焚唱練習後感

學完焚唱已經有一段日子，可能自己有少少懶，又可能我每一次可以練習的時候，家中各人其實已經進入夢鄉，所以真的很少很少練習．而我多數練習焚音的地方亦真的有點奇怪，因為我多數也是在電腦房裡練習焚音的，原因有四：－

一來電腦房有很多電腦，散熱用風扇的噪音著實不少，在這麼多聲音的地方我很像比較容易發出焚音．二來電腦房一般亦不會有多少人，而且加上那些噪音，就算有其他人在場，他們亦不太能聽到我在唱什麼．．．再者setup多數有不少時間是在等電腦工作，等待的時間真的有點無聊，這正正就是好好的練習機會．最後，可能以上三種原因的加總，令到我唱得特別放，亦特別free，所以都唱得幾輕鬆幾enjoy．

Anyway，今次練習班本來不太有感覺，只是在合唱時有一種很奇怪的感覺，感覺自己一度置身於水面之上．．．不過最精彩莫過於最後九煲一，即是九個人對著一個人唱，唱的時候只是感覺熱，不過唱完後我生平第一次清晰地見到光，我看到我們十個人也好像被一層淡紫色的光包圍著，而且我們各人也好像是閃閃發光的，真的很神奇．．．但是那一層光亦退得很快，差不多在分享完結的同時，光就已經完全退去．不過我們各人還是有一點點閃閃發光，各人的面色亦很光亮．．．最開心的是被我們治療的對象，真的完全能夠接收到我們的治療，在治療後兩日內仍然相當精神．

練習過後同朋友傾談當中才知道，原來也有其他朋友跟我一樣，不太會分什麼是焚音，好彩有其他朋友真的明白什麼是焚音．經她解釋後，我才發現原來一路以來，我其實也不太能掌握焚音．．．真的希望不久將來，我能夠好好地掌握焚音這一門治療技術，因為經過九煲一治療之後，我才明白這個治療若果做對了，效果不比其他healing慢，治療的深度亦不比其他healing少，如果可以適當地加進我日常的治療中，說不定可以加快治療的效果．

七月.....真係有嘢架.....

尋晚我訓到半夜突然全身都唔郁得，就連個口都唔郁得，本來我每隔一排都會發生，無咩特別。但係今次我開眼想睇下咩事，點知比我見到一個好似紙牌(2D)，黑色，塊面無咩detail架，好似係卡通公仔頭，之後仲聽到"唔"一聲。當然有d驚啦，話哂都係第一次，又無expect會見到，係咁心裡面諗叫佢唔好搞我，又諗起師父，好想有人救，當然隻嘢無理我繼續搞我啦。

之後我試郁睇郁唔郁到，發現我兩隻手腕都郁到少少，我就係咁兩隻手一齊做chokurei，心裡面都係咁諗chokurei，但係好衰唔衰，我隻左手方向錯左，之後就覺得兩隻手好似比按得好實咁，仲實過之前。

之後就難郁左好多，但係我無放棄chokurei，因為佢似乎唔係好鍾意chokurei。今次右手先做chokurei，做左五六次左右，隻右手就開始郁得。即係有效，咁就梗係左手都做啦，可能單手會做得好d唔會錯方向，又係做左五六次左右就全個人都郁得返哂。

唔好講笑就梗係馬上吹幾個波波保護吓先啦。

其實之前都發覺阿B耐唔耐都會有少少好似比人嚇一跳咁，而家就少左好多。仲有幾日前，我想返房關門，點知我都未掂度門，度門就自己好快咁向住我咁郁，我一手就捉住度門，之後就感覺到有d風(?)經過我個身。我仲以為係有風，不過我都無開窗？仲不以為意添。

其實咁多次夾夾埋埋，係唔係話我間屋即係有啊？

同師兄師姐請示，佢地就教我點香清下場咁，可惜我無香。。。好彩mondi師姐話下個星期一會讓d香比我，真係唔記得講多謝添。emily師姐就叫我唔好交流同埋唸吓心經。。。吓，佢＂唔＂左我，所以我叫佢唔好搞我，都算同佢交流左添。。。

Terry師兄仲話七月有機會返嚟討債？？唔係呱，唔好嚇我先得架。佢就叫我rei下角落頭，同埋買d sage開水洗屋。死喇，都唔知咩係sage，不過等我rei下d角落先。

Elaine師姐就教左我同佢傾吓，叫佢唔好搞我，等我如果今晚見到佢同佢傾下講下數先。唉！大吉利士。

不過諗返轉頭，尋日唔知點解突然好想嘔，成日都係咁，仲以為今日會好返，點不知一返到屋企就頭痛添。。。

又比我搵到個Resonance Site，竟然有d怪聲(沙沙聲)，聽左之後就唔痛，可惜一聽完又痛過。