裡多次提到亞特蘭提斯，不知我會否有機會學到亞特蘭提斯的能量技巧呢？而書中所提及未來五十年左右，會有一班大師們專門send energy比地球，不過根據師父所講，其實已經有一班這樣的大師，他們真是很偉大。

雨過天晴

婆婆已經好返好多，龍精虎猛，仲好好胃口添，於是我前晚就用師兄教的方法，send完最後一次心經。


其實本來我不嬲都無插手，今次的介入主要都只是不想婆婆去得太辛苦，所以先會出手。袖手旁觀是有原因的。第一，其實以前試過有相似情形，已經同外母講可以試下幫手，但是她似乎未太相信。第二，我覺得有些事情都是她們的功課，若果她們沒有把自己功課做好，我就茂茂然出手，她們的功課不會完，若然今世都未有把功課做好，只會令到她們下一世也要完成今世未完成的功課。

好似尋日外母同我講，話婆婆隻手都仲有少少痛，於是我就話其實心有事隻手有機會會痛，當然我只係估估下。不過外母就不太相信，當然未必係事實，但係似乎佢都仲對經胳中醫等等未係太過接受，只是對我說醫生有幫佢醫。。。我絕對無估錯，西醫只是開了止痛藥，那算得上是醫呢？？？可惜我的中醫情度，只是一知半解，未能幫上任何的忙。

只有希望她們及早了解她們的功課，並把它做好。

吉人天相

今天中午二時許收到老人院電話通知，說剛剛打電話叫救護車，送了老婆的婆婆入廣華醫院，因為婆婆呼吸困難。其實已經不是第一次收到這樣的電話，但是心裡總是覺得有點奇怪。之後老婆個姪仔仲問我去玩具返斗城的計畫有沒有變，一般的我是會等外母話事，但是今次我就好快咁拒絕左姪仔。因為我總覺得今次應該不太簡單，誰不之半小時後，老人院陪阿婆入院的姑娘，就轉達醫院護士的口信，說婆婆好有機會過不了這一關，叫我們所有屋企人都最好盡快到醫院。

此時心血來潮，記起師父曾經說過心經在這等情形，應該是很管用，於是就藉詞去換衣服，其實馬上send了一編心經給婆婆。send完只覺自己的呼吸急速，個心亦有少少涼冰冰的感覺。其實我都未知婆婆出了什麼事，只知道呼吸困難，所以有少少不明白。一路搭的士個心仍是不太好，可能之前send完心經的反應不太好，所以心裡不好受，此時老婆問我是否很累，為什麼平合起雙眼。因為老婆未知我做了什麼，亦不想她們胡思亂想，所以我唯有隨便說了個藉口了事。

去到醫院，因為不是探病時間，所以只有外母進去病房了解情形，我見外母都只是企在病房外同姑娘打探，似乎情形未許樂觀。而且她們是在心臟加護病房門外。於是我又藉詞去買點小食，實質馬上又左send一次心經。到我回來，知道婆婆危險期未過，醫護人員剛剛說搶救無效，現在等驗血結果，若果情形不變，不排除會幫婆婆插喉幫助呼吸，而且醫生仲話，婆婆情形不太樂觀，因為婆婆原來是心臟病，同時間肝同腎功能衰竭，婆婆年齡亦不少。。。眼見他們個個面無人色，可能因為插喉差不多等於等死，我正在心裡盤算，是否應再send一次心經，等婆婆去得安落好？

正在此時輪到我去探婆婆，一去到婆婆床前，馬上向外母打探，因為她和醫護人員談了很久，亦有機會同老人院來的姑姑見面，先知道之前婆婆呼吸真的十分困難，個頭仲要兩邊轉，直情好似食了軟性毒品一樣，但是她就說婆婆情形無變過，似乎仍是不太樂觀，可能醫護人員未有update，所以她未知婆婆真正情形。不過我一望之下，就發覺婆婆呼吸雖然有點吃力，但是已比外母形容的情形好了一點，於是我又打八卦，望望婆婆床邊儀器，發覺婆婆血壓原來一直在下降，已由剛剛入院的177下降到155，於是我馬上暗暗比energy婆婆，再心唸心經一編，之後就馬上走，因為怕energy太多。臨走前仲同外母大派定心丸，說婆婆情形一路轉好，一定吉人天相，不用擔心。

去到大堂我亦同大家派定心丸，此時他們仍不太相信，因為血壓仍不低，而且醫生剛剛一句話，實在等於判了婆婆死刑。之後我仲帶了老婆個姪仔去行街，一個小時後回到醫院，見他們個個臉帶笑容，亦知道我的估計無誤。於我們臨離開醫院前，我亦再次去到婆婆床邊，一心看看床邊儀器，因為他們似乎不太知道，看看這個儀器比起問醫護人們更有用。看完後個人就更加肯定，知道婆婆今次一定吉人天相，因為血壓已經降到108/65，而且見到婆婆睡得很甜。

今次的經驗，又再驗証，中國醫學真的博大精深，因為老人院知道婆婆出事的時間，是大概下午二時左右，所以我估計婆婆有事的時候，實際上應該係一點或之前已經開始，因為婆婆是痛苦了一段時間才叫姑姑的。而根據子午流註裡面講，十一點到一點應該是心經的時間。在此亦要再次多謝師父，若果不是師父教我心經及其用法，我亦不知道此時應如何是好。

人體復原工程

剛剛問朋友借左本人體復原工程睇，裡面基本上同上一本講的都相差不遠，比起上一本，我覺得這一本更適合作為系列的第一本書。原因乃是這一本反而比上一本有更多的中醫基本概念，例如五臟六腑，子午流註，養生之道等等。

我都幾同意作者所講的中西醫分別，其中有一句講到：＂中醫是研究活人的科學，西醫則是以死人為基礎的科學。＂。

我更同意作者所講的病由心生，作者仲借佛經裡的一句話：＂這個世界由心所造，這句話用在慢性病上確實如此，大多數的慢性病都和情緒有密切的關係，都是自己的心創造出來的。＂。而其中一章講到生氣的機制，裡面提到生氣的時候人體的變化，而不同的處理方法亦會帶來不同的效果。而作者亦提到避免的方法，就是每有小不滿，只要適當的溝通，最多小吵兩句，就能化解。但若是把小不滿積壓，到不發作出來不可的時候，就會一股腦地全倒了出來，那便會對身體造成大傷害，所以應該避免。

另外，作者仲提到一種叫便秘的性格，就是不滿的意見不會輕易說出來，情緒上的垃圾就會開始在心裡累積，這樣的性格多由少就已經形成，所以當一些聰明的孩子，很懂察色，父母就要小心。。。

作者仲講到其他情緒生成的病，例如十二指腸及脫髮多由生悶氣生成，而生性伴侣悶氣多會生成乳癌。

除了情緒之外，作者竟然仲教我地相人，佢講到男生左邊臉和女生右邊臉，都是比較不開心的。而且左右臉可以說會顯現一個人的顯性和隱性，亦即係意識臉和潛意識臉。而左右臉相差越大，性格愈不穩定，整體而言生活得並不開心，人就愈難相處。千萬不要覺得這是扯遠了，其實正如書裡面較前章節所講，情緒係會影響到健康，所以教人觀形察色絕對有幫助，起碼我地知道睇人開心的笑容要睇左右兩邊臉，若然一邊笑一邊有另一個表情，就代表那人真正的情緒不是開心，亦對於了解及開解別人有莫大的幫助。

除了以上精彩的內容以外，我最欣想都係作者終於都有講到幾時一式三招不適用，我覺得這樣才比較全面，不會老是給人硬銷的感覺。

總括來說，這一本人體復原工程真的比上一本更出色，絕對值得一看。

不斷幸福論

睇完這本不斷幸福論已經有大概一個星期的時間，一路都提不起興趣寫讀後感，原因是我並不是太認同這本書的方向，不過圖書己過期，所以最後只好在還書前草草寫下這一編讀後感。

作者其實節錄了很多不同的科學家對如何達至幸福做了的實驗結果。眾所周知，西方不少的科學家對身心的實驗，多數都會選用西方醫學角度作為主要思想，而西方醫學多以單一物質作為研究對象，這一點就是我不太認同的地方。除此之外，其他章節亦不見得對＂如何達至幸福＂有很大的幫助。

不過得著總會有，例如：－
１。原來德國係一個不少人會自殺的國家，亦即係國民對生活的滿意情度未如理想。難怪他們生小朋友的時候，夫婦二人都會享有一年有薪大假，而且政府亦會派錢，果然事出必有因。
２。好多發展中國家的國民滿意情度竟然比起不少富裕國家更為好，亦即係金錢同幸福係沒有成正比。
３。原來一個人真正開心的時候，是會郁動到面部所有肌肉，其中有一些是不隨意肌，所以真正開心的笑容，跟不是發自內心的笑容是有分別的。但是如果訓練到可以自由控制到那些肌肉，人亦可以因為肌肉傳送到腦部的信號而感到開心。
４。科學家門對腦部做左一次詳細的研究，發現人其實可以同時接收到開心與痛苦的信號，但是最後是開心或者痛苦就是取決於他自己的選擇，不過多數人都會偏向選擇痛苦，原因乃是苦痛的信號是會比開心的信號來得強烈。科學家門亦有大膽作出估計，就是痛苦的感覺係叫生物要馬上作出反應，從而作出作戰或逃跑的決定。亦即是痛苦的信號比起其他信號都大的原因是求生的基本意識。
５。科學家做過一個實驗，就係每當餵狗狗的同時，先讓節拍器發出滴答聲，過了一陣子，狗兒一聽到滴答聲就會流口水。。。亦即係就算係本能，亦可以經由被訓而改變。
６。有一個好爆笑的實驗，用左前美國總統柯立芝做名稱。故事是這樣的：柯立芝夫人走進一座雞舍，看見一隻公雞生龍活虎地與母雞開心快活。夫人印象深刻，並詢問這公雞多久交配一次。得到的回答是一天十二次。於是她就說：＂請把這件事告訴總統先生＂。稍後柯立芝也來到雞舍。聽完這隻公雞的英雄事積後，他問：＂牠每次都跟同一隻母雞嗎？＂。得到的回答是：＂噢，不，每一次都跟另一隻母雞。＂。總統先生當然要求傳話給夫人。於是科學家就把對於同一個伴侣興趣逐漸減弱的現象稱為：＂柯立芝效應＂。雖然實驗是針對雄性生物，不過作者就推想女性的慾望不比男性低。原來人類足足有十五個巴仙的爸爸會用基因檢測來證明他們的孩子不是自己的。這數宇的確是驚人。。。

本書另一個我不太認同的地方，就是很多實驗對象不是老鼠，就是狗，或是猴子。但是每當用在人身上，往往會有不良的效果。

啟動神秘療癒能量：古代神秘學院進階療癒技巧

同朋友講開先知呢本啟動神秘療癒能量：古代神秘學院進階療癒技巧 原來已經出左，於是就叫朋友幫手買左返嚟睇。買到返屋企日煲夜煲，終於都睇完，感覺無第一本咁好睇。

Anyway，呢本書主要都係教我地點樣開啟我地嘅七輪，而佢教左我地一個好簡單嘅冥想方法去開啟我地嘅七輪，呢個方法仲可以由我地帶patient做，等療愈能量自己幫patient解決佢嘅問題，真係幾方便。

除此之外，佢仲有教我地一d咒音，去加強我地嘅療愈能力，亦有教我地點樣開敫第三眼。

另外佢都有講到點樣訓練我地嘅潛意識，同師父教嘅有d似。佢就教用一句好簡單嘅句子，去令到我地平靜，健康同快樂。

不過我最有興趣都係佢提到有一本書，書名叫＂The Secret Doctrines of Jesus＂，內容講咩我就唔太知，不過睇到個名已經好想睇，可惜仲未有中文版。。。本書都已經出左十幾年，點解仲未有中文版嘅呢？

雖然無第一本咁好睇，不過我覺得都值得一睇，單單睇個冥想果一part已經值回票價啦。

MBS後感

剛剛上完MBS一個星期左右，之前channel太多energy搞到自己周身好攰嘅問題好似無左，可能自己開始適應左？而家我多數healing都係用MBS幫人做頭，因為一來人地多數都有feel，二來連我自己塊面都覺得郁郁地，亦即係幫人sure亦幫到自己，最緊要係好多人個頭都需要MBS多過個身，仲要做頭只係做身嘅一半時間。。。呢樣我知其實係我偷懶啫，但係用一半時間做頭就已經有feel過用兩倍時間做身，而我而家真係好需要攞返多d信心，多d人嘅feedback絕對有幫助，如果幫人做完佢無feel，佢又點比feedback我呢？？？講真，如果佢個身體有事，我用reiki都幫到佢，只不過耐d又慢d仲要攰d咁啫，而個effect亦當然無用MBS咁好。但係幫人做頭我就真係覺得，就算點用reiki做healing，都真係好難做到MBS一半嘅效果，當然係話以我而家所知嘅方法同功力咁計啦。


自從用MBS做頭之後，個人真係好似好feel左少少，有時搭地鐵都feel到d經胳好似收到人地個問題咁，有少少比人壓住嘅感覺，不過真係唔太sure，因為多數人唔係脾就係胃經，真係？又可能其他經胳我自己都未太sure位置响邊？定係我嘅其他經都唔太通？定係我只係feel到人地嘅體溫，所以一定唔係脾就係胃，因為係我最前面嘅經胳？


最奇怪嘅都係早幾晚，阿仔係咁揰自己個頭仔玩，我竟然覺得自己個痛都無啦啦痛起嚟。。。我都唔太肯定係feel到？定比佢影響到？定係我自己channel太多energy block死响個頭度？但係又咁啱佢揰完一輪我先痛喎。


怪事仲接二連三嚟添，之後我無啦啦個後腦又痛，問我老婆，佢就話佢都有少少頭重重咁，不過就唔太覺得頭痛。問佢嘅原因，其實係我同佢响房用電腦用左一陣，所以我先估會唔會係比佢影響到。於是我就馬上行動，幫佢用reiki做healing，起初佢都有少少抗拒，但係佢點都估唔到，我竟然會發佢老皮，馬上收工。。。哈哈，竟然又work喎。。。點解發佢老皮？咪就係一幫佢做，佢就話唔舒服。吓？我只係比energy又無幫佢清喎，咁即係佢要散嘢啦，講比佢聽佢又話唔鍾意，又話係唔係架，又話我好唔同佢講有咩反應先幫佢落手。。。我如果一早就知我就實同佢講啦，當然亦有同佢講，但係佢似乎都仲係唔太like。Anyway，我其實都唔係話點發老皮，只係好輕描淡寫咁同佢講：＂既然你都唔信我，你自己出去比錢人地幫你做啦，我以後唔搞你喇，你都係要比錢人地駛先安落架喇。。。＂。我語氣仲好好架，人面帶笑容添架。


Anyway，幫佢做healing嘅時候，我發現自己右邊淋巴有少少痛，但係問佢佢就話自己左邊淋巴痛，真係考起我。。。點解會咁嘅呢？？？


就係咁，三次我好似feel到人地嘅嘢之後，個feel都無走到，亦即係無啦啦痛左我成晚，所以我先好唔肯定究竟係feel到？定係咁啱自己都有d咁嘅問題？定係我唔係feel到，只係比佢地影響到呢？似乎最後個原因又真係機會大少少喎。。。


講返同佢用MBS做頭，佢好搞笑咁話：＂嘩！咩咁似做梗機嘅？又係好似有少少電流，流過塊面咁。早知就搽定d精華先啦。＂。哈哈，我聽到之後好有衝動想同佢講：＂五百蚊吖唔該。。。＂！哈哈。。。

集體意識

响1998年，國際成立左一個叫做"The Global Consciousness Project (GCP) "嘅項目，中文譯名應該係叫”集體意識項目”。佢地响五十個唔同地方，放左一個同樣嘅隨機數生成器，每一秒鐘，每一部生成器就會從電子噪音嘅量子層面，取得隨機數嘅種子，從而投擲兩百次銀仔（coin flipping），之後就每五分鐘會將結果發送到位於普林斯頓大學嘅伺服器進行數據分析。

無讀過電腦嘅你地可能唔太明白，其實電腦根本就無辦法可以生成隨機數，因為電腦根本就係一舊木一樣，你比咩佢，佢就會好有規律咁做到次次一樣嘅結果。所以好多嘅隨機數其實都係基於一個種子，用一d公式倍到個數超勁大，之後就响呢個數入面比出一個所謂嘅隨機數結果出嚟。以前（甘年前左右）睇過一本教寫遊戲嘅書，佢講到我地打機，呢個就係點解成日d怪獸，都會响相近嘅時間同地點出現嘅原因。似乎越講會越唔明，不過簡單d講，其實所謂嘅隨機數，係會因為種子而改變，所以隨機數其實係同種子有直接關係。點解我講得咁詳細，其實係想話比大家聽，如果種子係唔同，隨機數嘅結果應該會好唔同，而電子噪音嘅量子層面個範圍／空間，應該係好唔同吓。

其實個d圖我都唔係太睇得明，因為佢都無幫每一行做一個解釋。而且我讀書嘅時候，又唔太努力，特別係pattern classification呢一科，仲差d唔合格添。。。不過根據佢嘅文字記載，個實驗原來發現，每當呢個世界有大事發生嘅時候，果d隨機數係會好近似。亦即係話，有証據顯示，現實世界同人嘅思想係有關係。

PS. 如果發現我理解有錯就留comment話比大家聽啦

大戰阿哥阿嫂

今晚返屋企食飯，阿嫂比飯煲嘅蒸氣steam到，好彩無傷到，又無紅到，只係好輕微啫。為左搵多d實習嘅機會，於是我就叫佢比隻手我，開頭佢好hesitate咁話：＂氣功？？？＂，因為之前都同阿哥試過，可能佢都唔太信啦。不過後來都肯伸隻手出嚟比我，於是我就一邊繼續食魚皮花生，一邊幫佢做healing。我知咁樣唔啱規矩，不過諗住只係比少少氣佢，等佢隻手無咁痛啫，所以就咩都無做。不過佢見我咁求其，於是就係咁問：＂得唔得架？會點架？應該有咩感覺架？熱地凍架？你一路食嘢都得架？你咁求其嘅？？？？？＂。。。。下刪一千條問題。。。

而家我終於明點解阿師姐話：＂如果你就咁幫人做，人地唔會信架。佢實問你係唔係得架？？？一定要整古造怪，又喊驚又呢又lu先會有人信。。。＂。不過比左唔夠兩分鐘energy佢，佢就叫我幫阿哥做，原因我估佢都仲係唔太信，當然佢就話阿哥需要多d。不過佢一行開就話：＂又真係唔痛喎。咦？但係會唔會係因為隔左咁耐，點都會好返啦？？？＂。我而家又明白點解師父成日話：＂有d人明明知道係得，但係佢自己都仲會比九萬幾個藉口，又話可能咁，又話可能咁，點都否認呢樣嘢，原因其實係佢地未ready。＂。所以我都好化咁答佢：＂唔知呢，可能啦。＂。費事講咁多啦，還掂佢都仲未信哂，好似好hard sell咁。我總覺得，等佢ready自然會明白架啦。

到左阿哥，佢話成日膊頭痛，於是我就叫佢等一陣，因為我今次想用MBS幫佢舒緩一吓，所以我要Prepare吓Connect上面，調高返自己個頻率先。跟住幫佢做左半分鐘，佢就同阿嫂講話：＂好熱喎，你無理由feel唔到架。＂。我心諗：＂梗係熱啦，你無見我成頭汗咩？＂，但係唔知點解我無咁講到，我諗左一陣就話：＂梗係啦，開哂turbo幫你做吖嗎。＂，可能我都仲係有少少想說服佢地。做左三分鐘左右佢就話：＂得喇，你都攰喇。＂。吓？咁快？不過我見我都差唔多夠鐘走，於是就放佢走。阿嫂梗係問佢點啦，我見佢得個諗字，又無試吓郁吓個膊頭feel吓咁，即係都有少少唔信啦。。。無所謂啦，我都好Causal咁答佢：＂你估食仙丹咩，係嘅就多d上嚟我幫你做吓啦，正常要做成個鐘一次架。＂。心底裡都係想佢比個機會我幫佢，一來真係好想幫佢，二來都真係想有多d埋身實戰嘅機會。

之後，隔左一陣就發現自己又再大頭蝦左，一來又唔記得幫阿哥掃返個氣場，二來又唔記得幫佢read返七輪，三來仲唔記得幫自己掃氣場添。。。其實唔係記得，真正嘅原因係我又中左阿哥嘅病氣，今次除左感染到佢嘅勁攰之外，仲搞到自己舊疾復發添。唉。。。所以都話，真係要多d實戰經驗，先至會有進步。。。但係諗諗吓，一般嚟講，做果一陣仔，無理由搞到咁大件事架喎。。。唔通我嘅潛意識都真係幾咁想幫佢？直情想接收佢嘅病氣添？如果係咁嘅話，又比我明白多一個道理，就係血濃於水，唔怪得大師成日話，親人有事真係會幾影響到自己，我初頭都以為自己一早化左，已經唔會比呢d嘢影響到添。。。

諗返轉頭，唔怪得有次同朋友傾開，佢話幫我做healing嘅時候，見到有個小朋友喊住咁係咁搵書睇，好似好無助咁，仲問我有無咩事添。我好明顯自己唔知自己發生咩事啦。。。亦唔怪得玩send energy嘅時候，好多人都話send比我嘅時候，感覺好似send比黑洞咁，send幾多我吸幾多啦。。。定係只係咁啱得咁Q呢。。。

人體使用手册

呢本人體使用手册，主要係教我地一套好簡單嘅保健養生方法，佢裡面提到，原來好多病嘅主因，都係血氣問題引起，當然一定係有例外，如果唔係中醫古藉經典，都唔會咁嘅編排啦．所以我覺如果佢可以再客觀少少，提多少少唔同嘅病因，呢本書會好睇好多．佢仲提醒我地，原來有唔少嘅病因，都係因為我地經胳阻塞而引起，亦即係黃帝內經講嘅”經脈者，所以能決死生、處百病、調虛實，不可不通．”嘅道理相近．佢亦從新教導我地中醫基本四種治療方針係砭，針，炙，藥．亦即係先以砭法治病，之後先以針，然後先用炙，而藥返而係四種方法之未．無記錯我上中醫班個阿sir都好似咁講過，不過阿sir都話講真，如果真係用砭法嘅話，就算中醫師肯花時間同心力去幫病人做，好多病人都唔會接受到．因為砭法其中之一種刮痧，做完係會紅哂，有可能會有傷口．．．

本書講到嘅養生方法，我就唔會响呢度講架喇，不過真係好簡單，雖然我唔會跟嚟做．因為我覺得學氣功，或者練大周天都會有相同或者更好嘅效果．當然佢教嘅方法係比氣功同大周天更簡單啦．

另外，佢教左我一個好重要嘅概念，就係幫人做完healing，如果人地個病仲重過之前，有可能係同經過調理之後，身體有力排毒嘅道理相似都唔定．因為身體如果太差，就可能連正常嘅排毒工作都無力做，到你比夠能量佢，佢個身體就有力做返之前無做到嘅工作，咁你血液或者係身體入面嘅毒素可能會升高．而最開心嘅就係，原來我自己嘅身體狀況非常咁好，因為我試過幾次有作病嘅情況，到最後咩都無做（無做healing，無行小周天，真係咩都無做），之後去左一次toilet，就咩事都無哂，佢就話我呢d情況，係因為身體有力排出病毒，亦即係話我身體同腸胃都好好condition，Yeah！

除此之外，佢仲講到就算我地用左好多年時間攪壞自己身體，我地個身體原來可以用好短嘅時間就可以修復，我唔係叫大家放心攪壞自己身體，只係想話比有慢性病嘅大家聽，唔駛灰心，就算係有好難攪嘅慢性病，只要有恆心同決心去醫同調理，身體都可以有能量去修復．

呢本書另一個我覺得好勁嘅地方，就係佢用左好現代嘅觀點，去介紹中醫嘅概念我地聽，好似咩叫陰，咩叫陽，我未睇之前真係唔明架．．．

最後，我個人就唔太同意佢講糖尿病嘅果編，雖然可能真係會有佢講嘅情形引至糖尿．但係因為食得太多嘅情形絕對存在，中醫都一早有講到消渴病嘅起因同飲食係有關，亦即係連同佢講嘅原因在內，其實係會有唔同嘅起因引至糖尿病嘅，不能太過一概而論．不過用多d唔同嘅角度睇一件事幾時都係好嘅解決問題方向．

睇佢嘅後記，竟然比我搵到一本，專講西方醫學界黑暗一面嘅書，書名叫：”還我健康”，一本接一本咁搞法，真係有排忙睇書．不過見佢個介紹又好似講到唔係太正氣正念咁，我而家都比較少睇呢d書，因為怕比佢搞到我有投射，或是比佢影響左就唔好啦．．．

芒果味？？？

好勁啊，今日終於都上完哂個MBS，而家我周圍搵人比我試，因為覺得真係要好好practice先得，唔好浪費左呢一套咁好嘅healing方法。

今晚教左我地點幫人做頭，我比同學仔做嘅時候都有少少感覺，不過唔夠我幫佢做咁強勁，我直情感覺到我好似重新幫同學仔個頭組合一次咁，感覺都幾誇架。最可惜唔夠時間，因為我覺得佢個頭好似六神合體中，都仲未合好哂，再多d時間會合得再好d。。。返到屋企又搵師姐試刀，佢個feedback都幾positive，佢話：＂ 你幫我做時. 我肩頭會幾重. 有暈一暈.＂。佢仲話：＂我覺得你每次幫我做時. 我全身會軟.之後洗完澡時.會坐在沙發上睡覺.＂。所以我每次都confirm佢响屋企得閒我先會開始幫佢做，以免有咩危險發生。而我搵佢而唔搵師兄做係有原因，其實師兄有上過MBS，佢又知道有幾勁，我唔想佢先入為主，影響到個結果。再者，師姐佢都好勁，我估如果我重手左佢應該都頂得住，而且我真係想得到真正嘅feedback，所以我就搵左師姐幫手比我練習喇。

其實學完MBS之後，除左搵人練習，都有幫自己做下咁，事原係我經常要抱一個極度活躍嘅BB，搞到隻手經常有少少痛。不過唔係次次做完都好得返，可能無打通返d經胳就開始，而且又唔係次次都咁專心咁做啦，又可能自己未學滿師，要多d練習先得。但係三幾分鐘就可以搞到隻手唔痛，最差果次都可以減輕少少痛楚嘅程度，都真係幾勁，可惜一抱返BB無耐又痛過。阿仔，你快d識行啦。。。話時話，都要幫老婆同外母做吓先得，睇吓對佢地有無效都好，因為佢地仲抱得BB多過我N倍，所以佢地對手一定有返咁上吓痛。。。

另外今晚比我發現，原來師姐真係好勁，佢今晚幫我開完竅問左我一個問題，佢問：＂你今晚係唔係食過芒果啊？＂。唔係啊吓？我今晚的的確確食左一件芒果芝士蛋糕喎。咁佢都知道？真係勁。都係唔好比老婆學喇，費事佢feel到咁多嘢，一陣佢亂咁用嚟feel我去過邊咪死。。。No Way！哈哈。。。

去馬

上個星期抽angel card抽到隻"Oceana"，咁啱今個星期自己有個諗法，就係想幫自己屋企人做healing當practice，而咁啱今個星期又有朋友叫我要多d練習先會有進步。練習我當然想，只係第一無地方，第二怕做得唔好搞到屋企人啫。睇嚟真係要再諗諗有咩辦法先得。

高人

今日重遇高人舊同事，同佢食晚飯又傾左一晚，個人對能量／靈氣／佛學／宗教都有更深入嘅睇法。佢仲比我見識唔同靈氣能量嘅威力，原來真係唔係勁／大細力嘅分別咁簡單，唔試過真係好難明，真係要親身體驗先得。。。

最勁都莫過於佢駛出左，好似大唐雙龍傳裡面寇仲用到嘅＂一指頭襌＂神功，一發氣就知道我邊度經胳阻塞得勁，又比左建議我之後點同自己做healing，真係可以話獲益非淺。呢件事亦令到我對天眼有新睇法，以前嘅我都比較希望可以睇到氣場，原來仲有其他更有用嘅地方可以發展。。。

而亦令我明白成功非僥倖，無人可以唔駛付出就可以當大師。佢之所以有今日咁勁，原來佢付出左唔少嘅努力，佢對靈氣／能量嘅熱誠真係同我差天共地。不過而家比我知道，對我嚟講絕對係一件好事，因為可以警惕自己，如果真係想响靈氣／能量療法上發展，真係要再加倍努力先得。。。

選擇

終於都寫呢編＂選擇＂，其實一早就已經係想幫自己呢編人生？目的？寫下集， 不過諗左一陣都諗唔到用咩subject好，但係睇完同學仔果編選擇， 我就叮一聲覺得好啱我用，於是就決定抄佢一次咁多。

其實我今日開工寫呢編blog，係因為啱啱今日比我睇到，東方新地果編封面故事：＂靈芝店員工告上勞工處，數臭郭晉安＂，有感而發。裡面提到騎呢草姬十宗罪，其一有三條係咁嘅：－
１。水晶問卜　－　裡面講到，每星期會同同事進行水晶問卜，測試員工忠誠度。。。。咁都得？？？
２。迫做自然療法　－　內容有少少變態，有興趣自己買本嚟睇啦。。。
３。一定要OT　－　公司並冇明文規定要OT，但係就日日check住員工有冇OT，唔OT即係對公司冇歸屬感，分分鐘被炒。。。

先唔好講佢地做得啱唔啱，我想講嘅係水晶問卜，原來真係有人上隱上到咁，唔怪得師父一早都話唔想教我地，怕我地亂咁用。。。

其實有時d嘢可能本質係好嘅，睇吓你自己點運用。好似自然療法咁，本來都係好嘅，我並唔係講梗佢迫人做果隻＂自然療法＂，但係搞到要迫人做就點好都變唔好啦。。。亦講比我地聽，就算我地第時用能量幫人，學到幾叻都好，如果client唔願意你夾硬幫，就同迫做自然療法一樣，到時好嘢都會變左係唔好啦，如果搞到上報仲衰，到時連累大家就唔好啦。。。

講返OT，其實呢個topic就係我本來想講嘅topic，而東方新地正正講左我想講嘅問題，OT本來無問題，但係搞到要人老馮開OT，你唔覺得有問題咩？亦即係我想講嘅選擇。。。有人會選擇一日工作二十小時去換取高薪高職位，但係你唔可以要所以人follow你嘅做法。因為真係會有人想一日工作8小時，之後就用餘下嘅時間去做佢想做嘅事，可以係同家人一齊，亦可以係去學嘢，總之就係去做佢覺得應該做，又有意義嘅事，因為佢地可能對人生有另一種睇法。好似我咁，我就覺得人生苦短，點解要工作休息再工作？唔通無其他事可以做？比你搵到年薪百萬又可以點？

我覺得好似好多New Age書咁講，人生只係a matter of choice，你有你嘅選擇，人地亦有人地嘅選擇。既然大家嘅路唔同，好難話你啱我錯，或是係我啱你錯，因為根本就無對與錯，只係有選擇。我會尊重你嘅選擇，亦希望你都會尊重我嘅選擇。但係千奇唔好後侮，因為每一個選擇背後，你都一定有你嘅付出同收穫，無人會事先知道後果，最緊要係盡力而為，先至可以做到今生無悔，人生最後先可以有所提升。。。

銀座媽媽桑說話術

買呢本＂銀座媽媽桑說話術＂嘅原因，完全係比個書名吸引住，銀座媽媽桑喎。。。黑目瞳喎。。。梗係要買啦，連我老婆都話個書名好搞鬼喎，搞到佢跟一（即係我睇完要比佢睇啊）添。。。

其實未買都估未必啱睇，因為好明顯係一本女仔書，但係估唔到睇完都竟然有少少得著。

好似佢裡面講到：－

1。一定要自主地進行所有的工作，因為別人的命令才行動，就會有＂這與我的意願無關，只是不做不行＂的強烈排斥感。相反地，如果所有事都能由自己賦予它們意義，並自主地展開行動的話，就可以擁有不被義務感所支配的活力生活了。所以不要因為"Must"而做，要因為"Want"而做事，讓自己戴上積極進取的光環。
2。佢講到如果有兩間百元料理店，其中一間店的老闆抱著：＂既然每道菜只賣一百元，所以就花一百元的功夫煮就好＂，另一間店的老闆則是充滿自信地抱著：＂只要吃下去，就會驚訝於這道菜竟然只要一百元＂的相法在經營。你會想去那一間店？

裡面都有d內容係幾搞笑架：－

1。男人本能會唔比到手的獵物吃飼料。。。。哈哈，我諗起成日有人講＂七十歲前唔好比飽飯女人食一樣＂。。。
2。佢教人將缺點轉換成正面嘅事物，例如：好色＝這是英雄的本色，是充滿精力，擁有玫力於工作或是興趣的能量的人才有的特質。。。？哈哈。。。

而我最估唔到嘅，佢竟然有講能量嘅事：－

佢話：這是我的個人看法，每個人都具有他所發散出的特別波動。我認為，人與人之間是否能亙相吸引，就是靠這種波動來決定。而形成這種波動的，就是每個人所擁有的能量。

書如其名，裡面有教好多同人溝仔嘅嘢，包括：－
1。欲拒還迎。
2。投其所好。

不過佢有時都教得幾離譜：－

佢教女仔要提出任性的要求，讓對方進貢，隨心所欲地要求對方做越多事，男人就越會產生”都己經幫她做這麼多事了！我一定是喜歡上她了！她一定是個有這麼高價值的女性的相法。。。”於是變得更加喜歡！。。。

你試完無左個男人唔好喊。。。

基本上呢本書都幾好睇，不過佢講左一個好得人驚嘅事實出嚟，就係最紅嘅酒店小姐都唔係靚女。。。。。吓？咩原來無黑目瞳架。。。。早知唔睇呢本書啦，幻想破滅係最慘痛嘅事情。。。。

MBS感覺

搵左隻好feel嘅白老鼠試MBS，但係佢唔太feel到，不過都同我一樣，就係有少少無力感。。。

我仲衰，做完好鬼死肚餓，一定要食番d嘢補充先得，如果唔係差d暈添。。。

有一次我唔知係咁啱定點，我竟然做做吓聞到公仔嘅味。。。？果次我仲覺得睇嘢有d矇，眼前好似有d霚咁。。。唔係呱，用公仔都會搞到咁？？？

而我用公仔幫自己做都幾好feel架，我隻手放公仔唔同地方，有時身體果個地方都會有少少感覺，但係唔太明顯。個感覺真係同身痕嘅感覺有少少似，所以remote都幾難feel到，如果remote都做到hands on嘅feel佢一定都會話勁。。。

Anyway，我同朋友傾過，大家都覺得MBS攞到嘅能量都真係幾勁，佢就試過突然光一光，同埋有一股能量衝入佢個身度。我就除左身上感覺到果股能量之外，我仲覺得幫人做完個人會幾攰，個身有少少痛，可能我嘅身體未習慣到咁大嘅能量，所以我每次做完都要行返個小周天，散吓多餘嘅能量咁，唔怪得大師都話本來係諗住master先比上啦。。。

癌並唔係病

今日幫朋友上網搵一d資料，無意中比我搵到一個叫Natural News嘅website，佢裡面有一編文章叫做Cancer is not a diesease - It's a survival Mechanism，我覺得好有意思，雖然無人可以confirm佢講嘅說話係百份百啱，不過我個人就偏向相信。佢講到：－

1。一般嚟講，如果無能量供應比正常嘅細胞，果d細胞係會死。
2。為左生存，有d正常嘅細胞响唔夠能量嘅情形下，就會選擇變成癌細胞，目的就係唔想死，因為變成癌細胞，佢就可以响唔夠能量嘅環境繼續生存。
3。之所以細胞會變成癌細胞，除左第2點講嘅原因外，其實都想話比我地聽，我地嘅生活習慣係有需要改變。
4。殺死人嘅唔係癌細胞，而係引至癌細胞生成嘅原因。
5。衝突，內疚同羞愧好容易令到人嘅身體基本功能癱瘓，從而生成癌細胞。
6。癌症病人多數都係欠缺自重及生存價值。
7。呢一句說話我覺得好有意思：＂癌症唔會引至人病，係人有病先會引至癌症。＂
8。一個正常人其實身體不嬲都有唔少癌細胞，所謂嘅癌症只係癌細胞嘅數目比較多而己。
9。電療同化療只係將你嘅癌細胞殺死，同時間，療程亦會殺埋你其他器官無事嘅細胞，從而造成身體不可復原嘅傷害。
10。電療同化療就算殺死哂己經搵到嘅癌細胞，如果真正引至癌症嘅原因未搵到，正常嘅細胞會再次變成癌細胞。
11。每年有過十萬＂成功＂醫好癌症嘅病人死於感染，心臟病，喪失肝腎功能等病。原因就係電／化療嘅過大殺傷力，破壞左身體正常器官嘅運作。
12。被診斷出癌症，會令到病人震驚以至無助，從而令到病人個世界完全改變，其實病因一早已經响度好多年，只係病者唔知道而已。。。
13。其實癌症唔能夠令到我地死，除非我地生活上對於信念，態度，思想同感覺嘅選擇容許佢地長大。

其實編文章仲有好多好多嘢想講，不過我只係將我覺得最能夠觸動到大家嘅concept hightlight出嚟，有興趣嘅不訪去佢個site慢慢睇哂佢，你睇完絕對會話值得花時間慢慢睇。

MBS 半後感

啱啱上完兩堂MBS，亦即係仲有兩堂要上，但係已經感覺好勁。MBS係咩？就係Mind Body Soul Therapy，亦即係身心靈療法，Level 1好似主要都係掂個身體，去釋放積壓左嘅負面情緒。本來簡簡單單嘅幾下動作，效果真係大到我唔敢想信。原本聽過A班同學仔話好勁，好正，但係同生仔一樣，我只係識得＂哦＂左一聲回應，但係自己上去一半，但係感覺已經係＂嘩＂一聲叫左出嚟，原來都係一樣要經驗過先知有幾勁。

一開始教左一個好簡單嘅疏通經胳療法，短短三至六分鐘嘅療程，已經散到一房都係味。。。之後教嘅重新啟動身體自我復原療法，雖然時間就要耐d，成個療程大概都要做一個鐘頭。不過效果之勁，真係超出我嘅想像。同學仔一落手幫我做，太陽穴附近都有少少嘢"liu"下"liu"下咁，點不知做到一半左右，直情覺得頭嘅側邊好似有條發熱線咁，我估係條胆經撻著左。。。直情係熱到震，做完唔駛講都知間房大味到暈。。。

本來今日起身以為無哂事，點不知一返到屋企，同BB玩左一陣之後，就覺得自己成身原來都係好似無咩力水咁，睇怕今晚都要幫自己惡補先得。。。

人生？目的？

我諗有一個問題大家都一定諗過，亦大部份人同我一樣係搵唔到答案，正確d講係大家都响度搵梗個答案。

尋晚同舊朋友食飯，咁啱有一個朋友剛剛升左職，响大陸半間公司都係佢管，於是我地傾吓傾吓就傾左做嘢嘅事。開頭大家都話內地嘅同事多數好準時收工，但係我嘅兩個朋友都對佢地呢個做法好有意見。其中有一個朋友佢做左老板十幾年，佢就好似好不滿咁。於是我就講。

我：＂其實咁又有咩問題呢？你請佢返嚟都係想佢幫你做到你要佢做嘅嘢啫？好似我地以前做細嘅時候都係咁諗架，唔係咩？點解我唔開OT就係錯？＂

十幾年老板：＂無錯，其實而家香港新一代都有同一個諗法。＂好明顯係話梗我。佢又話：＂但係你有無諗過你嘅人工係大陸嘅幾多倍？如果你同佢地一樣，駛咩請你？請幾個大陸員工頂唔到你一個？＂

無啦啦講到香港？仲要講埋我？都知以前跟佢嘅時候已經想話我架喇，不過無機會。正好，有個機會同佢2口6面講清楚，而家仲唔駛就住就住講添。於是我就話：＂如果你咁計，公司最上面果班蛋散，個個都十幾廿萬一個月，唔通請十個我咁嘅人工嘅人又頂唔到佢地？公司會即刻摺埋？＂

十幾年老板無言左好一陣，因為我記得佢好耐以前同我講過番說話。。。於是我再講：－

我：＂講返轉頭，如果我真係唔駛OT，又做到哂嘢，咁有咩問題先？公司比錢都係請我朝九晚五啫，我做得哂d嘢就OK啦。＂

十幾年老板：＂你唔駛OT又交到貨？咁咪即係可以做多d囉。＂

我：＂咁加到幾時先停？要晚晚開OT？幾點收工先叫滿意？我試過晚晚朝九晚十二都做唔哂，結果就搞到星期六同日都要開工，但係都做唔哂d嘢，之後個人就覺得壓力好大，身體越嚟越差。。。係唔係個個員工都要做到咁先合格？為左咩？＂

十幾年老板無言左好一陣，因為我講嘅case係佢。。。

新大老板：＂咁又唔係話要做到咁，只係想當公司有需要嘅時候，同事可以拍難當幫手開OT啫。＂

我：＂但係你地頭先講到明話準時放工係有罪喎。＂

新大老板：＂又唔係話有罪嘅，只係想佢地唔好日日準時收工，一個星期比一兩日開吓OT咁囉。＂

我：＂又返嚟老問題，如果schedule set得好，點解一定要開OT？＂

十幾年老板：＂又唔係咁講，你都有讀過Project Management架，好多project failure都係開頭schedule manage得唔好，食哂d slack time，所以why not開頭push得勁d？＂

我：＂以小第嘅見解，好多project失敗嘅原因，咪就係因為requirement不斷轉，user又無commitment，老舊又唔橕啫。再講，好多時sales接嘅job係好唔reasonable，但係出聲都無人聽，佢地只會話個環境係咁，你唔做就無嘢做。。。但係還記得PM鐵三角，Time－Cost－Quality。如果個project timeline太tight，只會影響到Quality或者Cost。我就試過做過唔少mission impossible，三個月寫個POS連requirement taking加implementation，唔係講笑。同老板講話無可能，佢只會同我講比人我，話我地bare個cost咪得囉。。。最後搞到一team三十幾人，我真係唔識做，每人同我講一句一日都無左，點做嘢。。。雖然係層層疊，我只會同幾個core嘅team leader講，由佢地再dispatch出去，但係始終係用communication嘅問題。萬一幾個sub team都出問題要人決定，我一個人幫得邊個，我可以好以我老板咁，好聽d就叫delegate比個sub team leader自己決定，唔好聽就係叫佢自己死掂佢。但係話得一個project，如果你死左去東，佢又死左去西，咁最後個product咪會甩甩漏漏囉，到最後Quality咪出事囉，點會單單搞到個Cost啊。。。＂

我再講：＂其實人係要休息，唔可以長期咁做法，而寫program係arts，有時真係要講靈感，唔係話迫就寫得出，你咁迫法，我又無時間慢慢諗慢慢plan，咪即係叫我求求其其交d嘢出嚟比你囉，你地以前唔係未試過架。＂

十幾年老板：＂而家就係要機械式，唔可以好似以前咁做嘢。。。＂

我：＂人係有情緒，有高低潮，唔可以話成日都top performance架嗎。係唔係一定要OT到咁先得？先叫做合格先？＂

十幾年老板：＂我明你講咩，而家嘅後生又話要收工拍拖，又話要睇戲。＂

新大老板：＂咪就係囉，咩Quality Of Life。＂

我：＂唔關Quality Of Life事。但係咁，你有無諗過做人係唔係就要做到機械人咁，唔係返工做嘢就係返屋企瞓覺？如果第時你個囡囡出嚟呢個社會，你係唔係expect佢都要用呢個模式做人？＂

但係佢地似乎唔係好想放過我：－

十幾年老板：＂你咁講，做份幾千蚊嘅工，比你準時放工，你生唔生活到？好似我咁，我唔做點供樓？點養屋企？＂

我：＂咁你覺得你以前一家人，住响三百幾尺嘅屋開心d？定而家住過千尺嘅屋開心d？＂

十幾年老板又再無言左好一陣，因為我知佢有幾唔開心，我亦好好彩認識以前好開心好開朗嘅佢。。。

記得我以前有個客，佢又係大老板，有一次佢同我講：＂我覺得好對屋企唔住，因為無時間比到佢地，屋企人感覺好疏離。＂。我就咁話：＂你都係為左屋企啫。＂。估唔到佢竟然話：＂生活其實可以好簡單，唔一定要發到好似我咁先生活到。再講，其實好多時我地都係為左自己先會搞到無哂時間陪屋企人，但係有d嘢過左去就無得返轉頭。＂。我聽完之後有好深嘅感觸。。。亦因為我啱啱開始想搏命工作（失戀係咁架喇。。。），我亦好好彩，正好有一個比機會我嘅老板，但係聽完佢呢一番說話，搞到我好想轉工，轉返一份無咁忙嘅工。。。

Anyway，我同朋友嘅conversation仲未完：－

我：＂好似你咁啊，你咁搏，做到咁高級，幫左公司咁多忙，到後來公司咪又係起你飛腳。。。而你自己就做到隻嘢咁，所以先搞到身體咁差，搞到你屋企人咁擔心你，咁你又對佢地負責任咩？＂

十幾年老板今次亦只有再無言，因為我又講中哂佢個case。。。

本來我想講我响書睇到嘅關於靈修啊，開悟嘅嘢，不過最後我都無講到，最後我用一個問題結束呢個topic：－

我：＂咁你地有無諗過做人係為左咩？＂

坦白講，我仲搵梗答案，有人知就話我聽啦。。。

愛子深切

尋晚上爺爺屋企食飯，咁啱比我睇到一幕”師奶愛鬥大”，覺得都好有意思，想同大家分享吓．果一幕戲包括其實係囡囡，仔仔同埋媽媽一齊响度傾偈，事源係呢個媽媽不嬲都好反對囡囡揀呢個未來老公，而啱啱囡囡正在因為揀度蜜月嘅地點而唔開心，囡囡就想出國旅行，但係未來老公就礙於未來老爺（亦即係佢自己爸爸）從未出國，如果佢自己出國爸爸會好唔開心為由，拒絕左未來老婆嘅出國旅行度蜜月大計．佢地嘅對話係咁嘅：－

媽媽：”都話左有三種男仔唔嫁得，第一係．．．第二係．．．第三就係考順仔”（唔好問我．．．等於咩，因為我唔記得所以先用．．．代表咋，信我．．．係咩一d都唔重要．）
囡囡：”咁點啊？”
媽媽：”唔好嫁佢囉．”
仔仔：”我明白喇，第時我結婚嘅時候，咩都要就哂老婆，阿爸阿媽講咩都唔好理．．．”

聽到呢度我即時哈哈大笑左出嚟，爺爺麻麻因為同孫仔玩梗，所以都唔知我笑咩．我笑有三個原因．第一係因為我覺得真係好有意思，有好多時父母因為愛子深切，好多時都未能好客觀咁睇事情．第二其實相似嘅情況，亦發生過响我身上，唔好誤會，我都係做仔仔嘅角色，我亦係講返同一句說話，所以我先笑到咁大聲，當然事情係點我不便透露啦．第三個原因係．．．．我覺得上天好似要再次提醒我自己講過呢句說話咁，因為如果我唔上爺爺屋企食飯，我係唔會開電視，就算開都係三色台，再者，一般情況跑馬日我係唔會上爺爺屋企食飯，費事阻往佢做功課吖嗎，但係今個week end佢好急咁突然話要去旅行，所以先搞到跑馬日都上爺爺屋企咋．．．

練習練習再練習

早前同朋友傾開，佢得知我只係幫老婆同埋自己做healing，就馬上鼓勵可以試吓幫朋友做，不過我都仲係有少少保留，原因係怕自己做得唔好，搞到朋友就唔好，而且上次幫老婆清過頭事件，雖然唔完全關我事，不過都有少少打擊信心。

今日，有朋友話喉嚨唔舒服，叫我send d能量比佢，send energy我不嬲都無所謂，因為應該唔會有咩大問題。我一send能量就發現個心好震，唔係心輪，係真係個心，而且喉嚨完全無feel。無咩信心所以就唔敢send太耐，同朋友傾返佢都無話個心有咩事喎。開頭仲以為自己feel錯，好彩後來佢終於都同我講返，先知雖然佢個心無事，但係佢係有心事，我d信心就即刻返哂嚟。

之後又有另外一個朋友有需要energy，今次一send個feel好match佢個symptom，所以就send耐少少，可惜趕住返屋企，唯有再約今晚同佢用公仔做返個full body啦。

不過今日因為响公司度send，又唔想send得咁陽，唯有用新嘅方法send，本來師父都話會好激，但係我試過好多次，send比自己同以前未做完嘅事做能量轉換，果時咩feel都無，所以不以為然。點不知今日第一次send完已經覺得都幾激，但係又以為係因為有心事所以先會咁，不過到左send完第二次之後，就發現原來真係幾激。事關我send完energy之後，隻腳都仲好似有好多energy响度走嚟走去咁，搞到有少少好似腳軟嘅感覺添。

其實有時真係覺得幾奇怪，我閒時同同學仔玩練習send energy都有少少feel，雖然唔係次次同佢嘅symptom exactly match，但係次次上堂練習都無feeling，所以先搞到我未可以完全肯定自己咁啫。好彩我老婆雖然口口聲聲都話我唔掂，但係次次都肯比我幫佢做healing，有時仲主動叫我幫手添，我d信心先返哂嚟咋。

Anyway，我覺得好似我地呢d未可以完全肯定自己嘅學生，先至要多加練習，因為只有從不斷嘅練習當中，我地先可以更加肯定自己嘅能力。睇書都有講，治療人係要有極端嘅信心，而且師父亦成日叫我定要肯定自己嘅能力。。。

與神對話

睇梗未知的實相嘅同時，我亦一齊睇埋呢本與神對話。响呢段期間，我有浮沉於天堂與地獄之間嘅感覺，當然一睇未知的實相就好似比人打左落地獄咁，再睇返呢本與神對話就馬上上返去天堂一樣。。。

相比之下，呢本書無咁震撼，但係如果唔係同時間睇未知的實相，呢本書會好睇好多。

Anyway，佢裡面都有唔少資料，我覺得都幾值得highlight出嚟同大家分享一吓：－

１。所有靈魂都有權選擇佢自己嘅父母，以至未來嘅人生。
２。其實我地呢個世界發展成點係我地一手一腳有份參與創造出嚟，所以唔好怨點解呢個世界會變成而家咁，要做嘅應該係盡返一分力去改變佢。佢有一句說話我覺得好有意思，就係：＂宇宙裡無受害者，只有創造者。＂。
３。我地嘅人生係基於我地自己嘅選擇，亦即係有唔開心嘅地方唔好只係識得埋怨，要好好咁選擇自己嘅人生路。
４。佢其實都幾有佛家嘅思想，話我地出生嘅目的原來係為左開悟，其他一切都唔係。。。仲要都幾近小成佛學，就係要自我中心，好似先度己，後度人。。。
５。神好多時同我地溝通，係通過我地嘅經驗，而唔係單單用文字，因為文字可以表遠嘅意思真係太有限。。。
６。基本上係無所謂嘅天堂，地獄同karma，全部都係我地自己創造出嚟。
７。神就係一切萬有，神亦會通過我地去經驗一切。
８。我地係通過思言行對世界創造，同佛家嘅意密，口密同身密又幾似喎。不過佢對思言行有好詳細嘅解釋，絕對值得一睇。
９。佢講到，有d人病，活在痛苦，其實係佢地嘅靈魂自己嘅選擇，thats why大師都叫我地唔好亂咁幫人做healing。。。之但係你亦可以好似耶穌咁幫其他人，千奇唔好誤會，耶穌亦唔會亂咁幫人做healing嘅，因為耶穌知道係佢地嘅靈魂請求治療作為佢地生命過程的一部分。
１０。我地目前的經驗係建立在先前的思想上，思想導致經驗，經驗又導致思想。當＂發起思維＂是喜悅的時候，就能產生經常不斷的喜悅。
１１。我相信而家好多new ager都知want(想要）＝wanting(缺乏）。咁點先可以心想事成？睇吓本書咪知囉。
１２。我地嘅身體會將思想轉譯成物質，如果一個人充滿負面及病能思想，你估佢個身體會點？
１３。要逆轉負面思想變成嘅物質，要靠極端的信心，它需要對宇宙正面力量之一個很強的信念。
１４。治療者正有這樣的信心，佢地知道你在當下這一刻本應是完全，完整和完美的。這個知曉亦係一個思想，並且非常有力，有移山的力量。亦因為咁就算遠距離亦都可以治療人。

當然仲有其他見地啦，不過太多喇，我都只係可以寫到上面少少嘅重點。唔。。。我會推介比任何人睇呢一本與神對話，其實我已經叫左唔少人睇呢本書，希望內容可以幫到佢地啦。

未知的實相

花左好大嘅力氣，啱啱叫做睇完呢本靈修必讀書＂未知的實相＂。坦白講，我明到一半都無，但係已經有個好強烈嘅感覺，呢本書好堅。。。所以一路都懷住一個好矛盾嘅心情睇呢本書，一方面好想睇得明呢本書，覺得d內容睇明左會對自己有好大嘅幫助，但另一方面就好低落，因為真係睇極都唔明。。。


講反本書，基本上呢本書係話比我地聽，實相係點運作，咩叫實相？實不相瞞，我真係未係好明，我靜係知我地呢個世界係其中一個，夢境係另一個。對於仲有d咩係？同點先算係一個實相？我真係唔識答。


本書有幾堅？呢本書係1974-5年出版，但係佢已經可以對呢個世界，用一個好量子物理學嘅角度去解釋，我覺得一d都唔簡單，雖然量子物理學早在191x年已經有，不過呢本書嘅內容真係好唔簡單。再者，佢講到我地呢個世界根本上就係一個能量世界，同師父講嘅百分百一樣。。。


其中我睇得明又覺得可以同大家分享嘅內容包括：－

１。佢對當下有一個非常之咁詳細嘅形容，當中包括好多可能性，不過我都只係明d唔明d咋。
２。我諗唔少人都知意識係由能量組成，不過我就真係唔知人格同能量究竟係點運作。
３。能量係唔會無啦啦多左或者少左，只會由一個實相走到去另一個實相，同師父講嘅又係一樣。
４。人本身由神成分（god-stuff) 所組成就與由地球成分所組成一樣多，在他自己內的神渴望著在神內的人以及地球經驗。亦即係同new age講嘅一樣，神即係所有。


我睇唔明嘅內容真係太多，不過其中我都覺得有d真係同我地幾貼身，可以同大家一齊研究：－

１。佢對時間有一個非常新穎嘅概念，佢話時間除左可以向前，向後，仲可以向內同向外？？？
２。原子係過程，而非柬西。。。咁咩先係東西？唔通呢個世界真係咩都係假嘅？真係色即是空，空即是色？
３。呢個世界最細嘅唔係原子，係意識單位，而佢天生係包含左擴張，發展同組織等無限特性。。。
４。意識單位移動得快過光？？？一個原子仲竟然會有幾百萬個意識單位？
５。意識單位有它們的傾向？？？我地其實係由識識單位組成，唔通就係因為咁我地身體有d地方，就算夾硬醫好佢，遲d都會再病過？
６。佢有解釋生物進化嘅歷程，同達文西講嘅差好遠，不過都唔係太過睇得明。佢特別提到海豚，原來海豚係有高度發展了的個人及團體的彼此認知及交往行為，同人類好似，唔怪得大師都係咁講啦。

除左上面提到嘅，仲有好多好多新資訊（起碼對我嚟講係新），唔睇真係走寶。而且我會覺得，所有想了解我地現今生存响咩世界嘅人，都應該買／借呢本書嚟睇，如果係玩energy嘅就梗應該睇，若果有時間就應該睇多幾次，因為我估好少人可以睇一次就明哂，不過唔好話係我講，睇呢本書等同進行一次大懲罰。。。我本來都想睇多一次，好可惜忘記左續借，已經比人罰左成十蚊喇，再罰就貴過買一本架喇。。。點解會比人罰？因為唔記得續惜，又唔想停，想睇完先還，於是就比人一路罰囉，真係慘。。。


本來我想好快咁睇多呢本書一次，再睇吓有咩可以再寫，因為仲有好多好多資料係值得寫，不過一來我唔明，二來因為我都唔明，所以我就唔係太記得，但係呢本書實在係太可怕，一睇個頭就會痛，唔駛十分鐘就好想放棄。。。好希望可以睇到其他同學仔睇完呢本書之後寫嘅讀後感。。。我會遲少少等自己覺得ready之後就認真咁睇多呢本書一次，到時會再寫一次讀後感，應該都會幾唔同，不過我諗我會睇左其他賽斯嘅書先，特別係入門果幾本。。。

生仔樂與怒

其實到左咁上下年紀（十八歲左右啦，哈哈），多數都會反覆諗一個問題：究竟生定係唔生好呢？如果你以前問我，我真係唔識答你。到左而家？其實都一樣無一個好肯定嘅答案。我覺得有d朋友睇得好通，佢同我講：＂想生咪生囉，諗咁多無謂嘅嘢做咩。當然生得就要預左要犧牲好多嘢，呢個世界有得必有失，有時無得計得幾多又失幾多。＂

其實果時我都未係好明，不過而家睇得new age嘅書多左，越係覺得佢講得好啱。有時真係唔係好明，點解一個睇得咁通嘅人都會病得咁勁。。。唔通佢只係識講未識做？

Anyway，先講生仔有咩好先啦。其實好多人話比我聽，生仔係好開心，無經騇係比得上生仔咁。當時我真係唔明白，只係識得＂哦＂咁回應左就算。不過到而家我真係有個仔仔，先明白原來說話可以表達嘅事情，有時候真係好有限，有d嘢要真係自己親身經驗過先會明白，亦即係我唔會話你聽，因為講極你都唔會感受得到。。。想體驗就自己試吓啦，哈哈。。。

好喇，有個咁好嘅經騇，當然要付出返d嘢架啦，究竟有咩要犧牲呢？其實個個人都唔同，不過就我個人嚟講，都不外乎係時間啦，精力啦，金錢啦，心機啦，無得上堂啦，無得打羽毛球啦，無得去街啦，無得做咪霸果d啦。。。

不過有人會覺得，呢個世界越來越亂，出嚟社會做事壓力又越來越大，遲d又有可能會打仗，生佢出嚟佢會好辛苦。。。其實呢個都係點解我咁遲先生仔嘅原因，亦係點解我十五十六左咁耐。不過跟左師父咁耐，又睇左咁多書，先明白其實呢個世界發展成點，係我地thought-form出嚟，亦即係我地自己創造出嚟。所以我地要做嘅，就係盡我地嘅能力，做人做事要正氣正念，多d比返energy地球，多謝佢為我地製造左咁多資源，要識得感恩。其實我寫呢個blog本來都無諗d咩，但係越係跟得師父耐，越係知得多new age嘢，就覺得越係要分享多d我自己靈修嘅體驗比大家，亦因為咁，我都盡量唔會响呢度講負面嘅事，因為果d事係要我地放低，寫得落嚟就即係我地未學識放低。

再者，好多書都有講，其實靈魂係有權揀自己投胎嘅肉身，家庭，事業以至佢地未來嘅人生。亦即係我地嘅人生路，其實係我地自己選擇嘅，唔好將所有事情嘅責任都推比你嘅父母，甚至其他人。而且，每個人都有佢出生嘅mission，目的，事情同karma要處理咁，唔好將人地嘅事咩上自己身上。

再講，師父都有教，唔少書亦有講，其實我地今世嘅家人，好多時都會係我地上世，或者係再上世嘅家人朋友咁。如果我地生得越來越少，咁佢地出到嚟同我地相會嘅機會又會越少，可能佢又要再等耐d先可以投胎落嚟。

我如果可以盡我嘅能力，教到另一個會為地球努力嘅人出嚟，就即係可以為地球出多一分力，咁唔係好d咩？咁唔係比較負責任咩？不過有一樣嘢真係好啱，生仔責任真係好大好大。。。

Anyway，唔好咩哂上自己身，只要盡力而為，就無愧於心。乜唔係咁嘅咩？

寫吓寫吓又幾個鐘，點解今日阿仔瞓咁耐都未起身嘅。原來佢醒過好多次架喇，係阿外母大人＂暗＂返佢瞓咋，真係要好好咁多謝阿外母大人先得，唔係點可以趕工起咁多編blog post啊。。。

領悟。。。

啱啱收到最新投訴，阿舅母（表哥個阿媽）話阿表哥（亦即係我老婆個姪仔，我阿仔個表哥）而家好鬼煩氣，我即刻估到咩事，因為係笑住講。佢話而家表哥成日同佢阿媽講：＂你真係愛我喇，又買呢d呢d嘢我食。。。＂。唔通佢真係諗通左？真係無白費我上次嘅心血。。。

我老婆就話我教得佢聽係因為我係過來人，好有說服力。但係我就話：＂其實係因為我比左個空間佢自己諗，佢大個仔架喇，好多嘢都知道架，不過有時係唔鍾意做，比人煩就梗加因為反叛唔做。但係如果係佢自己諗出嚟嘅嘢，就會好唔同，所以我盡量唔教佢點做，係問佢想點做。其實比左個問題佢已經好夠，就算佢今日諗唔到答案，又或者聽日仲未諗得通，只要佢有真心諗過，總有一日佢會領悟到。。。＂。之後佢地都唔太同意，不過唔緊要，慢慢嚟，呢d我覺得都算係佢地自己嘅karma嘢。同朋友傾過，大家都覺得我地學左能量，有時人地嘅karma都係好難幫，都係要當事人自己領悟，我地只係比個指示佢地，佢地收唔到當然可以比多d hints，如果佢地收到唔同意或者唔做就無得幫。。。而事後我亦覺得我仲有改善嘅空間，因為我亦未改到我長氣嘅壞習慣，如果唔係今次佢地問我都應該唔講我個諗法，返而係再比問題佢地自己諗，不過唔緊要啦，慢慢嚟啦。

等於尋晚大師講，好多時我地遇到嘅問題，自己會覺得好難搞，但係其實有時只係我地自己諗唔通啫，到你諗通左嘅時候，可能就會叮一聲咁話：＂咦，原來真係咁簡單架＂。PS　我唔exactly記得所有wording，不過呢個係我get到嘅意思。。。所以有時面對問題諗唔通，不訪同身邊嘅朋友分享一吓，記住係分享。講得分享亦即係相向，你講比人聽嘅時候當然會希望人地真係有諗過你嘅處境先比意見，到人地講返比你聽嘅時候，唔該你都用心消化下人地個意見嘅用意，唔好太主觀咁唔啱聽就話人地唔明你講咩先得架，講真，如果你真係諗得掂嘅，就唔駛煩住自己咁耐都解決唔到啦。。。我見嘅case多數都係因為自己太投入，先入為主，所以未能客觀咁了解件事，俗語都有話傍觀者清吖嗎。

好似我咁，其實尋晚嘅party我本來就唔敢諗，點不知我一同老婆講，佢就話：＂唔。好啦，你去啦。。。＂我即刻好驚奇咁問佢：＂係咪真啊？＂。。。你估唔估到佢講咩啊？佢話：＂見你去完之後個人開心左咁多，你去啦，我地搞得掂架喇！＂佢仲話：＂你知唔知你以前好易就’moun’住塊面架，又容易擔心，郁d就擔心到無水洗面咁。。。＂有無咁誇張啊？我真係唔知原來我係咁，需然我都幾易擔心，可能我又鍾意多管閒事，咩到一身都係數。。。本來好似同上高嘅事無關係，不過睇埋下面你先講啦。

而家我跟左師父之後，又真係睇得開左，一來無咁八，因為我開始明左一個道理：＂人地嘅事人地做吖嗎＂。再睇埋果d靈修書，就梗加覺得做人唔可以咁。。。好似有時如果想同人講一樣嘢，特別係靈修啊，靈氣啊果d，我都唔會再話比人聽點好點好。學師兄講：＂咁多網上資料，如果佢係有心想知嘅，一定唔會有問題。＂佢有興趣問嘅我當然會答，佢唔問我講比佢聽都無用，重點係點先可以令到佢有興趣。。。但係要做到真係唔係咁易，呢樣亦係我而家努力學習梗嘅事。。。

usui level 3 sit-in part 3

啱啱星期三sit-in完last一堂usui reiki （臼井靈氣）level 3，今次嘅感覺實在係太好喇，因為一上堂就send能量比地球。同响屋企send能量相比，响堂上面大師帶住send係會勁d，感覺send到多d energy去地球，不過同時間，我嘅身體可能負荷唔到咁多energy，個人有少少攰，個心輪仲有少少痛痛地添。

講返我自己，今次比大師再做一次attunement，之後覺得出氣多左，條氣柱粗左，energy熱左。諗諗吓，原來自己一路都唔記得寫果編百日築基嘅後感，不過年紀太大，有少少detail真係唔記得左。。。下次真係要一路練，一路寫低先得。

其實上次做完attunement之後行小周天，真係唔大feel，只係有時覺得個天眼附近，有一股氣行過咁，有時就都覺得股氣幾粗，不過都只係第一堂有咁嘅feel。。。之後再行已經feel唔到呢樣嘢，取而代之嘅係，好多時一行小周天，身體唔同嘅地方都會熱熱地，有時仲超熱添。有時係一個穴位，多數都係湧泉。有時係一條經脈，我就唔係好肯定係胃經定脾經，不過似係胃經多d，因為覺得外面熱過裡面，連肺經／大腸經都試過幾次咁。不過最誇都係有次幫外母做healing，搞到出哂汗。當時嘅天氣雖然唔係太涼，不過亦未至於會出汗。

可能因為我成日話feel唔到個周天行梗，有一次師兄就幫手做左d嘢，嘩。。。勁囉，果日我一行個周天，就覺得有一股好強嘅氣行梗，仲一行個頂輪就開，好精彩。可惜，瞓左一日之後又再次回復平淡。。。不過行得多，發覺真係好可以幫手清到病氣，每一次初起感冒，一行返二五六次，當然係層層氣場都要行二五六次啦，之後就好返哂咁濟。真係好好用，又唔駛太用力，所以而家我都係主力做小周天。不過我唔會成日行咁多，因為次次行完個頂輪都開左，如果要出街就唔係咁好。本來read七輪圖都可以關返個輪位，可能我响呢方面唔太肯定自己，亦响影像化方面比較差，每次西式meditation例跟唔到。。。所以我read七輪圖關輪位多數唔成功，不過有機會係要read好多次先關到，但係我次次都read兩三次就停。Anyway，其實做靈氣五誡都應該得，只不過好多時要用嘅時候都將d嘢比返哂師父咁啫。。。

到左而家，先發現原來一路都feel到個周天行，只係太細感覺自己唔肯定啫，其實上次上到第三堂，師兄已經同我玩左一樣嘢，令到我肯定個周天係行得郁嘅。另外一次call公仔同同學個老公做小周天，仲feel到有兩個小周天行梗添。大師話一個應該係我（我估行得快果個），第二個應該係佢，真係勁。所以有時我呢d初學者，係應該比多d信心自己，相信信心越大，功力都會越勁，效果自己會相對好d啦。

其實身體上都有感覺，就係有少少痛，不過就一路幫自己做多左healing，痛嘅感覺就慢慢行開左。但係佢未係完全走開哂，耐唔耐我一懶佢都會返嚟搵我。。。 其實真係要多謝佢先得，無佢提醒我，我有時真係會懶左，亦唔知自己身體有咩需要。

大家係唔係覺得好奇呢？點解今次個blog post咁早嘅。我都唔知點解，尋晚去左活出真我分享，同會後狂歡party，返到屋企覺得個人就靜唔到，又好熱。唔通太耐無唱K，都話唔好比個咪我架啦，哈哈。於是就偷懶無練功就瞓。點不知一早就醒左，仲要瞓極都瞓唔返添。。。於是就起身練返尋晚無練嘅功，仲順便練埋今日要練果一part，但係個人已經全醒，於是咪唯有起身寫埋呢編想左幾日又無機會寫嘅blog囉。。。

題外話，每一次朋友問我level 1， 2定3多嘢學，我每次都答佢level 1最多，跟住就level 2，最少都係level 3，但係唔知點解，每一次上完level 3先係最多嘢寫。。。

清過頭

尋晚老婆突然叫我幫佢做healing，一掃佢氣場就見佢後天眼好厚，特別係右邊。問佢邊度唔舒服，佢就話個頭有少少聚。其實佢近排因為要照顧阿B，都搞到無覺好瞓，於是我就覺得要幫佢清。一埋身就幫佢清小周天，又用七輪經脈做返個大清洗，之後就貓爪佢後天眼同右腦，其實都未落爪，佢就已經好眼瞓。但係一落爪，佢就話唔舒服，暈暈地咁。見佢咁虛，都唔敢爪得耐，都係求其爪左佢兩分鐘咁啫，之後就幫佢小補左一陣，點知佢都仲係話暈。但係佢又話好眼瞓，想即刻去瞓。本來都仲想補多一陣，不過諗住佢瞓醒一覺，應該會咩事都會無哂，所以就由得佢去瞓。

點不知今晚返到屋企，佢就即刻收到投訴，仲話要同師父講，話我完全唔掂，又話我未滿師唔好幫佢做，因為佢今日暈左一日，仲要無哂胃口添。。。唉。。。我本來尋晚都想繼續架，不過係佢自己太眼瞓唔比我做之嗎。。。今晚我一定要幫佢做返好，還我聲譽。。。同佢講左好耐，佢先肯比我幫佢做。做之前梗係問吓唔同嘅同學仔，我點做好，結論都係我應該主打補。一落手就幫佢落枝針去佢個血海，之後就用七輪經脈補吓先，好彩，補左一陣佢就話好左d。其實尋晚我都有係咁吹符號，諗住係補得最快最勁添。不過今日諗返，可能唔係補得唔夠，而係清得太過急進，所以先至要補鑊金嘅。亦即係話清得太金，唔係補得唔夠。

Anyway，見佢一補就好返好多，於是就信心大增，跟住就補吓佢個後天眼，之後再做埋七輪經脈補。補完之後佢就無哂事，跟住先清返枝針，全程都係三幾分鐘。之後佢又話個膊頭好"moun"，想我幫佢鬆返。老婆開到口就梗係無問題啦，膊頭＂moun"都係爪吓就應該OK，爪左幾分鐘佢就已經好返好多，之後又話個胃唔妥，但係今次我就比，因為掃佢氣場唔彈手，應該係要比，所以都係比左幾分鐘，之後佢就好開心咁話好返哂。

本來事件已經告一段落，點不知佢差唔多瞓又話好熱，又怪我。。。唉。。。做人真係難，幫老婆做healing仲難。Anyway，唯有用個綠葫蘆幫佢清吓熱氣，不過今次唔敢做咁耐，因為怕佢又話暈。。。做左四十九周，之後佢本來只係話好左少少，但係都唔敢同佢做咁耐，叫佢飲多杯水就算，呢次我估瞓醒真係會無事喇。。。

呢一編咁突如其來嘅blog post，搞到我無時間寫sit-in level 3後感3添。。。

說教？感受？領悟．．．

由細到大，睇左唔少嘅電視電影，裡面嘅大師父教徒弟嘅時候，好多時都會講d唔講d．千奇唔好誤會，咁做其實係出於善意，目的係要徒弟自已去領悟，其實我不嬲都幾buy，但係其實都唔係太明，可能由細到大都未試過有一個咁嘅師父．

自己玩左energy，就覺得好多事真係好難講得明，而自己感受到嘅就會更加深刻．好似我近排發現，原來當我面對一個好好feel嘅人，我嘅天眼原來會好似比人壓實到，真係好古怪．．．

好多時，如果你想用說話去帶出一件事，你嘅說話唔一定人地會明白．就算人地明白，佢可能都會有佢自己嘅理解．就算理解係一樣，佢未必會信服．好似我老婆個姪仔咁，佢地覺得佢好反叛好曳，（題外話，我個人就覺得一般，比起我以前，佢真係筫係乖．）但係佢地就淨係識得說教，係咁同佢講咩係啱，咩係唔好，但係佢一d都聽唔入耳．我有時同佢個姪仔傾開，佢其實有時佢覺得自己係明，起碼識講返比我聽，但係佢自己都唔知點解唔做，或者點解做唔好．好似佢有一個問題，就係太過唔考順佢阿媽，講兩句就會鬧，但係眾人都無辦法．上兩個星期，啱啱母親節，又啱啱佢鬧完佢阿媽，我就用呢個機會，問左佢一條問題：”究竟爸爸偉大d定媽媽偉大d呢？你唔駛即刻答，可以食完呢餐tea先答我”．眾人見我想幫手教仔都有d想加一把腳，怕我咁open end無咩用，覺得應該直接講比佢聽，不過我就stop哂佢地，叫佢地比d時間佢自己諗吓，因為佢真係大個仔架喇，都六年班喇，有好多嘢應該自己識諗．好彩，佢地都聽我講，停左落嚟，由此至終，外母都無加入意見，我覺得佢明白我嘅用意．到食左一半，我老婆又好心急咁問佢諗成點，我又再次叫我老婆比多d時間佢自己諗．而同時，佢個姪仔就同我講：”咩叫偉大先”．雖然語氣都唔係太好，不過我聽到就有d開心，我並唔係變態，而係因為佢咁問得，亦即係真係有諗．我當然就換一個角度，話”咁啊，不如咁啦，諗吓邊個比較辛苦啦，你出世之前住响邊，食d咩，出世之後食d咩，邊度嚟，再諗返近d，如果叫你放左學幫手做家務，你會有咩感覺．而家又係邊個做哂所有家務呢？”

講完之後我就繼續食自己嘅嘢，到左食完之後先問佢諗到d咩，叫佢講嚟聽吓．好開心聽到佢咁講：”根據你頭先比嘅引導，我知道係阿媽辛苦好多”，不過見佢個樣好似仲有少少唔服氣咁，但係同之前比已經明顯有改善．當然我亦有追問點解啦，想比多d機會佢自己再elaborate．但係似乎佢未真係完全明白哂咁講：”做家務真係好辛苦架．．．”．本來我都仲想問多佢幾條問題等佢再諗多一陣，因為覺得一口氣個效果會好d，機會唔係成日有，如果成日都捉住佢講呢樣講果樣就無哂效果．可惜因為時間關係，所以我只可以草草咁講多少少嘢比佢聽，話比佢聽：”其實你細個食嘅奶係你阿媽嘅，佢無啖好食都要比奶你食，屋企又唔多錢，無得補身，搞到身體差哂．你細個喊都係你阿媽安撫你架咋．你如果而家唔好好珍惜，第時你想考順返佢，但係好似姑丈咁，好細個阿媽就唔响度，果時你就會覺得好慘架喇．你要好好珍惜啊”．不過講完之後就見到佢個樣有少少變，好似有d想喊咁，估唔到草草講幾句都有出奇咁好嘅效果．我知道佢已經體會到咩係母愛，亦知道佢唔會即刻改到，不過最緊要係佢真係明白幾時改係下一步嘅事，我亦未必幫到手．

從呢件事睇，有時說教都真係要睇時候，如果同一個有經驗過一件事嘅人，或者再三考慮過一件事嘅人，說教效果係會好好多．如果你一埋去就唔理三七二十一，係咁講你嘅諗法，效果就會好我同朋友講靈修嘅嘢一樣，唔會有人so你之餘，佢地仲會當你係傻嘅．

迴响

今次四川大地震都真係震得幾勁，一路以嚟我都盡量唔睇相關嘅新聞，目的係唔想唔開心，而每當我睇完相關嘅新聞，唔多唔少都會thought-form左，好可惜無記連日嘅震災節目，搞到我想走都走唔甩，本來都無咩點，今晚再睇埋個有線嘅新聞，就真係好唔開心。不過我都會盡量忘記，原因並唔係我冷血。其實一來我真係唔想thought-form，二來睇左對件事真係唔會有咩用，三來我會keep住send energy迴响比地球，想盡量keep住個人開心d，等我send嘅energy都係比較開心d。

其實今次就連一向不問世事嘅老婆都話要上yahoo，有錢出錢，有貨出貨咁話，真係少有。。。但係反而一路以嚟有捐錢嘅我，今次就出奇地唔想捐。真係莫名其妙，我都唔明點解，我好想send energy，好覺得要keep住日日send，亦淨係想send energy，其他嘅都唔想做。 可能我內裡其實都有少少同意呢個因果論，雖然亦知道個人能力有限，不過覺得都係要做得幾多得幾多。

雖然我都只係一日send兩次，夾夾埋埋都係send果一個鐘，不過有幾多時間就send幾多，盡我自己嘅能力就已經好足夠。由件事開始到而家我都係send左三日，因為開頭唔知有幾咁大鑊，所以都未有keep住send，到早兩日見唔對路先開始keep住send。頭一日send亦即係事發果日，只係覺得好震。到左第二次，亦即係前日send就開始覺得扯扯地，但係尋日直情係好吸energy，好似send落海綿度咁，我send幾多佢吸幾多。。。可以做嘅都只係keep住send，有幾多時間就send幾多energy，只好盡人事聽天命。。。

正氣正念

啱啱尋晚sit-in usui reiki (臼井靈氣) level 3嘅時候，有一part又玩返usui reiki (臼井靈氣) level 2時候玩過嘅＂仙人指路＂。回想level 2嘅時候，要用哂symbol，仲要send哂energy先做到嘅事，level 3竟然可以只係單單用意念，已經可以做到。其實亦間接話比我地聽，我地越係高level，我地嘅念力會越大。大師亦即場解答左我呢個問題，答案亦同我諗嘅相近。

本來簡簡單單嘅一句，我感受都幾深。你諗吓，我地只係用左意念，已經可以達到咁嘅效果。如果我地亂諗嘢，萬一成真，好嘅就當然無問題，萬一係唔好嘅咪大件事。能力越大，責任隨即越大，我地真係要好少心咁諗每一件事，正氣正念過每一日，原來真係好重要。。。

其實感受深嘅另外一個原因，係知道意念嘅power已經咁勁，如果再加埋說話，power會仲大。我諗每一個人都同我差唔多，好嬲嘅時候咩都講得出，萬一氣言全部成真，咁就真係連累左好多人。。。

同道理，當我地心灰意冷嘅時候，亦可能會講出好多古古怪怪嘅晦氣說話。。。話得係晦氣說話，當然亦唔會好得去邊，萬一成真就當然唔會好。所以我會開始警惕自己，真係要慎言，唔好第日先嚟後悔，果陣真係太遲喇。。。

再將呢個概念推遠少少，既然我地嘅說話咁有力，點解响心灰嘅時候。。。唔係，應該係無論任何時候，都應該多講鼓勵同正面嘅說話，用我地嘅念力，去改變我地嘅將來。希望在明天，前路由我創吖嗎。。。

唔知咩事

呢排好多蟲飛入屋，BB又成日喊醒，我今日食lunch又無啦啦好頭暈，暈左成個鐘，仲暈到企都企唔到添。。。差唔多放工個心輪又好壓，壓左成個幾鐘，好似極度傷心果隻。。。真係唔知咩事。。。

usui reiki level 3 sit-in part 2

啱啱sit-in完第二堂usui reiki (臼井靈氣) level 3，竟然又有驚喜，原來除左七輪經脈清嘢之外，仲可以幫人清任督二脈，又簡單。無啦啦比大師捉左我出去做demo，好彩都叫做勤做小周天咋，唔係比佢check到任督二脈唔通就死火喇。。。

最開心嘅都係見到past life，雖然唔係睇到好多，不過都係叫做一個好好嘅開始。。。仲要一見就見到個靚女添。。。不過對眼真係好攰。。。

講返自己，我估唔到比佢地睇到咁多past life，包括有日本人，其實上次都已經睇左好多個，唔怪得我咁鍾意去日本旅行啦。。。又有人人見到都想打嘅死靚仔，肥鬼佬，好彩仲有一個靚仔啫。除左地球人之外，原來我都曾經係外星人，個樣仲要成個冼樸咁。而除左人之外，我竟然仲試過做動物，包括熊同浣熊添。。。

usui reiki level 3 sit-in又有新嘢

本來諗住sit-in今次usui reiki (臼井靈氣) level 3，都係玩下小周天咁就算架喇，真係估唔到又有新嘢學添。。。今次仲學左樣好啱我呢個懶人用嘅technique，以後真係可以一路坐地鐵，一路send energy都無人知，仲唔駛楂住嚟send。。。不過咁激嘅方法，我都係幫自己send下去以前同做能量account就算喇。。。

而家好想快d到聽晚，再睇一次past life，我想信今次應該睇到喇呱。。。要早少少訓先得，唔係嘅話隻眼太乾，乾到睇唔到就唔好啦。。。

心壓

今日一路個心輪都有少少壓，真係唔知因為咩原因。。。會唔會係因為我放左張心經咭响我個mandala上面呢？定係聽到四川個news呢？

Anyway，都想做返少少嘢，師父話過唔好特別send energy去某一事件。所以我今晚就用左healing嘅時間，send左45分鐘energy迴响比地球。。。

能量轉移？？？

呢排見BB有幾聲咳，又知佢唔肯食保嬰丹，於是我前日就膽粗粗，試吓用camp學返嚟嘅technique，再改少少，同BB做左一次能量轉移，主要都係想接收引至BB咳嘅能量。做完本來無咩feel，不過幾個鐘之後，我慢慢就覺得喉嚨有少少唔舒服，仲見鼻樑有少少痛添。不過我開頭都不以為然，諗住鼻樑痛同喉嚨痛應該無關係。點知今日見BB鼻屎有血，唔通佢鼻樑真係痛？唔通我真係成功左？之但係佢仲有幾聲咳喎。唔通以上一切只係一d巧合？定要同BB再做多幾次能量轉移佢先會好返？

話時話，用camp學返嚟嘅technique幫自己喉嚨散病氣，似乎無咩反應，但係幫自己落手落腳做healing（貓爪，七輪經脈healing加小周天），真係會好快有effect，做左一次半個鐘就即刻好返好多，不過我都知時間上用多左好多。。。唔通就係因為咁所以BB仲有幾聲咳？即係我真係做多幾次就得？

之但係一路幫自己d心肝脾肺腎做能量平衡，又幾有feel喎。本來次次都係沖涼嘅時候做，所以都係無咩feel，但係有一次唔覺意，訓嘅時候响床度做，真係又覺得有病氣散出嚟。。。

我諗營後聚會要問下大師究竟幾時做咩好先得。。。

似曾相識

今日中午去左觀塘好彩飲茶慶祝母親節，阿伯父抱住仔仔嘅時候，突然同我講：＂仔仔流鼻血啊？＂。我聽到之後呆左，大家唔好誤會，呆嘅原因並唔係因為擔心，我並唔係咁嘅人。我呆嘅原因係我好肯定我發夢見過一模一樣嘅情景，仲要當我聽到嘅時候，我夢入面同真人都一樣係斟嘅茶，仲要都係一樣幫二姑媽斟梗茶添。。。

camp後感

啱啱完成一個三日嘅原生脈絡camp，一返到屋企沖完個涼，咁啱又做香港小姐，即刻就有一種由地獄上返嚟天堂嘅感覺。。。

一眾嘅婆娘門唔好鬧我住。。。其實我係話啱啱完成左個地獄式嘅訓練營，返到屋企，有屋企人（其實得返個仔仔，個個都散開哂。。。）陪住我睇電視，真係有一種好舒適嘅感覺，直情好似上左天堂咁舒服啫。。。

其實呢個camp真係好攰，日日都好攰，攰嘅原因並唔係時間長，亦無咩體力勞動。原因其實我唔係太知，有可能我地個個都太投入，所以先會感覺到果種攰，不過果種攰我又真係唔識點形容。返到屋企未到九點我老婆同外母就已經趕我走。。。唔好誤會，佢地並唔係趕我出門口，只係叫我快d去沖涼，因為佢地見到我個樣，真係攰到好似做左幾日苦力咁。。。攰到今日佢地問返起我尋晚一d事情，我竟然完全無印象，而且仲要沖左兩次涼都唔知。。。作為一個傍觀者已經如此，有份參與其中嘅師兄師姐當然會更攰，更唔好講師父，佢有幾攰就真係無法想像，真係要同師父講多一聲多謝先得。其實第一日，我已經覺得師父個樣好攰，到左最後一日，見佢隻眼直情打唔開咁，真係有幾辛苦無人知。。。

講返個camp，其實真係好多得著，每一樣得著都令我覺得個camp好值得，除左一樣。。。

就係多左嘅兩磅嘅肥豬肉～～～ 有無搞錯。。。

開頭我真係諗極都唔明，明明食少左嘢，又食清左，點解會肥左嘅呢？？？後來同師兄傾左一陣，佢話其實個camp經常都好多energy，唔通我吸埋吸埋都唔知道？？？唔通係我太八掛，成日開左個太陽輪嚟收？早知關哂七輪先啦。。。不過真係好值得一再回味，我尋晚九點半就訓，但係一訓著，camp入面嘅事情就再次响我個夢入面replay多一次，啱啱replay完最後一個case，我個人突然覺得好。。。。唔識形容，總知就醒哂，好精神，好有力，好想做d嘢。。。

見訓唔著又無事做，於是就將呢幾日無練到嘅功，加上無唸到嘅經，補做／唸返哂佢，一搞就搞左半個幾鐘，做／唸完哂之後就只係諗起一個字，就係＂痛＂。。。仲要係好勁痛果隻，覺得隻腳差d比左人添，金鋼坐果然唔簡單。。。但係真係好work，因為唔駛幾耐我又可以再次訓返，仲要一覺訓到大天光添。不過今日一路返工同放工都無睇書，唔睇書嘅原因並唔係因為攰，亦唔係懶，而係好想再次回味camp裡面嘅點點滴滴，需然我未之於好似有師姐咁陰陰笶，不過每一次再回味都有好深刻嘅感受。。。

講講吓又唔知講左去邊添。其實我呢編blog除左想係咁話＂正＂話＂好＂咁行嘅嘢之外，我真係想講吓少少個人感受。每一次活動完分享時間，我都唔係講太多，原因有唔少：－

一來其實我係慢熱形，一下子未必有太多分享，可能我要再三回味之後先可以有更深刻嘅感受。
二來係我想留返d時間比咁多位師兄師姐，想多聽其他人嘅感想同意見。
而最重要嘅係，想留返响呢個blog入面詳細分享，因為又唔怕太長或太短，亦可以吸引多d讀者，如果唔係無咩blog post咪無人嚟睇。。。哈哈哈。。。

講真完左今次camp，比我發現好多人，外表好似很平凡，其實內裡很是不平凡，psychic不知幾勁，有一d外表好似好軟弱好需要人幫，其實真人不知幾咁堅強幾掂，有嘅外表好似無咩特別，原來不之幾咁有內涵。亦越來越發覺，心念原來好勁，只係少少一句嘅肯定說話，竟然可以令到我散野散到坐都坐唔定，令到我同部份同學都覺得，第時教小朋友，真係唔好亂咁鬧，如果就咁就比你搞到你個小朋友有個心結嘅話，你點好意思。。。亦發覺自己成日都因為一d好似芝麻嘅小事而睇唔開，不過就真係點都放唔低，但係原來我並唔係畸形＂coz I am not alone＂。。。其實如果可以退一步嚟睇，感受可能唔同哂，咁就會易好多放低任何事。。。因為好多你覺得好重要嘅事，如果可以抽離，從第三者嘅角度嘅睇，可能只係一件芝麻小事，如果就咁退左一步就可以睇得開又放得低，咁唔係易好多咩？

好多事其實上天一早有安排，好似今次對功課，我因為私人少少嘅芝麻小事，點都抽唔到時間對最後一份功課，但係竟然有意外收穫。而今次入camp分組嘅時候，到我手上嘅時候，只係得返一張藍色，其餘四張都係一樣顏色，本來真係好想同未抽嘅人一組，點不知抽嘅時候唔知因咩原因，竟然抽左一張藍色。講得準確d，係攞左一張藍色，因為所有嘅紙都只係就咁放响我手掌上面。但係咁嘅分組安排，原來造就左兩個有相似經歷嘅同學仔一組，佢地做完左份功課已經解決左部份問題。。。

今次camp嘅最大得著，就係比＂遇見未知的自己＂更實在，發現平時嘅我原來真係唔係我自己。。。我一路都以為自己其實好開朗，點知check出嚟原來唔係，本來我都唔係信到十足，但係問返十個人，十個人都話我唔係。。。有見過一晚嘅同學仔，一早就話我响度橕梗。。。有同學仔就話從我嘅言行舉止亦同樣睇得出。本來想MSN叫一個同學仔加油，同佢再次講我對佢嘅睇法，竟然一路同佢MSN，佢話一路見到一個小男孩，係一間好黑的房入面，度門從內鎖住。。。？？？呢件事仲搞到我頭痛左個幾鐘，真係唔明，不過可能我真係再敏感左，今朝一早返到公司，感覺到一股氣，直入我頂輪，搞到我有少少暈暈地添，唔通有人。。。

又橕遠左添。Anyway，師姐出camp嘅時候亦同我講同一樣嘅說話，話我唔好橕到咁行。。。唔通係真嘅？？？雖然我本人都仲唔係太同意，不過有時真係傍觀者清，聽下人講又真係無壞，如果你自己搞左好耐都解決唔到嘅事，Why not聽吓人地嘅意見呢？？？不過一路返屋企，一路係咁諗，又發覺我有唔少時間，真係將其他人（包括屋企人同朋友）嘅問題背哂上身，响公司亦係。。。唔通我嘅真我真係一路都呃梗我自己？？？不過有問題唔緊要，最緊要正字。。。唔係，係最緊要正視先真。。。希望其他同學仔都一齊努力，唔好浪費左師父今次嘅一番苦心同大家嘅努力，要再組返咁多人入多一次camp真係唔係咁易。。。

爆到九彩

近排隻手真係臭到暈啊，掂咩都死，有時就算唔掂佢都死，真係死得嘅都死哂。本來上個星期以為已經fix好哂，雨過天清，亦無人發現。。。點知今日又再度爆獲，仲一獲大過一獲添，仲要通哂天。。。好彩我老板都知唔關得哂我事啫。。。

返到屋企，又再以為搞掂哂，點知死左原來可以再死。。。真係唔識講，亦近乎唔識做。。。呢d唔知算唔算係爆嘢爆到九彩呢。。。

其實响幾個月前send energy都知今次唔簡單，因為都未劃哂symbol隻手已經勁＂吉＂，send完一輪手感有轉，仲以為搞掂哂添。。。

今次嘅爆嘢事件雖然都幾大獲，不過我竟然有少少開心，大家唔好誤會，我並唔係傻左。因為每當我爆獲之前，竟然都聽到有把聲叫我諗清楚先好做，不過因為我做嘅事，真係正常過正常，所以我如常無理到呢d忠告，亦當然因為無聽到呢d忠告而中招。開心嘅原因，就係因為我覺得，我嘅higher self同我嘅距離，真係越嚟越近。。。

最後都要講一句多謝higher self不斷提點。亦要多謝師父教導我點同我嘅超我溝通。。。我以後會繼續努力咁學同我嘅higher self溝通，相信好快，我就真係可以，正正式式咁，同我嘅higher self溝通無誤架嘞。。。

請左假原來都係要還...

出嚟行預左要還就成日都聽人講，原來請左假都一樣要預左要還架。上個星期請左三日假take care BB，今日返到去就一路做到放工都未停過。。。

仲要未還清添架。。。我而家明白上上個星期日抽到果隻＂Three of Swords＂係點解喇。。。返到屋企都仲要做，啱啱先收到手咋。。。

可幸嘅係，上個星期果次考驗超額完成，比我地發現到仔仔有咩鍾意食，點樣先可以"暗＂佢訓等等，真係比我覺得辛苦都有價值，不過阿婆都係唔好再去旅行喇，真係好鬼辛苦，仲辛苦過返工幾十倍都不特止，竟然返到工仲要做到隻嘢咁。。。

take care BB的一周明日正式開始

外母要去鬆一鬆，去台灣旅行是也，不過佢竟然係跟團．．．可能係因為有一個好煩嘅人跟住，唔跟團可能會爆大獲都唔定，所以我都唔敢叫佢幫我買d咩．．．

咁啱我今個星期日（一個星期開始），抽左一隻”Three of Swords”，我抽嘅時候只係問：”今個星期有d咩啟示呢？”．．．之前已經有哂心理準備，都估到會好煩架喇，但係抽到呢張咭，個心就點都有少少煩上加煩嘅感覺，早知就唔抽啦．．．

唔得，要正氣正念先得．等我每朝都同自己講：”無風無險又一Day”先．

古代神祕學院入門書：超感應能力與脈輪開通訓練

有一次行入三聯，比一本”古代神祕學院入門書：超感應能力與脈輪開通訓練”深深吸引住，本來就忍手無買到，但係上次上網訂書終於都忍唔到．．．而家諗返，真係覺得好好彩，如果忍手無買到嘅話，就真係好可惜．呢本書真係令到我眼界大開，好睇之處並唔係佢教我點修練，係在於佢比到我嘅資料．廢話少講，我想highlight嘅包括有：－

１．一般嚟講，頭一個chapter都唔會係話點好睇，但係呢本書就例外，佢响頭一個chapter本來只係話比我地聽，古代神秘學院嘅來歷，但係就係因為佢嘅來歷實在係太過震撼．邊度咁震撼？如果話係阿特蘭提斯夠唔夠震撼先？？？又如果話連耶穌都係其中一個偉大嘅老師又夠唔夠震撼先？？？有興趣嘅可以搵死海古卷同多馬福音嚟睇吓．．．其實我真係偏向相信，因為"Dark Ages"嘅時候，所謂教會嘅行為又真係好鬼死差吓．．．我諗好多人都未可以忙記，”十字軍”想當年嘅所作所為．．．
２．佢教我地點樣修練我地嘅kundalini，當然包括點樣開關七輪啦，佢仲特別強調天眼同頂輪，仲有教特別嘅咒音去開呢兩個輪位添．不過就同我學嘅有少少唔同，大部份似係meditation多d．佢講到天眼開嘅過程同師父講嘅差唔多，只係多左連偏頭痛都有機會係．．．
３．佢有教我地點睇氣場，唔係睇到同睇唔到咁簡單，而係教我地睇到氣場嘅唔同顏色係代表d咩，真係好正，我第時睇到氣場嘅時候，一定要再攞嚟睇過．
４．佢仲教我地睇pastlife同搵導靈（channelling），不過我覺得呢個chapter好應該係PG（哈哈）．．．
５．佢話指導靈其實同我地一樣，一路學習梗．．．
６．佢亦有教我地點玩Out-of-Body添．．．
７．Last，佢睇左"Akashic Records"，話耶穌最後係104歲先死架，死嘅時候由馬太個孫仔陪伴左右．．．而被釘十字架嘅竟然係耶穌嘅孖生兄弟嚟嘅．．．而且真係有第十三個女嘅門徒”抺大拉馬利亞”，亦真係耶穌嘅愛人．．．

比多一次機會我，我都係會買呢本書，仲會keep住添，學師姐講”呢本係一本好好嘅工具書”．

手輪痛 － 大結局

上文提要咪話我抽到一張"Bridgette"嘅天使咭嘅，跟住做大日如來都係做返同一個topic，不過似乎手輪同心輪痛嘅問題解決唔到。痛楚只係有好輕微嘅減輕，做healing亦無咩大幫助。無咩頭緒嘅情形下，原本諗住都要再做多一個round，睇下會唔會再好d。點知上完大日如來class B，見到師父幫同學搵topic嘅時候，觸發一個新嘅念頭：＂會唔會來我嘅topic唔係搵得咁啱呢？＂。返到屋企諗左一輪，發覺似乎真係可以再向上推，做第二個topic。

於是就梗係唔理三七二十一，做左先講啦。嘩，講你都唔信，做完一次之後，手輪同心輪嘅痛已經無左一大半，做完第二次已經咩事都無，療程都未完已經一d都唔再痛。而家諗返，可能隻天使咭係叫我要再向上推，做深入少少嘅topic，我就搞錯哂，以為要幫自己做深層嘅healing，又停大日如來，又走去行第五層嘅氣場。。。亦唔怪得師父再三問我地諗住做咩topic啦，原來好易會搵錯topic嚟做。。。

真係又上左一堂。。。所以話有時間真係要多d sit-in先得。

幸福的真義水知道

買呢本＂幸福的真義水知道＂嘅時候都無咩特別expectation，只係因為還掂都買左上集，諗住買埋下隻睇吓咁啫。。。睇完之後都覺得佢名符其實係下集，但係個名就好似唔係幾貼題咁啫。。。

呢本書的確無上集咁好睇，又少左d最大賣點嘅水結晶相，所以真係有少少失望咁。Anyway，上集嘅book review我都唔記得講，作者其實响日本用順勢療法幫左唔少人。我响網上面搵到嘅順勢療法，同作者所講嘅有少少出入，作者所講嘅順勢療法，真係好似2A級嘅電影咁，要PG先睇得架。。。

Anyway，作者用嘅方法或者佢嘅理論，係咁嘅：＂當一d有毒嘅物質比好多好多嘅水去稀釋左之後，果d水就無毒都不特止，仲要因為佢有同果d毒一樣嘅波動，所以可以用嚟做毒嘅解藥添＂。真係唔講我唔知。。。不過唔駛我講都知，自己千奇唔好亂試啦。。。

另外，佢仲有唔少new age同量子物理學嘅理論，好似水係好受波動嘅影響，人亦然。。。人嘅細胞每半年都會換一次，但係換完之後嘅細胞係會同換之前有一樣嘅特性，亦即係換之前係病嘅，換之後都係病嘅，原因就係出响life field上面，佢話我地嘅細胞其實係比我地嘅life field所影響。。。如果佢咁講，我地只要有辦法搞好個life field咪可以醫病囉。。。佢亦有講，水其實係interconnected嘅，當你對住你面前嘅水祈禱，其實係會影響到其他嘅水，真係要多d對住d水祈禱先得。。。佢又講，如果三個月前同個病人抽左d血放埋一邊，三個月後如果個病人好返，佢地再去check返之前抽起果d血，血嘅成份都會變成同果個好返嘅病人一樣。咁我地捐血之後真係要小心身體，如果唔係咪會好心做壞事？？？

最後要講嘅，就係原來大麻嘅用途係非常之咁多嘅，好處直情可以cover哂佢嘅害處。。。作者估計大麻比各國政府提出禁令嘅原因，係基於商業原因，多於因為大麻係有害嘅原因。。。

爆嘢？

近排屋企比BB搞到好忙，搞到屋企人個個都有少少燥．．．除左我，可能因為做得功課多．．．又可能因為對得BB少．．．又可能因為成日走左去上堂！哈哈．．．

Anyway，被人勁訴苦嘅情形之下，又唔想搞到爆鑊先嚟做嘢，唯有將今個星期所有schedule都取消哂，搞到其中一個同學仔份功課要用email嚟傾．．．真係好鬼唔好意思．．．

不過尋晚抽左一張搭羅，竟然係”Justice”．．．Yeah！唔通暗示就快佢地都會聽我講，BB食咩就由佢食咩，唔食咩就唔好迫佢搞到自己都辛苦埋？定係BB好快就比咩佢都食又訓得好好呢？不過點都好，都係雨過天清咁解啫，好事好事．．．

遇見心想事成的自己

今日被人發配邊疆，免去爸爸一聽。。。一日咁多。。。其實係老婆要玩拍外景，要幫佢做苦力，所以暫時唔駛打理BB一日咁多。不過就有好多空閒時間，我梗係唔會浪費咁好嘅睇書機會啦，結果一日就睇哂本遇見心想事成的自己，好似就無上一本咁多資料，但係都OK喎。

本書嘅內容包括：－

• 心想事成嘅步驟


• 心想事成嘅障礙


• 心想事成嘅陷阱

其本上，佢都係要我地自問，點解你要心想事成果樣嘢，係唔係真係啱你呢？而其實師父同師兄都成日同我地講，有時d嘢，比到你未必係真係好似表面咁好嘅。不過有時唔係個個人會明白囉，筆者就花左唔少嘅心機，相帶呢個信息比我地，而且個故事真係睇得出，係經過作者幾有心機去編排過，亦都好清楚咁帶到呢個信息比我地，只係講嘅好似無咁貼心。。。所以感覺上次果本好睇d囉。我其實可以用一句說話就可以總結呢本書講嘅嘢，就係＂唔好亂用心想事成＂，或者＂No free lunch＂。。。有興趣就自己買嚟睇啦，雖然無上一本咁好睇，但係如果比我揀，我都會借嚟睇（要買就當然要諗啦，而且上一本我都係借架咋。）。。。好彩我都聽大師兄講，而家都轉左用＂最高利益，正氣正念＂，做我心想事成嘅target啫。

沉迷？

上個星期當無記賣廣告，話當晚有一個關於沉迷打機嘅節目，因為當時老婆個姪就坐正我隔離，我馬上笑住口咁話好啱佢睇。。。但係我老婆一般都好鍾意買魚頭就搭魚嘴，問咁你呢？意思即係話我好叻咩咁。。。

無錯，响數年前，我比佢表哥更沉迷打機，一日打十幾個鐘都只係家常便飯。當然我即刻都講，＂無錯，以前嘅我的確係好沉迷。不過就係我已經覺悟，知道打機嘅問題，亦覺得打機幾無聊（除左winning。。。哈哈），所以我就痛改前非。＂。

不過估唔到佢咬住唔放，即刻再追問：＂咁而家又沉迷梗d咩啊？＂。哈哈，我估佢都忍左幾耐先開聲。我的確係每當去做一件事嘅時候，就會做得好投入。無錯，我只會用投入去形容（正氣正念好多）。比著係以前嘅我，實鬧鬼佢，不過而家嘅我，竟然可以好輕描淡寫咁答佢：＂咪就係睇書囉。＂。哈哈，佢一定估我唔到。。。

不過表哥就好似對我睇咩書有d興趣咁，我當然用激將法去對付佢啦，話＂我睇果d書唔啱你咁弱小嘅心靈睇架喎。。。＂。佢當然好唔服氣咁話＂你個心靈就弱小。。。＂，哈哈，我於是就打蛇隨棍上話：＂你真係咁想睇？好啦，咁我就比我d書你睇啦。其實都好啱你睇架，我睇果d書多數都係分析吓好似你果d case囉，好似話點解你會成日發皮四咁囉。＂。哈哈哈哈，點不知佢竟然玩認衰咁話：＂啊，係啊，我個心靈真係好弱小架，真係唔係好啱睇呢d書架。。。。＂。。。　＝＝＂

其實諗返轉頭，我而家最投入嘅，又真係並唔係睇書。睇書只係其中一種途徑，去逹到我嘅興趣，而我真正嘅興趣，亦唔係靈修。靈修亦都只係另一種途徑而已，我真正最投入嘅興趣其實只係。。。。。健康！！！係全個人，包括身心靈上面嘅健康。所以我就不斷睇書啊，上堂啊咁，去學識點先係可以達成我到健康人生路。。。

生命的答案，水知道

因為老婆要上網訂書，我就忍唔住同佢一齊出血，加單訂左一批書。其中一本係叫做生命的答案，水知道。好彩真係幾抵睇，佢裡面影左好多唔同嘅水結晶，全部都係用d好靚嘅彩頁，真係好抵。

本書as expected，都係講水嘅特性，例如：－

• 水其實係會比周圍嘅環境（包括聲音同文字？？？）影響到。


• 最靚嘅水結晶應該要係六角形


• 水原來係有記憶，that's why比唔同環境影響嘅水結晶，係會有唔同嘅形狀。


• 作者就大膽假設，細胞記憶其實係由水做主導，亦即係主因係水嘅記憶特性而引發。


• 波動係响高層次傳播，好似當波斯灣戰爭開始嘅時候，作者响東京灣攞到嘅水嘅成份，即刻唔同哂，理論上物質嘅傳遞無可能會咁快，所以作者認為係波動將水嘅成份改變左。好可惜作者無幫果日攞到嘅水影水結晶相，如果唔係就可能會有更大嘅研究成果。


• 原來科學家已經証實，有唔少嘅外太空隕石，其實係冰塊嚟嘅。而當呢d外太空嚟嘅冰塊遇上大氣層，就會馬上被熱力溶化，變成水蒸氣，之後就會變成雨水降落到海或者陸地。亦即係話，原來有唔少嘅水係來自外太空，所以水並唔係我地所諗咁簡單。。。

作者就花左好多心機同時間去補足受到唔同對代嘅水結晶。好似：－

• 聽左交響曲之後嘅水結晶，原來係會好靚，當然唔同嘅交響曲會令到水結晶會有唔同嘅形狀，但係都好靚。


• 見到唔同嘅字嘅水結晶之中，最靚係感謝，最差係混蛋。。。。不過如果我有份參加呢個研究，情況可能會有少少改變。。。 XDDDDDDDDDDD


• 竟然無被注意（理會）嘅水結晶，比見到／聽到混蛋嘅水結晶仲要差，真係估唔到，就算只係望下，都已經有唔同嘅結晶。即係我就算鬧你都好過望都唔望你，等我第時鬧人嘅時候同佢講呢個道理先。哈哈。。。 XDDDDDDDD


• 原來瑞土同廣島嘅自來水結晶都好靚，反而香港，澳門同日本嘅自來水結晶都好差。。。　美國近洛磯山嘅自來水都好靚，果然係世界其中一個能量好勁嘅地方，真係好想去添。


• 我真係估唔到，原來願望池嘅水結晶，係一個個硬幣嘅樣，而响寺附近嘅泉水造成嘅水結晶，就同寺嘅門口好相似。。。


• 見到命令式嘅字句，水結晶就會唔靚，就算只係加一個"不"字，都足以影響到水結晶嘅樣，所以我地以後講說話，真係要多加留意用字先得，原來一個唔好嘅字，都已經可以有負面嘅影響力。。。


• 成本書最驚嚇嘅一張相，就係911嘅時候拍到嘅水結晶。。。


• 除左睇字，比水睇風景相都有相當好嘅效果，呢樣我諗大部份人都估得到。我最估唔到嘅係，最靚嘅水結晶，並唔係見到邊一度靚風景，而係睇到一張只有太陽嘅相，真係好靚。果然係萬物能量嘅來源。

我覺得作者真係花左好多時間同心機，先影到咁多咁特別嘅水結晶相，所以呢本書雖然唔係太多資料，不過真係值得一睇，而且佢當然仲有講唔少其他水嘅特性添。。。

師父真係好勁

近排心輪同手輪痛，問過師父，佢話因為我做大日如來清梗嘢。。。無辦法，唯有停幾日，因為真係幾痛。星期一做healing抽左一張天使咭＂Bridgette＂， 大意係叫我要深入d，唔通叫我要繼續努力做大日如來，仲要係做同一個topic，清吓佢咁？前晚於是又再開始做同一個topic，一做兩個輪位就即刻又痛過，仲要再痛d添。。。果然係師父，一問即刻知道我咩事。勁！

其實有一次，我做practice掃同學仔嘅氣場，掃左幾次先感覺到邊兩個輪位唔係咁靚，但係都決定唔到幫佢做邊個好d，點知師父係咁2望左兩眼，就即刻知道要做邊個輪位。話係咁2並唔係話求其，而係話佢真係好勁，三兩下手腳就搞掂，真係勁。。。返屋企諗返起，又真係好有道理。因為睇過d文章講，人嘅能量係由底輪開始，一路上，如果下面嘅輪位有事，係會連累左上面嘅輪位。亦即係如果有多過一個輪位，有差唔多嘅問題，先處理下面輪位嘅問題係會比較好。。。當然，亦可能係我掃氣場仲係未學得好啦。。。

講返轉頭，唔通EFT只係表面上幫我止痛？仲未幫到我解決問題？睇嚟都似喇。。。

圖解榮格心理學

有一次去APM買書送比人，一早心裡有數，所以好快就搵到目標。見有時間，咪打吓書釘囉。睇睇吓比本圖解榮格心理學吸引住，於是就直情買左佢返屋企慢慢睇。越睇越發覺榮格好利害，佢並唔係一般嘅心理學者。

• 佢主張唔好亂咁否定未知嘅事情。


• 佢雖然係基督徒，亦係基督教家庭長大，佢都無排斥過其他宗教。


• 佢竟然仲可以用唔同嘅角度，去分析練金術。講真，就係今時今日，初初睇完鋼練，我都覺得呢個只係一套卡通片，我諗唔少人都同我一樣。。。不過榮格就用一個心理學嘅角度，去分析練金術呢樣嘢，搞到我都有d想搵佢嘅書嚟睇添。。。


• 佢醫人嘅approach真係值得我地學習，就係無論病人講咩，我地第一件事唔好話佢有問題，無可能咁。因為好似佢不嬲嘅主張咁，無任何証明之下，我地係唔可以相信任何事，同道理，我地亦唔可以否定任何事。。。


• 原來每一個人都一定有第二性格，而且往往都會同第一性格有好唔同嘅特性，不過原來咁先可以組成一個完整嘅我。因為第一性格係由我地嘅意識主導，而第二性格就係由我地嘅潛意識主導。


• 雖然我地可能並唔太認同我地嘅潛意識嘅諗法，但係我地千其唔好打壓佢，因為其實第一，潛意識係唔迫得，太過壓抑反而可能會搞到有心理病。第二，其實潛意識都只係我地日常被壓抑嘅表現。


• 一般人係可以分成八種唔同嘅性格，包括外傾思維型，內傾思維型，外傾情感型，內傾情感型，外傾感覺型，內傾感覺型，外傾直覺型同內傾直覺型。同九型人格嘅分類方向上都好唔同，不過我都覺得佢嘅分類嘅啱聽，只係佢嘅focus同九型一格唔一樣啫。


• 佢已經有好早期嘅前世記憶嘅concept。。。


• 原來我地對人嘅投射，其實係將自己嘅陰影，投射响人地身上嘅行為。。。

其實仲有好多好多其他事跡，都可以令到睇書嘅我，幾咁嘖嘖稱奇，好似：－

• 佢竟然同鬼溝通過。


• 佢竟然靠直覺，劃到mandala出嚟。勁！


• 佢仲試過預見未來發生嘅事（WW I)，真係勁。


• 佢竟然好相信同精通易經啊，命理咁。仲會幫病人占卜。。。

佢其實可以話係new age嘅先驅，因為：－

• 佢一早就已經肯定心念係有力量。佢仲試過用心念嘅力量，去令到一個櫃發生聲音，好勁。


• 佢已經對同時性，有初步嘅研究成果。亦因為咁，佢都相信命運。


• 佢竟然身為一個基督徒，會確信本我（The One？）嘅存在，真係唔簡單。

原本諗住本書都唔會有太多information，但係睇完就發覺呢個係一個錯覺，唔好以為本書薄就等於無咩嘢睇，仲有其他資料我都無辦法加入我呢編blog入面。對心理學有興趣嘅你，一定要睇吓榮格嘅書，絕對會有收穫。Overall，我都幾滿意呢本書，真係要多謝我嘅潛意識提醒我有一本咁好嘅書。。。

EFT

終於都睇完本"EFT Manual"，有興趣可以自己上去佢個website 自己download啦，唔駛錢架．其實睇之前都估到佢係由TFTevolve出嚟架喇．．．其實d動作基本上係咁TFT大至上係一樣，不過佢就大包圍，唔駛話咩病就要拍邊度咁，方便好多．而且佢都有一個short cut，我上次响youtube睇到嘅，原來己經係一個shortcut版，唔怪得咁易啦．

雖然佢係由TFT evolve出嚟，不過個founder比我嘅感覺好好多，起碼佢免費比manual大家一齊學．而且佢唔會將無效嘅個案，全部都話係toxic嘅問題，反而佢仲叫我地要面對toxic，用EFT去克服佢添．

另一樣好得意嘅嘢就係，佢除左心理病之外，仲有quote到有d係physically有病都醫得好，當然佢都有quote到失敗嘅個案，咁先令到我更加有好感．最怕就係開頭係威係勢咁，但係到要真係做嘅時候就咩都做唔到．

講返個theory，其實果d拍打嘅地方(tapping point)，有d係經絡嘅起頭／或者係好近起頭，例如任脈嘅承槳，督脈 人中，手厥陰心包絡經嘅中衝，手陽明大腸經嘅商陽，足少陽膽經嘅瞳子髎，足太陽膀胱經嘅攢竹，足陽明胃經嘅四白等等．．．

唔知一路行大少周天一路做，個效果會唔會再好d呢．因為佢話要拍打果d地方嘅解釋係，因為想推郁果d經脈，如果可以行埋大小周天，咪會有仲大嘅效果囉．．．

敲醒心靈的能量

啱啱睇完羅傑。卡拉漢嘅敲醒心靈的能量，借呢本書之前根本就唔知佢講咩，不過見佢個書名又幾吸引，所以就借嚟睇睇，點知真係有驚喜。本書主要係介紹一種叫做思維場療法嘅東西，本書嘅作者，其實係一個Phd，好鬼勁。因為佢用傳統嘅心理療法好多年，都唔係好可以幫到佢嘅client，所以佢其實一路都係咁唸，睇吓有咩方法令到佢嘅治療成功率大大增加。點知佢無意中發現左呢種療法，而且個result仲好似幾滿意添。佢除左叫client自己主觀評分之外，佢仲用左一d佢識我而我唔識佢嘅客觀指標，好似紅血球簇狀況，SDNN同埋心率變異性總值咁，作為supporting。。。

呢種療法，對因為情緒而引起嘅毛病，有非常超卓嘅成效。除此之外，對好多痛症以及心率不整都一樣有效。不過呢種療法都幾復雜，首先你要學識身體上面十多個點，呢樣基本上唔難。再加九個眼部動作，之後就係用手指敲你身上面唔同嘅點，直至症狀消失為止。最煩嘅都仲係要對唔嘅嘅病，用唔同嘅alogrithm，仲有成二十幾種唔同嘅alogrithm添。即係唔同嘅病，你要敲嘅地方同埋次序都係唔同。。。

基本上，如果真係咁work嘅又真係值得花d時間去學嘅，不過網上面都見到唔少負面評價，又有人話佢嘅最高語音發功秘訣係唔老點嘅，仲要收人十萬美金，都不特止，仲要人地簽NDA。。。最緊要都係，有唔少嘅website都話EFT仲好用過TFT，所以我諗我都係睇完就算。。。

睇完哂咁多website，我覺得TFT似順勢療法嘅M$，而EFT就似一眾嘅open source（包括linux, FreeBSD果d）。唔駛問都知我梗係會揀open source啦。

再者，當做極都唔好，或者好返無幾耐就再病過，佢多數都claim平時食得太多毒素之故，而佢指嘅毒素，有d我真係睇完都唔係幾明點解：－

• 玉米


• 糖


• 沙拉醬


• 醋


• 雞蛋


• 牛奶及其他奶製品［？？？］


• 咖啡


• 茶


• 酒精


• 菸草


• 香水


• 洗衣皂


• 洗潔精


• 除臭劑


• 香精紙


• 染料


• 布料（棉花，羊毛等）［？？？］


• 一些藥物［咩藥物啊？？？］


• 殺蟲劑

不過佢講到有個case睇到我都幾。。。。R頭。。。個client復發嘅原因，係因為用口水黏左幾個郵票，從而吸入太多毒素，因為膠水中有玉米槳。。。？？？

EFT 真係幾得喎

尋晚陪BB訓，啱啱訓著無幾耐，佢就大喊。。。。咁就梗係比佢喊醒哂個人啦，點知無幾耐，個心無啦啦痛，仲要都幾痛吓添。。。

唔知可以點，咁咪rei吓佢囉，rei左十幾分鐘都係咁。。。好似仲痛左少少添。。。都唔知我係咪遺傳左老豆d嘢添。。。

Anyway，啱啱又睇梗一本睇，叫做＂敲醒心靈的能量＂，其實係一本講Thought Field Therapy嘅書，Thought Field Therapy大至上係一d好似係accupunture嘅嘢，不過就唔係用針，而係用手指，仲要當事人諗返令到佢唔開心果件事先，跟住先幫當事人清除果件事對佢嘅影響。用途都幾大，主要係幫助當事人，從唔同嘅情緒毛病走出嚟。。。不過佢講到就算係生理上有毛病，好似感冒啊痛症咁心臟毛病啊咁，都可以用Thought Field Therapy去搞掂。於是咪係咁睇，係咁睇，諗住還掂都差唔多睇到點做囉。但係點知睇左成個鐘，佢都掙係教梗我d招式，可能係我睇得太慢。。。

Anyway，一來仲未教哂所有招式，二來都仲未教點樣出招。。。又眼訓，又心痛，所以唔想再花太多時間繼續去睇。咁啱又比我諗起，其實仲有一樣叫Emotional Freedom Technique嘅嘢，同佢都差唔多。呢排都有上網roughly睇過吓個theory，好似比Thought Field Thearpy簡單好多，又好似話仲effective d添。於是咪上youtube search片睇。唔駛五分鐘就睇完，學識左基本上係點做。於是就梗係膽粗粗咁跟住嚟做啦，做左三個cycle左右，個心就開始無咁痛，再做多三個cycle咁上吓，個心差唔多唔痛（其實仲有少少）。。。真係好神奇，全程都唔駛五分鐘，我個心就好返九成。你睇完條片都會覺得好神奇，因為真係好簡單，點睇都唔似咁有效。。。


EFT條片

手輪痛 － 下集

今晚幫自己做左一個鐘healing加send energy，之後雖然都仲係痛，不過真係好似有少少舒緩嘅作用。。。果然係近來太懶之故，真係要勤力返少少先得。。。

其實都唔係話因為懶而唔做healing，只不過咁啱想做大日如來，又唔想做完大日如來之後再做healing，因為咁樣就真係太過夜先有得訓。。。而且大日如來真係幾有用，越做個人越有改善嘅跡象，所以先放大日如來第一位，可惜似乎唔可以咁樣plan我嚟梗嘅practice schedule。。。

再plan好少少先得，試吓大日如來同healing輪住嚟做，即係三日大日如來再三日healing，之後仲有一日可以休息添，正。。。一於咁話。。。

身心合一

睇完先知原來個作者二十幾歲果時就出左呢本書，真係勁。回想我二十幾歲仔嘅時候，靜係識打麻雀，打機，做freelance，吃喝玩樂。從來無話過想做d咩嘢，更唔好講話出d咩書啦，日日都响度浪費光陰。。。如果。。。只係如果。。。。不過都係唔好响度發白日夢喇，有時間睇吓書仲好啦。。。

講返本書先，本書裡面主要係介紹我地認識我地嘅身體，咩叫輪位。佢仲話，身體上面唔同部位嘅特徵，原來代表唔同性格。好似話四肢比身體發達，就係一個行動派，呢樣當然好多人都知道，不過佢裡面差唔多你講得出嘅特徵，都有解釋。不過原來無話係正常唔正常，因為樣樣唔同嘅特徵，都真係有唔同嘅性格表現。佢亦都有講，好多時情緒會走左入身體裡面，block實energy嘅流通，從而生病。。。

最特別嘅係，原來眼白上面唔同嘅地方，有唔同嘅紋，或者血絲，原來係代表住身體入面唔同嘅地方有毛病。。。。

書本裡面最令我唔明嘅地方，就係佢用左成個chapter，去講性交／高潮同身心健康嘅關係。。。。我以為借錯左書睇添，不過又幾好睇喎，哈哈。。。真係估佢唔到。。。

Anyway，佢仲有講（唔算係介紹），有唔同嘅方法，可以幫助舒緩身心靈嘅問題。好似瑜珈，氣功，靜坐咁，佢仲有講其他，對我嚟講係新嘅療法，都可以釋放你埋下身體入面嘅負面情緒添。例如：－羅夫療法，生物能治療法，芮奇能量法，費登克來斯法，生物回饋法同格斯塔治療法咁，真係睇到個名都唔知佢係咩。。。

手輪痛添。。。。

唔知因為早排太過勤力（差唔多日日都有做），定係近呢兩個禮拜太懶呢（基本上係無做過），手輪無啦啦痛左幾日。

又唔係話好痛，唔掂佢仲唔痛添，不過點解會咁呢？？？

sit-in Usui Reiki 2

嘩。今晚又有好多收獲喇，真係不枉我比人鵝住都走嚟sit-in。。。又學左一種新方法清嘢喇，正。。。仲勁有feel添。。。好忙啊，真係要小心分配好d時間先得，如果唔係d時間邊夠駛啊。。。

雖然未可以完全清／放低哂，不過都好左d，無辦法嘅，都過左咁耐，又真係要花少少功夫先得嘅。。。

而家好期待嚟梗嘅level 3同埋個practice class。。。
　

印加能量療法

其實睇完呢本印加能量療法都有一個多星期，遲遲都唔寫讀後感嘅原因，就真係唔知點寫。講內容，佢都算係幾豐富，而且本書嘅內容都算係幾吸引，但係。。。。真係唔知點形容，癈話少講，睇完我嘅書評有興趣不妨去借嚟睇吓啦，絕對唔會話點樣浪費你嘅寶貴時間。

Highlight:-

1. 佢同細胞記憶講嘅嘢有少少似，佢話原來我地前世帶落嚟嘅問題，會好似bar code咁，印左响我地嘅氣場上面，而到差唔多要發出嚟嘅時候，就會好實在咁，轉化左响我地氣場入面，成為一股負能量，影響到我地嘅身體。用bar code嚟比喻，當然只係想用一個，我地比較易明嘅事物嚟做比喻啦。


2. 通過光啟療法，我地可以將我地氣場上面唔好嘅能量，轉化，從而將响氣場上面影響到我地嘅能量同印記清除。


3. 印加文明同澳洲文明一樣，受到外來嘅人同文明所趕盡殺絕，現今原住民只一息尚存，文化與藝術都已經式微。


4. 印加人眼中嘅死亡過程同西藏生死書所講嘅好相似。


5. 印加人心目中，一般人死後就會回歸自然，無話有天堂同地獄之分。而得道者（巫師）就可以上第五層世界，一般靈魂就會去第四層世界。


6. 原來印加嘅巫師係有靈體保護，以免治療時受病氣所傷。


7. 治療嘅時候，我地係向無限（最高）攞能量。


8. 佢講到外國人，因為一般都無好好咁，幫死者進行應有嘅超度，所以好多外國人，身邊都有唔少嘅靈體跟住，因為果d靈體未能夠意識到自己已經死左。。。

書裡面仲有詳細講解好多其他嘢，好似：－

• 咩係輪位，同埋點樣清洗我地嘅輪位。我唔用七輪係因為佢地係教我地九輪，頭七個同我學到嘅差唔多，不過第八個就唔係好同。


• 氣場有邊四個，佢地上面記載左d咩，呢樣就同我所學嘅一樣。


• 練習睇氣場。。。


• 追蹤自己嘅past life，同我地學嘅基本上係一樣。而同一個練習，仲可以用嚟睇自己嘅未來，不過未來嘅事，我都係prefer保持神秘感多d。。。


• 開啟神聖空間，咁樣做healing嘅時候，healer同病人都有足夠嘅保護。


• 幫將死嘅人，進行死亡最後嘅儀式，我亦覺得就算你睇得明，都唔好亂咁幫人做，如果相信呢種方法，最好都係正正經經去學，唔好半桶水就去幫人做。。。


• 原來印加人都幾new age架喎，佢地都話人類己經消失，取而代之嘅就係一種新嘅人類－發光人。。。而咁啱赫必和馬雅族都有差唔多嘅預言。。。仲要同我啱啱睇完嘅召喚天使講嘅差唔多係一樣添。。。


• 最勁嘅都係清除負能量，包括闖入嘅靈體，我就覺得你睇完一定唔會識，就算識都唔好亂咁試。。。裡面提到一件事，我覺得好有意思。佢叫我地唔好對闖入嘅靈體懷恨在心，因為佢地attach入我地嘅身體，其實一定係有原因。有機會係因為受到我地自己嘅召喚，又有可能係比我地嘅功課，等我地更了解自己嘅問題。而佢入到我地嘅身體，其實都唔會好受，反而我地要原諒，甚至多謝佢。咁啱今晚我上level 2，又同同學講到相似嘅事情，結論亦好相似。。。

最後我都係果句，如果真係對印加能量有興趣嘅話，真係上去佢個網站，睇吓有無辦法正正式式咁去學啦。

大日如來真係好勁架

尋晚終於都完成左第一個大日如來滅罪真言cycle，頭幾日講真都係背梗真言，所以無咩feel都係正常。到左春分正日，meditation竟然見到好多嘢轉，同做完啱啱attunement果陣一樣，今次仲見到有一個人同我揮手添，仲以為搞掂左添。。。點知到左尋晚last一日，唸左三編就見到一個武士用腳踏住一個女人嘅頭，仲要係古裝嘅樣，比佢突然出現嚇一嚇，搞到我之後都唸得唔係咁好，meditation就更係咩都無啦，唔通我前世係果個日本武士？定係見到呢件事呢。。。。所以有時第一因嘅嘢，真係唔係話少嘢。。。

講真，自從開始左唸真言之後，個人又真係有少少進步，等我set定哂calendar去remind我自己嚟梗唸真言嘅schedule先。。。

Side issue，尋日老婆＂咬＂柴，同佢搵左一個跌打師父睇。睇佢嘅時候都覺得佢有少少料到，因為佢一睇都知我老婆邊樹整親，其實要知話難唔難，話易又唔係咁易。因為我就唔係覺得我老婆腫得咁勁啫，佢亦無攞哂兩隻腳嚟對。。。Anyway，今日睇完佢就真係覺得佢好勁。第一，佢竟然講得出我同老婆都係＂拉＂仔女，雖然唔知佢係唔係斷估！佢就講左個理論出嚟，不過我就唔係咁agree。。。第二，佢竟然一望就知我訓得唔好。第三，佢一望仲知我個人太緊張，叫我放鬆d咁話喎，佢仲要話我係勁緊張果隻添。勁！！！其實呢兩日，我都只係係咁2同佢吹左一陣水，夾埋都唔夠二十分鐘，佢就可以知道咁多嘢，而佢仲要唔係由我講嘢方面睇得出。。。不過佢唔講我都估到少少，就係一望我地嘅體形，其實唔多唔少都會比到d資料人地，好似我而家睇梗一本書都係咁講，等我快d睇完睇吓可唔可以同大家分享吓先。

其實佢都有話我聽佢點知，佢亦教左我點睇，但係我都學唔識，因為真係唔易，無返咁上下嘅練習都唔得。但係佢都同我地講，其實都幾無奈，雖然佢識得點睇，有時見啱傾都會多口講多兩句，但係特別係情緒嘅嘢，佢真係唔係點幫到手。我本人都極之同感，所以而家先咁努力睇咁多書，希望可以幫到自己又幫到人，因為情緒嘅嘢，現今嘅醫學真係唔係咁幫到手，所以先會有需要靈修同alternate complimentary medical啫，希望我可以盡快學有所成啦。。。

一到要用嘅時候就咩都比返哂師父

上完level 3之後，做healing快左好多，之前要做哂full body先得，要搞成個鐘一個人。而家上完level 3，一開始就做十分鐘小周天，做完其實已經幫手散左唔少嘢。之後就做七輪經脈healing，都唔駛兩分鐘，又散咁d。然後就掃吓氣揚，再之後就貓爪吓掃到唔多正常嘅地方，跟住就比返少少爪過嘅地方同埋掃到有需要嘅地方，最last當然都要掃多一次氣場啦。全程夾埋都唔駛十五分鐘，當然有時耐少少啦，如果老婆訓左，多數都加埋心經healing清吓佢添，但係一般都唔過二十五分鐘。點解佢訓左先做？其實好簡單，只係費事佢又話我練d咩邪功咁啫。。。Anyway，你地無睇錯，其實主力都係清多過比，因為一般人嘅energy都係唔平衡，而多數都係多左d唔啱駛嘅能量，所以就用咁嘅approach。好多謝師兄嘅提醒，如果唔係都唔會開始做到個咁好嘅format出嚟，當然第時可能再會改變，不過at least而家我做自己或者幫人做healing都有唔錯嘅效果。

雖然個format唔錯，但係好多時做完個頂輪都開左，本來問題唔大，但係我可能無咩想像力，read極七輪圖都無辦法關返個開左嘅輪位。。。

好似上次一早去雪房（做電腦嘅人都知架喇），雪左一朝，當然自己都係著得唔夠＂多＂衫，搞到個人一陣又發冷，一陣又發熱，仲天旋地轉，個頭好鬼重，即係中左招。於是即刻飛返屋企，幫自己做healing，當然主力散病氣，所以做多d小周天，平時每層氣場做四十幾次，而家做夠二百幾次，之後當然係咁爪啦，夾夾埋埋做左成個鐘。做完其實個人已經無咁暈，所以繼續返工，跟住夜晚先再做一次短版嘅healing，第二朝訓醒咩事都無哂。不過問題就係做完個小周天之後，就覺得其實個頂輪開左，但係read極七輪圖都無用。後來同師姐傾返，原來我連靈氣五戒meditation可以幫手做grounding都唔記得。次次都係咁，一到要用嘅時候就咩都比返哂師父，睇嚟都要delete吓喇。。。不過越諗就覺得越唔應該，所以有感而發，寫呢一編blog嚟警惕吓自己。

其實上完level 3我先覺得學嘅嘢比較全面d，做healing都真係快左，又可以做多好多嘢。只不過好似師兄成日咁講，其實最有用嘅都係最基本嘅嘢，基本都學唔好，比你再上多幾個level都無用，有時可能反而仲危險添。。。

夢－追

尋晚又發左個怪夢，夢入面比人係咁追，我就係咁走．因為係山崖邊，所以唔係走直線，而且個山崖邊係用書做成嘅．．．所以我嘅逃亡路線，就被迫跟住d書走，其實都好簡單吓，就係一條45%嘅九牙形．到最後都走甩左．但係轉個頭，就無啦啦好以去左餐廳同人食飯，同邊個／食咩嘢就唔係好記得，只係記得頭頂上面嘅燈個形狀都幾得意，好似係兩個正方形一左一右黏到實咁，仲要响個夢入面我係咁望到佢實一實．轉個頭，我又好似被人追過，咁我梗係閃埋一邊啦，閃左去邊就唔係好記得，總知就無人見到人，但係我又見到佢地嘅地方，好似係枱底之類嘅地方．之後d人就响我前面，係咁走嚟走去都搵唔到我，但係我腦入面就係咁諗住條山崖嘅形狀．．．

之後就醒左，醒左之後諗返上次發夢有人教書果時嘅形狀好似．．．

夢－雷雨

尋晚無啦啦發左個好怪嘅夢，夢入面我個樣變成我啱啱尋日見過嘅一個friend個樣．．．之後仲奇，發夢我女朋友係好想同我結婚，不過唔記得邊度得知我同佢其實係”兄妹”．．．（雷雨？）不過就無血緣關係，詳情真係唔記得．．．於是我（／定係佢呢？）就係咁問人咁嘅case得唔得？？？當然係唔得啦，不過好得意，全個夢入面，我都係咁避開佢，好似唔係咁鍾意佢咁（其實感覺係完全唔鍾意）．．．而佢嘅家人就唔比佢搵我，但係佢又偏偏好鍾意我，千方百計咁避開屋企人嘅耳目嚟搵我．

而最奇嘅地方，就係我夢裡面嘅女朋友，竟然係佢現實生活嘅女朋友．．．唔通．．．比我知道左d秘密咁勁？？？但係我訓之前，學人玩召喚天使，同過天使祈禱，希望佢入我個夢幫我做healing．．．但係就發左個咁九唔搭八嘅夢．．．

召喚天使

呢本書嘅內容都算得上幾豐富，有好多我估都估唔到會响呢本書睇到嘅content。Anyway，呢本書主打係教你點樣召喚天使同祈禱，去達成你唔同嘅需要，好似：－

大天使拉斐爾(Archangel Raphael)－ 原來係最高治療師，即係好勁。
大天使加百列(Archangel Gabrielle)－ 原來係幫忙溝通同藝術。
大天使麥可(Archangel Michael)－ 原來係幫忙保護。

原來你可以祈禱請求神响你間屋嘅各個角落，都請一位天使駐守，整晚守護住你屋企，今年七月要試吓得唔得先。
佢亦有介紹水晶嘅功用，好似：－
透明水晶－ 試著佩帶透明水晶的項鍊，或者將一個透明水晶舉到天眼處，你會有類似寒顫的感覺，或是感到氣壓的改變，這意謂著水晶正將天使的能量導向你。
粉晶－ 開心輪，心輪愈打得開，就愈能敞開接受神聖之愛。
舒俱徠－ 能引動高層次愛的美好感覺。作者發現它與大天使麥可的能量非常和諧共振。而且舒俱徠石對於敞開喉輪是好effective，如此你可以更清楚與更有力量的溝通。
青金石－ 有助於喚醒靈視或看非物質世界與更高的次元。
當然仲有介紹其他水晶的功用，不過我又唔係copycat，有興趣就去lib記借或者買本嚟睇啦。。。

裡面提到，只要我地提出，天使一定會幫忙，因為天使們係慈悲嘅化身，佢地唔會因為我地做過咩壞事，而拒絕幫忙任何一個人。但係如果無我地嘅請求，佢亦唔會出身幫助，除非大限未到，而你又身處險景。而最好嘅一樣嘢，就係我地可以為他人祈禱，希望得到天使嘅幫忙，而天使亦樂於幫忙。原來一九八零至一九九零年出世嘅孩子，好可能係light kids，佢地有高度靈通，有堅強的意志，高度的想像力，勁。佢亦提到光之小孩會在二零一二成年，去迎接呢個新和平時代。佢地可以活到幾千歲。

原來我地個個都可以學會觸物心靈占卜，就係用唔常用嘅手（左手？）去接觸人地嘅物品，然後閉上眼睛，做幾次深呼吸，將意念放在與你的守護天使以及另一個人嘅守護天使交談。問這些天使任何問題，好似：［關於呢個人，你想我知道d咩？］或者［你希望我傳遞給呢個人咩訉息？］亦可以係特定嘅問題。然後再做一個深呼吸，注意任何來到身上嘅印象：可能是感覺，腦中嘅圖像，想法或者係字。咁樣，你就可以由人地嘅守護天使，接收影像與訉息。佢仲話好多人練習兩次就成功，搞到我都好想試吓喎。。。

本書仲有好多其他concept，好似七輪，law of attraction，食物嘅選擇，我地原來可以用祈禱去預測自己嘅壽命，不過我諗我識都唔會做，太大壓力喇。。。而我地亦可以通過祈禱去療癒前世帶落嚟嘅問題，即係past life healing。佢仲提到原來真係有亞特蘭提斯，而佢地真係有高度文明，不過因為佢地濫用嘅呢d力量，所以招至自己國土毁滅。而我地其實可以每晚都要求天使進入我地嘅夢，响夢裡面幫我地療癒我地嘅病，又可以睇吓佢地有d咩信息想比我地，仲可以要求天使們入我地嘅夢教我地靈修添。而夢境裡面係四維世界，所以我地有好多時都會覺得夢境好古怪，因為我地生活响三維世界嘅人，根本唔了解四維世界係點。。。而我地成日唔記得夢境，原來係因為我地嘅無意識心智未ready。。。但係我地記唔記得夢境都唔緊要，因為你醒來會感覺到在睡覺時，你己做了許多淨化的工作，整體上言對你有強烈的療癒效果。

最特別嘅兩樣嘢：－
第一，就係佢講嘅karma，佢話原來係信念系統，即係話如果我地可以跳出呢個信念，咁咪唔駛理咩kar唔karma囉？（講吓啫。。。）
第二，佢竟然有講咩係當下，佢嘅版本係：－
過去這過概念，是根據線性時間的信念。我地知道時間，實際上是同是並行的，而非線性。即係話，每件你曾經驗過的事，與將來會經驗到的，都發生在現在－當下這個片刻。這是因為沒有其他的時間，只有現在。在地球上的人類創造出過去，現在與未來，作為衡量他們成長與成就的一種方式。靈性的真相是，我們都己經是自身所能想像要成為的圓滿成就。我們已經回家，在各方面都是完美的，因些我們與神合一。唯一的［道路］或［目標］，如果有的話，那就是了悟我們己得到任何所想要的一切，當我個了悟這個事實時，我們便經驗到它。

咁咪即係我地個個其實都已經開悟？只要我地信就可以達到開悟嘅境界？

成日都聽人講light worker，唔睇唔知原來light worker係感到非得幫助別人不可的人，尤其是以靈性的方式助人，唔知我算唔算呢？佢仲話我聽，原來阿卡西紀錄(Akashic Records)是死後生命的圖書館，記錄了曾經發生在一個人身上的所有事情。如果你有能力睇到，咁會對past life healing有超勁大嘅幫助。

而除左地球之外，原來真係仲有第二d星球，有生物（外星人？）存在。不過竟然地球係出名變化難測，攻擊性／暴力同悲觀嘅程度都係頗高。佢仲教我地點分一個人係唔係由外星人轉世，簡單講就係隻眼似個n字，當然仲有其他方法可以分啦。除左外星人，佢仲教我地點睇天使，精靈轉世添。有樣嘢我係聽都未聽過，就係靈魂替換者，原來有d人好相自殺，果d靈魂其實就係靈魂出走者。靈魂替換者一般都係有高度進化嘅靈性，以光的工作為生命目的。佢地會响靈魂出走者死之前同佢傾，如果佢地同意，靈魂出走者嘅身體就會出現改變生命嘅事件，可以係病，可以係有生命危險嘅意外，之後當然就會無啦啦好返啦。就响呢個時候，佢地嘅靈魂其實已經交換左。當然交換完d記憶仲會留底，只係性格會慢慢改變。

如果你都好似我咁，想知自己係唔係天使轉世，可以訓前唸呢句嘢：［請給予我一個夢，當中含有關於我的來源的清楚訉息，並在我醒來時，可以輕易記起。］。佢仲教我地可以寫低呢句嘢响一張紙上面，放果張紙落我地枕頭下面，當我地嘅潛意識在情緒上準備好嘅時候，就會有清晰嘅夢。等我今晚唸呢句睇吓見到d咩先。。。

靜係天使no就已經值得我地睇呢本書啦，天使no係天使比我地嘅信息，佢當然係教我地點樣解讀呢d no啦。最後，佢教我地原諒嘅好處，原來舊有嘅憤怒／恐懼同憎恨係死沈沈嘅重量，只會拖慢我地嘅腳步，而且會耗盡我地嘅活力添。。。佢仲教我地可以寫低一張清單，上面當然係我地原原諒嘅人名。（嘩，我唔知個list要寫幾多張紙先得喎。。。）然後當然係同每一個清單上面嘅人名say sorry啦，仲要諗住佢個樣講：［我原諒你，而且我釋放你。我唔保留任何的不原諒。我對你完全原諒。我自由，而且你也自由。］。之後每一晚（放心，唔係做同一張清單），只係回顧果日有咩人你要去原諒，訓之前就原諒佢咁。真係得？？？佢仲有教第二招，不過真係睇唔明。。。

總括嚟講，我有時間一定會睇多一次，因為都幾好睇，佢入面仲有好多concept我都未可以完全明白，又或者唔係好識點present出嚟，所以都無寫出嚟。Anyway，我會recommend任何人睇呢本書，絕對唔會浪費你嘅時間。

大日如來

啱啱尋晚上完大日如來，果真好勁，而且用處都幾多。真係不枉我千辛萬苦咁，將屋企嘅schedule從新安排好嚟上呢個course，不過真係辛苦哂我外母就真，搞到佢今個weekend連假都無得放。。。

講返呢個大日如來course，就連一貫做attunement無feel嘅我，今次一做attunement都好勁有feel，不過主要係得一個字，就係個＂痛＂字。。。

開始做attunement嘅時候，我個人有少少比人拉起身嘅感覺，不過唔係好強，只係耐唔耐有人拉一吓咁。之後就好熱，隻手都幾重，不過呢d都唔算係咩feel。講到最勁嘅feel都係＂痛＂，好實在咁痛。唔知點解，做左attunement無幾耐，個心輪就開始好似比嘢＂吉＂住咁，越嚟越痛。。。睇返其他師兄都有痛嘅感覺，不過就無我咁痛，而且佢地痛嘅地方當然都唔同我，佢地多數之前都有痛開，唔似得我，不嬲都無咩事，而係突然之間痛。。。唔怪得師姐話我呼吸好沉重啦，因為真係幾痛架。。。

其實之前都試過一次心輪痛，不過無今次咁痛，亦無今次痛咁耐。後來大師仲醒我，提我執執d嘢添。至於內容就唔好响呢度講喇。。。最可惜都係唔可以幫人做，如果唔係，呢個咒音真係超有用。

我今晚自己响屋企唸左七編，之後個心輪都有少少比嘢壓住嘅感覺，好彩無痛啫。。。

曠野的聲音

正如同學仔講嘅一樣，呢本＂瑪洛摩根＂嘅＂曠野的聲音＂。真係幾好睇，唔怪得銷售千萬本咁勁啦，仲要有二十多種語言版本添。

故事大綱唔再重複，有興趣就自己上網search，或者可以去同學仔個blog度睇。

我想講嘅係，唔睇呢本書都唔知道澳洲土著：－
１。原來好似馬雅文明咁，都係古文明，仲有成五萬年歷史咁耐。
２。佢地自稱係＂真人＂，即係真正嘅人類，而我地城市人其實係＂變種人＂，因為無論體質同性格，我地d城市人都係同真正嘅人類唔同，詳細就自己借嚟睇吓啦。同意又唔係話唔同意，不過真係有dd唔知點講。
３。佢地個個都有唔同嘅技能，有d識分身術，有d又識解夢，個個都識得用心靈溝通，又識同大自然溝通，healing嘅技術簡直神乎其技。如果佢地可以將佢地呢d技術，流傳比我地呢d都市人，將佢發揚光大就very good喇。
４。佢地認為地球已經步向滅亡，所以唔再生育下一代，聽到有d難過。
５。佢地實在係環保先鋒，環保意識真係好勁，比我地講梗嘅所謂環保，不知環保多幾多倍。
６。有d土著嘅成年禮，你估都唔會估到係咩，真係好嚇人，我都要賣過關子先得，有機會睇一定唔可以miss。。。事先聲明，幾嘔心架。。。
７。佢地覺得口，並唔係用嚟講嘢嘅，係用嚟唱歌嘅。溝通其實係應該用心靈感應，好處之多，真係難以置信，其中一個好key嘅原因，就係原來唔會有癈話。。。哈哈，唔怪得我學極都咁屎啦（我指靈修），可能因為我癈話太多。。。
８。佢地一早就認識咩係人生，咩係真我，咩係永恆，真係好勁，即係個個都已經開悟哂。。。？

另外佢裡面提到四個point我覺得值得响呢度highlight出嚟同大家分享。
第一，通過任何考驗的唯一方法，就是面對考驗，這是無可避免的。
第二，靜坐係必要嘅，因為只有倚賴靜坐，我地先可以聽到大地／上天，比我地嘅指示，或者對我地祈禱嘅回應。
第三，我地都市人實在太過傻，整日都為左身外物而活，搞到壓力大到病。佢地雖然窮，但係就日日都生活得快快樂樂，因為活著嘅目的，根本就唔係為左錢。。。
Last，佢提到有d都市人，比左一d BB食物比一班土著，搞到果班土著媽媽奶水越來越少，到最後仲停埋奶添，差d搞到果班BB命仔都無埋。呢件事亦令到我諗起我地成日都講嘅，慈悲與同情，所以就算係幫，都要幫得其所，如果唔係好易幫人變左害人。因為每個人都有佢，作為生存嘅課題。咁樣搞到幫人越嚟越難，或者咁講，係要好小心，真係要諗清楚究竟幾時先可以，或者要出手幫人呢？

最後我想講嘅就係，如果佢邀請我去嘅話，我一定會死，而佢地全族人一樣都會死光光，你一定唔會估到，原來竟然係因為我無乳溝。哈哈。。。睇完你自然會明白點解架喇。。。

中醫collection

一路以嚟，我都係信中醫多過西醫好多，主要係唔完全認同西醫嘅方向，當然係唔認同多過認同啦。唔認同佢地嘅頭痛醫頭，腳痛醫腳。唔認同佢地嘅治標唔治本。唔認同佢地嘅病症分類。唔認同佢地嘅殺傷性療法。只係認同佢地响檢驗上面嘅精神，但係仲係覺得有好大好大嘅改善空間。

中醫方面，當然我個人係非常之咁相信。佢嘅理論，博大精深。治病求於本嘅精神，更加係做人做事原本就應該有嘅精神。佢地對身體嘅分析，更加係後人／西方到現今都仲未追得到地方。例如，中醫嘅心，並唔係單單一個心臟，而係一個系統，所以中國人成日話咩心想事成／心知肚明，而呢樣嘢鬼佬只會笑話＂心唔會識想架＂，佢地笑係因為佢地都唔明咩先至係中國人講嘅心。又例如好簡單嘅一個便秘，西醫一定幫人瀉就算，但係中醫就會幫你搵出原因，便秘除左可以瀉之外，其實仲可以用補氣嘅方法，而究竟係補定瀉就要視乎病因。更唔好講我地成日見嘅咳，原來中醫嘅咳有N種原因，佢嘅理論係每一個臟腑都會搞到你咳，要醫就要先睇吓到底係邊個臟腑出事，之後仲要睇果個臟腑究竟係出左咩事先可以醫到。就算搵到哂咩原因，亦都再要細分究竟係點醫。因為中醫都有好多唔同嘅派別，有d派別係主將用瀉／下，有d就主將用補。就算補都有分溫補，定唔知點補（我真係唔知，哈哈）。再難d講，就算同一樣補法，响唔同嘅地方或者唔同嘅季節，响用藥嘅份量，甚至用藥嘅組合，都會有少少唔同。真係好難一概而論，一定要倚靠經驗。你問我／或者好多現任嘅中醫，佢地都好難答得出，到底有幾多唔同嘅派別。

呢個亦都係點解好多人話中醫唔得嘅原因，因為中醫辨症之難，真係唔係講笑。其實好易會辨錯症，就算辨症無錯，都會因為各人體質唔同，而用錯方向。我所指嘅錯，其實唔係話用錯藥果d，而係用左一d無咁有效嘅方法，以至影響到醫療嘅成效，亦即所謂嘅同個中醫夾定係唔夾。

我個人都試過唔少嘅中醫，當中有一至兩位我都覺得幾勁，想响呢度同大家介紹吓：－

羅輝
診金$60，响天后流離街。
佢最出名就係醫cancer，好多楂benz，甚至見過楂rolls嘅嚟搵佢睇。你問佢佢就會話你聽佢嘅威水嘢，好似話以前有個出名嘅風水命理大師，本來西醫話佢得返幾個月命，點知經佢手，當然係幾年都唔死得啦。

尤方圃　
診金$60
佢除左係用藥粉（which我真係覺得好方便）之外，仲識針灸。唔講你唔知，用針灸醫感冒真係好effective架，針完之後，個頭果d症狀差不多馬上消失。佢醫婦女PMS嘅病亦真係幾得架添。另外佢亦會幫人做三伏天，香港我個人就唔係識好多地方有得做（浸會有得做，不過一定唔係咩professor幫你做，有個friend做完個comment唔係咁好）。想知三伏天係咩？上google或者yahoo search，大把資料比你睇，簡單d講就係用全年最熱嘅三日，幫你處理一d好難搞嘅病。有一樣嘢要知嘅，就係想做三伏天要早少少make appointment，因為真係幾full，而且三伏天果幾日，尤醫師一般都係比較忙，如果想搵佢睇病（唔係做三伏天），可能就要打個電話問吓佢仲睇唔睇症先得。

另外，我亦不斷响唔同嘅朋友，得到唔少有名亦佢地試過幾work嘅中醫，想响呢度向大家分享一吓：－

馬漢洲　
佢收$100診金，執藥就在樓下
只睇星期一至五，四時至七時，三點半至四點要去登記先
好多人去睇，好勁！有個鼻咽癌嘅friend去睇，佢話佢識個人仲嚴重過佢，不過睇完三次都開始有信心唔去做化療，亦見唔少有cancer嘅病人比佢醫好返嚟多謝佢。我個friend極力推薦，因為馬醫師就連過度活躍症嘅小朋友都醫得好，呢樣嘢無論對中西醫嚟講都係一個挑戰。醫得方面亦絕對無問題，見過有個人去睇吓點解訓得唔好，佢把完脈就覺得無理由，因為從脈象上去睇，點都唔會訓得唔好，於是馬醫師就問吓個病人睡房嘅環境，竟然佢連風水都識，仲要幫個病人執完之後連診金都無收到。以前佢仲教埋氣功添，不過見太多病人無恆心，搞到佢心都灰哂，所以而家佢都無再繼續教。

秦鴻教授
有兩個診所，最好打過電話去先
彎仔31885588
油麻地23846242
好似話135响油麻地，246响彎仔
聽講有個case係，佢用針灸成功令到一個唔識行嘅人行得返。

鄭啟明
裕民大廈九樓c,北京國際針灸診所, 2790 4282
診症時間：星期一至五 （09:00～13:00，14:00～18:00）
　　　　　　 星期六 （13:00～17:00）
　　　　　　 星期日 （13:00～16:00）
聽講話佢醫好左鄭海泉，仲成日去外國嘅seminar講嘢添。佢亦有開氣功同針灸班，價錢都唔係貴，不過我學左reiki就唔駛啦，哈哈。


希望以上嘅資料，可以幫到大家。如果有咩錯或補充，請email我或留comment啦。

藉口

我前晚幫我老婆做 healing ，我幫佢貓爪嘅時候，幾實在．而我掃佢個氣場，就發覺佢係外圍氣場比較需要，所以我主力係幫佢做外圍氣場．我做完之後，佢就話好放鬆，好想訓，問我點解．．．其實我真係唔識解，不過就同佢講，好多人都會咁，好似外母都係啦，而且可能你訓得唔好，係需要訓多d，所以比我做完咪好想訓囉．我聽過最過癮嘅形容係”你d咩邪功嚟架？ 點解次次幫我做完都咁眼訓嘅．．．”．Anyway，佢其實都唔完全信，仲話坐左咁耐，梗係想訓啦，不過佢自己後來都講：”又唔係喎，好多時坐响度好耐都唔會想訓到咁架喎”，我一路幫佢做，佢仲問我：”你係咪做梗架，咁遠都得？一唔係就停左响度，郁都唔郁咁，係唔係响度吞pop．．．”．其實我見佢咁辛苦，咪幫佢做哂咁多層嘅小周天囉，梗係郁都唔郁啦．．．不過唔緊要，最緊要係幫到手，我信有咪得囉．其實佢唔信都唔怪得佢，就連我自己有時都信心不足，又點可以怪人呢．．．

再者， 一路以嚟，師兄其實都不斷重複，level 1同level 2學嘅嘢好重要．當時其實唔係太明白點解，仲要比藉口自己，話”始終都未上過高level，又點會體驗到呢？”上完level 3之後無耐，開始有少少同意．事原係我上次sit-in level 1，師兄都話我底輪好塞，要多d清，當時就覺得師兄好勁．後來先發覺，原來其實自己都應該要識，唔係要贊人勁，反而要問自己點解學唔識．．．當然，師兄亦真係好勁，不過只係有d基本嘢我地應該係要識．

之後嘅日子，竟然仲有少少懶添．淨係一個星期幫自己清三次，仲係只用七輪經脈嚟清，貪佢夠快吖嗎．但係一路以嚟，都係無咩進展，所以之前先至話，開始無咩信心．

前晚同師兄再三double check，先知原來自己真係好懶．其實應該晚晚幫自己清，七輪經脈當然要做啦，但係最好都要加埋貓爪，集中底輪同塞得勁嘅地方．於是的起心肝，先玩七輪經脈清，之後就掃下自己氣場，其實都係信心唔大．不過竟然比我有發現．發現原來自己下三輪個氣場真係好實，特別係底輪添．知道左就梗係要做嘢啦，試吓用貓爪係咁爪，由喉輪開始落，每個輪位起碼爪三幾分鐘，塞嘅就做耐d．做完其實都無話有咩感覺，不過做完meditation就發覺．第一，個人易左靜落嚟．第二，一路meditate，一路覺得個身慢慢放鬆， d骨係咁咯咯聲 ．第三，meditate之後，隻腳竟然有鬆左嘅感覺添，好正．

其實，掃氣場啊，貓爪咁，都係level 2已然學左．以前自己唔做，係因為成日覺得無feel，搞到都唔知點做好，好似老鼠拉龜咁，失去哂信心．於是就當然係將學左嘅嘢，放埋一邊就當學唔識，仲要比個藉口話自己唔識，好似理所當然咁．．．經過前晚之後，就發現唔識先要練多d．好似尋晚咁，開始掃到自己個氣場，邊度實，邊度鬆．貓爪仲勁，開頭同老婆做已經覺得爪到少少嘢，後來同自己爪，越爪越實在，爪到太陽輪開始，一路到底輪都好實在咁爪到 d 嘢出嚟添，果種滿足感，真係好難形容．

經過前晚，又好似有少少進步，比到多dd信心自己，再加倍努力，希望早日學有所成，真係可以幫到親朋戚友啦．

上簽 Yeah!

今日老婆上大佛順便幫我求左支簽，佢幫我抽到第四十五簽仁宗遇仙，係一支上簽，Yeah！

佢自己同個仔都抽到第十三簽羅通拜師，係一支中簽，都唔錯架。

果然心想事成，Yeah！順便都祝大家心想事成，萬事勝意，身體健康，最緊要學業進步。

讓沉默說法

睇完趙來發本讓沉默說法，真係覺得呢個世界上面，原來有好多人都唔簡單，佢識見之廣，我真係望塵莫及，唯有努力學習。

呢本書主要係介紹唔同嘅印度靈性老師嘅教誨，從而達到開悟，可惜，內容似易實難，真係唔太明白。當然亦好難寫出任何精粹，只可以重點介紹。關於問悟，個人感覺，開悟同佛家嘅教誨有少少相似／關係，好似我非我咁，同佛家講嘅好似。

不過佢帶出一點，就係開悟唔係靠跟任何一個宗教，因為宗教只係法，亦即係開悟嘅途徑，理論上你可以跟隨唔同嘅宗教得到開悟，但係開悟就係開悟。

除左大量關於開悟（其實我都未係好明咩叫開悟）嘅教誨，仲有唔少介紹偉大靈性老師嘅文章，包括Papaji，Sri Ramana Maharshi，Osho，Nisargadatta。最估唔到嘅，就係連大魔頭麻原彰晃都有介紹。不過佢對Osho嘅評價都幾負面多，當然我唔係好知Osho嘅為人以及事跡，所以不以至評。

因為書入面都有唔少偉大靈性老師嘅教誨，而且佢介紹嘅（差不多）所有靈性老師都已經不在人世。如果我嘅理解無錯，我覺得唔係太似一本Guru Shopping Guide，返而以係Introductin to New Hinduism/Guru。

最後有一點問一提嘅就係唔知點解，果兩個靈性老師Sri同Papji都係死於cancer，理上上佢已經開悟，無理由會生cancer架？因為cancer嘅主因多數都係同情緒有關架。。。

補充

其實因為之前實在太懶，所以好多書評都有唔少嘅遺漏嘅地方，在此我想為各書評遺漏嘅地方做一d小小嘅補充：－

我的能量書
佢有幾個地方我覺得如果佢再further elaborate，呢本書會好睇好多：－

直覺嘅訓練：書入面有提到如何訓練直覺，不過真係皮毛得很。
從氣場提高感應力：書入面提到可以從人嘅氣場，得知好多重要資料，但係從來無深入探討。

相反地，後半part比前半part悶得多，可能都有唔少有用資料，不過我真係無咁多心機，慢慢從一d咁悶嘅chapter入面搵一d有用嘅資訊。如果可以減少後半part嘅落筆，反而再响前半part唔同嘅地方（好似上面提到果兩點），再詳細作進一步嘅探討，我會比較鍾意睇呢本書。

家密宗與東方神秘學
唔講唔知，原來印度嘅方言係有唔同嘅發音標準，我地出生响香港嘅真係無辦法理解，因為都唔會有香港音同九龍音。。。亦即係話要諗標準嘅梵文咒音，如今已經係天方夜譚，因為你根本唔可以追溯返，個咒音原本係用南印定係北印嘅發音做標準。。。

坦白講，睇完呢本書，我對密宗就覺得更加神秘，莫講話起原，就連有幾多種唔同嘅密宗，我都唔係好知。不過佢提到密宗嘅身口意，呢樣嘢都對我呢d門外門漢有唔少嘅幫助，起碼我知道唸咒嘅時候，意識原來會影響到個效果，而且原來意密係好重要架添。

細胞記憶
原來身邊嘅親戚，朋友，甚至係同事，都有可能响前世，係同佢有相似嘅關係，可能只係角色唔同左而已。而人出生嘅目的，原來係要為左做好，自己出生前所定下比自己嘅功課，好似做好呢份功一樣。唔怪得生命密碼都幾準啦，唔好講話紫微斗數添，差不多每一日嘅日程都原來係早有編排。真係唔好浪費光陰，唔係到畢業（死）嘅時候，唔合格就唔好啦。等我當年後生嘅時候仲話自己有大把光陰添，原來不知不覺間，我已經搞到自己嘅成績表通通肥佬都唔知添，而家要急起直追先得喇，唔知攞得高份有無奬品呢。。。

其實之前都同一d會通靈嘅網友傾過，佢地都有相似嘅形容，只不過都未係好相信咁啫，知得當時就問吓佢地啦。不過諗諗吓，做人其實都真係要be humble，扮勁真係無jet so，好似spider man個case，能力越大，責任真係會越大架。例如有d人成日眼紅人地，當其他人都勁贊其他有缺憾嘅偉人嘅豐功偉業嘅時候，又話我都得啦，講吓講吓如果下一世真係輪到你有d咁嘅缺憾嘅時候先後悔就真係太遲喇。相反我真係更加希望平平淡淡咁過一生就算，唔駛話家財萬貫，才高八斗，只要日日有一餐溫飽，同屋企人生活得開開心心，我就心滿意足喇。

遇見未知的自己
佢裡面有講到，叫我地要多d留意自己嘅身體，對於唔同嘅情緒，作出一d咩嘅返應，其實果d就係身體想比我地嘅signal，收得signal就梗係有嘢要話比我地聽啦。如果我地成日唔理佢，身體就會慢慢出現更大嘅問題，所以有時唔好話唔知自己點解咁多病痛，又唔好問點解成日病極都唔好，原來係自己一路做左好多唔應該做嘅事。相返咁講，想身體好d，就多d留意自己個身體，就算係好細微嘅返應，都應該多加注意。

渚渟 vs 鶴雅

尋晚同個friend傾開北海道嘅溫泉酒店，佢話阿寒湖嘅鶴雅好正，基本上我都同意，但係我就話我鍾意函館嘅渚渟多d。其實真係各有千秋，我嘅statement只不過係想作為一個開端，可惜啱啱地鐵到站，不能再作補充，唯有响呢個blog入面再作詳細嘅補充。

無錯，如果單單睇店房間以至大堂嘅裝修，食物嘅美味程度，服務員嘅水準，都係阿寒湖比較好。

好似房間咁，鶴雅真係又大又靚。淨係個玄關都有渚渟間房一半咁大，另外仲有一個聽，聽入面仲有一張我成個人訓落去之後仲有位淨嘅sofa添。淨係個睡房亦比東京好多酒店嘅成個房間仲要大 ，佢嘅single bed仲大張過東京好多哂店嘅double bed。仲未計佢沖涼有一間房，開大小二便嘅又有另一間房，連化妝梳洗都分開另一間房添，真係大到無人有。最正嘅就係房間入面仲有免費嘅阿寒湖水提供，d水真係甜到唔識講，唔飲過唔會知咩叫清甜。大堂亦係超靚，一入到去就成個人都精神爽利，有一種好Grand嘅感覺。早餐同晚餐都係buffet，款式多到震，仲要係樣樣都咁好食添，我真係未試過响日本酒店食得咁滿足。服務員嘅水準簡直一流，又識講英文，佢地仲要响餐聽特別安排一個中國人嚟serve我地添，他鄉遇故知，真係唔同風味。當然個服務員仲好詳細咁介紹d食物，我地臨離間餐廳佢仲跑出嚟送我地走添，呢d服務真係邊度都搵唔到。但係對我嚟講，最遺憾嘅地方就係我miss左佢地個selling point。。。就係佢地個超正露天溫泉。。。。詳細可以去我個第七日遊記睇吓，而且佢地個溫泉真係好。。。涷，唔通有人好似師兄咁响做溫泉度做healing？？？唔會呱。。。Anyway，間酒店大至上係咁。但係附近就真係無咩活動囉，我係指阿寒湖果區比較少活動嘅地方，只可以行一條好短嘅街，或者坐吓船咁，之後就無其他嘢玩喇。。。

相反，渚渟雖然間房細好多，但係個溫泉真係好夠熱，而食物方面亦幾唔錯，當然唔係講個buffet，而係講包左果個懷石料理。服務我就覺得佢地比較熱誠，有個上左年紀嘅經理，我估佢嘅英文係全間酒店最好嘅，起碼我地溝通一d問題都無。每一次見到佢，佢都會主動過嚟問我地有無雖要幫手嘅地方，亦會好主動咁介紹唔同嘅景點，仲會好比心機咁教我地點去添，真係無得頂，淨係呢樣已經攞滿分。而且函館真係比較多觀光嘅景點，所以我比較鍾意呢個地方。我就係因為上面嘅原因，所以比較鍾意渚渟喇。

不過可能响阿寒湖過多兩日會有唔同嘅諗法都未定，因為阿寒湖都幾近釗路，去龍上町啊，上湧別町啊咁都唔係太遠，亦可以過去道東其他地方咁，不過一切都要等我真正去過先知。所以話配套都幾緊要架，其實有一樣嘢，就係由始至終，個服務員都無埋過嚟介紹景點，可能我就係因為呢樣嘢而唔高興都未定。。。講開又講，鶴雅嘅服務員雖然係pro d，但係就比較冷，即係cool，或者可以講無咁平易近人囉。。。而且佢地嘅客路都係比較。。。年紀大，我望埋去都應該我地係最後生果批，個個客望埋去無五十都有四十幾。。。搞到我地有少少好似格格不入咁。。。亦可能因為咁，佢地先會咁cool。。。

我的能量書

好快咁又睇完左沈嶸果本＂我的能量書＂，資料都有唔少，都係唔係太啱我睇，所以後半部我都飛住嚟睇。

佢入面有講咩叫制約數（即係你嘅出生日子再加月份），同生命靈數唔同嘅地方係，制約數字會影響到人的思考指令同處事態度，詳細可以睇佢本書。

另外佢都有講同人發生性關係，會間接產生共業，呢樣嘢之前alan都有講過。不過佢比較詳細，亦有教破解方法。我唔係鼓勵one night stand啊，不過都幾特別，其實都可以，當你同其他人嘅氣場，黐埋一齊嘅時候，用嚟分返開佢。幾時會黐埋？就係當你幫人做healing又唔記得cut返個關係嘅時候囉。

方法就係：－
１。選一個早上，開哂所有窗，等空氣流通。
２。準備一個圓柱形藍色蠟燭同線香（唔係用嚟拜神果d）。
３。開哂所有燈，揀一度清靜嘅地方，席地而坐。
４。將蠟燭同線香响面前點著，觀想某人走遠嘅畫面。
５。口中默念著：［我祝福某某某，並請某某某離開我嘅身體］。
６。一路念到個心感覺平靜為止。
７。起身將蠟燭移至桌上持續燃燒。
８。將燃燒嘅線香繞行身體四周，清除沾附的能量。

Thats it.

Last一樣我想講嘅就係命運，作者其實都識紫微斗數，佢話人嘅命格各有好壞，但係無一個人會全部都好嘅，好似有錢人咁，佢地嘅婚姻運多數都唔係太好。呢樣嘢我都信，個天係好公平嘅，唔會有人科科一百分。而且，一個人嘅命運骨架係無辦法改變，但係如果你可以了解你嘅命盤，咁就可以針對你嘅壞星（多數係你性格上面嘅弱點），如果改善到自己嘅弱點，自然可以創造命運，因為性格決定命運，呢句我都幾同意。

而呢一本書有一個我估唔到亦不明所以嘅特點，就係裡面好多作者嘅生活照，大概每五頁一張左右啦，真係諗極都唔明點解？係一個賣點？我又唔係好覺，因為佢又未至於話好sharp。。。定係想令到本書嘅厚度大大增架呢？？？

我個人就只係有一個感覺，就係唔＂環保＂。。。

第一張Angel Card

返到屋企好心急咁抽左我第一張Angel Card，係Merlina：－

"You are confused and indecisive because you do not have enough information. Do research or seek expert advice before making a decision."

Additional Message: "You have felt like you are chasing your tail, looking at this option, then that option. This indecisiveness is exhausting you, dear one! The reason why you're confused is that you do not have enough information to make an informed decision. Your choices appear too similar right now, but once you conduct additional research, your decision will become more clear.

"First, begin by asking God and the angels to enter your dreams and give you more information. Then, ask your feelings to give you guidance. This means imagining what it would feel like to make this decision. Then, imagine what it would feel like to make the other choice. Go deep within, and notice how your body reacts as you try on the different options. If your gut or jaw tightens, this is a sign that something isn't right. If your heart flutters with warmth, this is a sign that you are on the ight path. Before making your final decision, seek the counsel of wise friends and teachers whose experience and intuition can guide you."

咁啱抽之前我又諗過Angel Card好定搭羅好。。。等我試吓先，睇吓angel會唔會入我個夢先。