中醫collection

一路以嚟，我都係信中醫多過西醫好多，主要係唔完全認同西醫嘅方向，當然係唔認同多過認同啦。唔認同佢地嘅頭痛醫頭，腳痛醫腳。唔認同佢地嘅治標唔治本。唔認同佢地嘅病症分類。唔認同佢地嘅殺傷性療法。只係認同佢地响檢驗上面嘅精神，但係仲係覺得有好大好大嘅改善空間。

中醫方面，當然我個人係非常之咁相信。佢嘅理論，博大精深。治病求於本嘅精神，更加係做人做事原本就應該有嘅精神。佢地對身體嘅分析，更加係後人／西方到現今都仲未追得到地方。例如，中醫嘅心，並唔係單單一個心臟，而係一個系統，所以中國人成日話咩心想事成／心知肚明，而呢樣嘢鬼佬只會笑話＂心唔會識想架＂，佢地笑係因為佢地都唔明咩先至係中國人講嘅心。又例如好簡單嘅一個便秘，西醫一定幫人瀉就算，但係中醫就會幫你搵出原因，便秘除左可以瀉之外，其實仲可以用補氣嘅方法，而究竟係補定瀉就要視乎病因。更唔好講我地成日見嘅咳，原來中醫嘅咳有N種原因，佢嘅理論係每一個臟腑都會搞到你咳，要醫就要先睇吓到底係邊個臟腑出事，之後仲要睇果個臟腑究竟係出左咩事先可以醫到。就算搵到哂咩原因，亦都再要細分究竟係點醫。因為中醫都有好多唔同嘅派別，有d派別係主將用瀉／下，有d就主將用補。就算補都有分溫補，定唔知點補（我真係唔知，哈哈）。再難d講，就算同一樣補法，响唔同嘅地方或者唔同嘅季節，响用藥嘅份量，甚至用藥嘅組合，都會有少少唔同。真係好難一概而論，一定要倚靠經驗。你問我／或者好多現任嘅中醫，佢地都好難答得出，到底有幾多唔同嘅派別。

呢個亦都係點解好多人話中醫唔得嘅原因，因為中醫辨症之難，真係唔係講笑。其實好易會辨錯症，就算辨症無錯，都會因為各人體質唔同，而用錯方向。我所指嘅錯，其實唔係話用錯藥果d，而係用左一d無咁有效嘅方法，以至影響到醫療嘅成效，亦即所謂嘅同個中醫夾定係唔夾。

我個人都試過唔少嘅中醫，當中有一至兩位我都覺得幾勁，想响呢度同大家介紹吓：－

羅輝
診金$60，响天后流離街。
佢最出名就係醫cancer，好多楂benz，甚至見過楂rolls嘅嚟搵佢睇。你問佢佢就會話你聽佢嘅威水嘢，好似話以前有個出名嘅風水命理大師，本來西醫話佢得返幾個月命，點知經佢手，當然係幾年都唔死得啦。

尤方圃　
診金$60
佢除左係用藥粉（which我真係覺得好方便）之外，仲識針灸。唔講你唔知，用針灸醫感冒真係好effective架，針完之後，個頭果d症狀差不多馬上消失。佢醫婦女PMS嘅病亦真係幾得架添。另外佢亦會幫人做三伏天，香港我個人就唔係識好多地方有得做（浸會有得做，不過一定唔係咩professor幫你做，有個friend做完個comment唔係咁好）。想知三伏天係咩？上google或者yahoo search，大把資料比你睇，簡單d講就係用全年最熱嘅三日，幫你處理一d好難搞嘅病。有一樣嘢要知嘅，就係想做三伏天要早少少make appointment，因為真係幾full，而且三伏天果幾日，尤醫師一般都係比較忙，如果想搵佢睇病（唔係做三伏天），可能就要打個電話問吓佢仲睇唔睇症先得。

另外，我亦不斷响唔同嘅朋友，得到唔少有名亦佢地試過幾work嘅中醫，想响呢度向大家分享一吓：－

馬漢洲　
佢收$100診金，執藥就在樓下
只睇星期一至五，四時至七時，三點半至四點要去登記先
好多人去睇，好勁！有個鼻咽癌嘅friend去睇，佢話佢識個人仲嚴重過佢，不過睇完三次都開始有信心唔去做化療，亦見唔少有cancer嘅病人比佢醫好返嚟多謝佢。我個friend極力推薦，因為馬醫師就連過度活躍症嘅小朋友都醫得好，呢樣嘢無論對中西醫嚟講都係一個挑戰。醫得方面亦絕對無問題，見過有個人去睇吓點解訓得唔好，佢把完脈就覺得無理由，因為從脈象上去睇，點都唔會訓得唔好，於是馬醫師就問吓個病人睡房嘅環境，竟然佢連風水都識，仲要幫個病人執完之後連診金都無收到。以前佢仲教埋氣功添，不過見太多病人無恆心，搞到佢心都灰哂，所以而家佢都無再繼續教。

秦鴻教授
有兩個診所，最好打過電話去先
彎仔31885588
油麻地23846242
好似話135响油麻地，246响彎仔
聽講有個case係，佢用針灸成功令到一個唔識行嘅人行得返。

鄭啟明
裕民大廈九樓c,北京國際針灸診所, 2790 4282
診症時間：星期一至五 （09:00～13:00，14:00～18:00）
　　　　　　 星期六 （13:00～17:00）
　　　　　　 星期日 （13:00～16:00）
聽講話佢醫好左鄭海泉，仲成日去外國嘅seminar講嘢添。佢亦有開氣功同針灸班，價錢都唔係貴，不過我學左reiki就唔駛啦，哈哈。


希望以上嘅資料，可以幫到大家。如果有咩錯或補充，請email我或留comment啦。

藉口

我前晚幫我老婆做 healing ，我幫佢貓爪嘅時候，幾實在．而我掃佢個氣場，就發覺佢係外圍氣場比較需要，所以我主力係幫佢做外圍氣場．我做完之後，佢就話好放鬆，好想訓，問我點解．．．其實我真係唔識解，不過就同佢講，好多人都會咁，好似外母都係啦，而且可能你訓得唔好，係需要訓多d，所以比我做完咪好想訓囉．我聽過最過癮嘅形容係”你d咩邪功嚟架？ 點解次次幫我做完都咁眼訓嘅．．．”．Anyway，佢其實都唔完全信，仲話坐左咁耐，梗係想訓啦，不過佢自己後來都講：”又唔係喎，好多時坐响度好耐都唔會想訓到咁架喎”，我一路幫佢做，佢仲問我：”你係咪做梗架，咁遠都得？一唔係就停左响度，郁都唔郁咁，係唔係响度吞pop．．．”．其實我見佢咁辛苦，咪幫佢做哂咁多層嘅小周天囉，梗係郁都唔郁啦．．．不過唔緊要，最緊要係幫到手，我信有咪得囉．其實佢唔信都唔怪得佢，就連我自己有時都信心不足，又點可以怪人呢．．．

再者， 一路以嚟，師兄其實都不斷重複，level 1同level 2學嘅嘢好重要．當時其實唔係太明白點解，仲要比藉口自己，話”始終都未上過高level，又點會體驗到呢？”上完level 3之後無耐，開始有少少同意．事原係我上次sit-in level 1，師兄都話我底輪好塞，要多d清，當時就覺得師兄好勁．後來先發覺，原來其實自己都應該要識，唔係要贊人勁，反而要問自己點解學唔識．．．當然，師兄亦真係好勁，不過只係有d基本嘢我地應該係要識．

之後嘅日子，竟然仲有少少懶添．淨係一個星期幫自己清三次，仲係只用七輪經脈嚟清，貪佢夠快吖嗎．但係一路以嚟，都係無咩進展，所以之前先至話，開始無咩信心．

前晚同師兄再三double check，先知原來自己真係好懶．其實應該晚晚幫自己清，七輪經脈當然要做啦，但係最好都要加埋貓爪，集中底輪同塞得勁嘅地方．於是的起心肝，先玩七輪經脈清，之後就掃下自己氣場，其實都係信心唔大．不過竟然比我有發現．發現原來自己下三輪個氣場真係好實，特別係底輪添．知道左就梗係要做嘢啦，試吓用貓爪係咁爪，由喉輪開始落，每個輪位起碼爪三幾分鐘，塞嘅就做耐d．做完其實都無話有咩感覺，不過做完meditation就發覺．第一，個人易左靜落嚟．第二，一路meditate，一路覺得個身慢慢放鬆， d骨係咁咯咯聲 ．第三，meditate之後，隻腳竟然有鬆左嘅感覺添，好正．

其實，掃氣場啊，貓爪咁，都係level 2已然學左．以前自己唔做，係因為成日覺得無feel，搞到都唔知點做好，好似老鼠拉龜咁，失去哂信心．於是就當然係將學左嘅嘢，放埋一邊就當學唔識，仲要比個藉口話自己唔識，好似理所當然咁．．．經過前晚之後，就發現唔識先要練多d．好似尋晚咁，開始掃到自己個氣場，邊度實，邊度鬆．貓爪仲勁，開頭同老婆做已經覺得爪到少少嘢，後來同自己爪，越爪越實在，爪到太陽輪開始，一路到底輪都好實在咁爪到 d 嘢出嚟添，果種滿足感，真係好難形容．

經過前晚，又好似有少少進步，比到多dd信心自己，再加倍努力，希望早日學有所成，真係可以幫到親朋戚友啦．

上簽 Yeah!

今日老婆上大佛順便幫我求左支簽，佢幫我抽到第四十五簽仁宗遇仙，係一支上簽，Yeah！

佢自己同個仔都抽到第十三簽羅通拜師，係一支中簽，都唔錯架。

果然心想事成，Yeah！順便都祝大家心想事成，萬事勝意，身體健康，最緊要學業進步。

讓沉默說法

睇完趙來發本讓沉默說法，真係覺得呢個世界上面，原來有好多人都唔簡單，佢識見之廣，我真係望塵莫及，唯有努力學習。

呢本書主要係介紹唔同嘅印度靈性老師嘅教誨，從而達到開悟，可惜，內容似易實難，真係唔太明白。當然亦好難寫出任何精粹，只可以重點介紹。關於問悟，個人感覺，開悟同佛家嘅教誨有少少相似／關係，好似我非我咁，同佛家講嘅好似。

不過佢帶出一點，就係開悟唔係靠跟任何一個宗教，因為宗教只係法，亦即係開悟嘅途徑，理論上你可以跟隨唔同嘅宗教得到開悟，但係開悟就係開悟。

除左大量關於開悟（其實我都未係好明咩叫開悟）嘅教誨，仲有唔少介紹偉大靈性老師嘅文章，包括Papaji，Sri Ramana Maharshi，Osho，Nisargadatta。最估唔到嘅，就係連大魔頭麻原彰晃都有介紹。不過佢對Osho嘅評價都幾負面多，當然我唔係好知Osho嘅為人以及事跡，所以不以至評。

因為書入面都有唔少偉大靈性老師嘅教誨，而且佢介紹嘅（差不多）所有靈性老師都已經不在人世。如果我嘅理解無錯，我覺得唔係太似一本Guru Shopping Guide，返而以係Introductin to New Hinduism/Guru。

最後有一點問一提嘅就係唔知點解，果兩個靈性老師Sri同Papji都係死於cancer，理上上佢已經開悟，無理由會生cancer架？因為cancer嘅主因多數都係同情緒有關架。。。

補充

其實因為之前實在太懶，所以好多書評都有唔少嘅遺漏嘅地方，在此我想為各書評遺漏嘅地方做一d小小嘅補充：－

我的能量書
佢有幾個地方我覺得如果佢再further elaborate，呢本書會好睇好多：－

直覺嘅訓練：書入面有提到如何訓練直覺，不過真係皮毛得很。
從氣場提高感應力：書入面提到可以從人嘅氣場，得知好多重要資料，但係從來無深入探討。

相反地，後半part比前半part悶得多，可能都有唔少有用資料，不過我真係無咁多心機，慢慢從一d咁悶嘅chapter入面搵一d有用嘅資訊。如果可以減少後半part嘅落筆，反而再响前半part唔同嘅地方（好似上面提到果兩點），再詳細作進一步嘅探討，我會比較鍾意睇呢本書。

家密宗與東方神秘學
唔講唔知，原來印度嘅方言係有唔同嘅發音標準，我地出生响香港嘅真係無辦法理解，因為都唔會有香港音同九龍音。。。亦即係話要諗標準嘅梵文咒音，如今已經係天方夜譚，因為你根本唔可以追溯返，個咒音原本係用南印定係北印嘅發音做標準。。。

坦白講，睇完呢本書，我對密宗就覺得更加神秘，莫講話起原，就連有幾多種唔同嘅密宗，我都唔係好知。不過佢提到密宗嘅身口意，呢樣嘢都對我呢d門外門漢有唔少嘅幫助，起碼我知道唸咒嘅時候，意識原來會影響到個效果，而且原來意密係好重要架添。

細胞記憶
原來身邊嘅親戚，朋友，甚至係同事，都有可能响前世，係同佢有相似嘅關係，可能只係角色唔同左而已。而人出生嘅目的，原來係要為左做好，自己出生前所定下比自己嘅功課，好似做好呢份功一樣。唔怪得生命密碼都幾準啦，唔好講話紫微斗數添，差不多每一日嘅日程都原來係早有編排。真係唔好浪費光陰，唔係到畢業（死）嘅時候，唔合格就唔好啦。等我當年後生嘅時候仲話自己有大把光陰添，原來不知不覺間，我已經搞到自己嘅成績表通通肥佬都唔知添，而家要急起直追先得喇，唔知攞得高份有無奬品呢。。。

其實之前都同一d會通靈嘅網友傾過，佢地都有相似嘅形容，只不過都未係好相信咁啫，知得當時就問吓佢地啦。不過諗諗吓，做人其實都真係要be humble，扮勁真係無jet so，好似spider man個case，能力越大，責任真係會越大架。例如有d人成日眼紅人地，當其他人都勁贊其他有缺憾嘅偉人嘅豐功偉業嘅時候，又話我都得啦，講吓講吓如果下一世真係輪到你有d咁嘅缺憾嘅時候先後悔就真係太遲喇。相反我真係更加希望平平淡淡咁過一生就算，唔駛話家財萬貫，才高八斗，只要日日有一餐溫飽，同屋企人生活得開開心心，我就心滿意足喇。

遇見未知的自己
佢裡面有講到，叫我地要多d留意自己嘅身體，對於唔同嘅情緒，作出一d咩嘅返應，其實果d就係身體想比我地嘅signal，收得signal就梗係有嘢要話比我地聽啦。如果我地成日唔理佢，身體就會慢慢出現更大嘅問題，所以有時唔好話唔知自己點解咁多病痛，又唔好問點解成日病極都唔好，原來係自己一路做左好多唔應該做嘅事。相返咁講，想身體好d，就多d留意自己個身體，就算係好細微嘅返應，都應該多加注意。

渚渟 vs 鶴雅

尋晚同個friend傾開北海道嘅溫泉酒店，佢話阿寒湖嘅鶴雅好正，基本上我都同意，但係我就話我鍾意函館嘅渚渟多d。其實真係各有千秋，我嘅statement只不過係想作為一個開端，可惜啱啱地鐵到站，不能再作補充，唯有响呢個blog入面再作詳細嘅補充。

無錯，如果單單睇店房間以至大堂嘅裝修，食物嘅美味程度，服務員嘅水準，都係阿寒湖比較好。

好似房間咁，鶴雅真係又大又靚。淨係個玄關都有渚渟間房一半咁大，另外仲有一個聽，聽入面仲有一張我成個人訓落去之後仲有位淨嘅sofa添。淨係個睡房亦比東京好多酒店嘅成個房間仲要大 ，佢嘅single bed仲大張過東京好多哂店嘅double bed。仲未計佢沖涼有一間房，開大小二便嘅又有另一間房，連化妝梳洗都分開另一間房添，真係大到無人有。最正嘅就係房間入面仲有免費嘅阿寒湖水提供，d水真係甜到唔識講，唔飲過唔會知咩叫清甜。大堂亦係超靚，一入到去就成個人都精神爽利，有一種好Grand嘅感覺。早餐同晚餐都係buffet，款式多到震，仲要係樣樣都咁好食添，我真係未試過响日本酒店食得咁滿足。服務員嘅水準簡直一流，又識講英文，佢地仲要响餐聽特別安排一個中國人嚟serve我地添，他鄉遇故知，真係唔同風味。當然個服務員仲好詳細咁介紹d食物，我地臨離間餐廳佢仲跑出嚟送我地走添，呢d服務真係邊度都搵唔到。但係對我嚟講，最遺憾嘅地方就係我miss左佢地個selling point。。。就係佢地個超正露天溫泉。。。。詳細可以去我個第七日遊記睇吓，而且佢地個溫泉真係好。。。涷，唔通有人好似師兄咁响做溫泉度做healing？？？唔會呱。。。Anyway，間酒店大至上係咁。但係附近就真係無咩活動囉，我係指阿寒湖果區比較少活動嘅地方，只可以行一條好短嘅街，或者坐吓船咁，之後就無其他嘢玩喇。。。

相反，渚渟雖然間房細好多，但係個溫泉真係好夠熱，而食物方面亦幾唔錯，當然唔係講個buffet，而係講包左果個懷石料理。服務我就覺得佢地比較熱誠，有個上左年紀嘅經理，我估佢嘅英文係全間酒店最好嘅，起碼我地溝通一d問題都無。每一次見到佢，佢都會主動過嚟問我地有無雖要幫手嘅地方，亦會好主動咁介紹唔同嘅景點，仲會好比心機咁教我地點去添，真係無得頂，淨係呢樣已經攞滿分。而且函館真係比較多觀光嘅景點，所以我比較鍾意呢個地方。我就係因為上面嘅原因，所以比較鍾意渚渟喇。

不過可能响阿寒湖過多兩日會有唔同嘅諗法都未定，因為阿寒湖都幾近釗路，去龍上町啊，上湧別町啊咁都唔係太遠，亦可以過去道東其他地方咁，不過一切都要等我真正去過先知。所以話配套都幾緊要架，其實有一樣嘢，就係由始至終，個服務員都無埋過嚟介紹景點，可能我就係因為呢樣嘢而唔高興都未定。。。講開又講，鶴雅嘅服務員雖然係pro d，但係就比較冷，即係cool，或者可以講無咁平易近人囉。。。而且佢地嘅客路都係比較。。。年紀大，我望埋去都應該我地係最後生果批，個個客望埋去無五十都有四十幾。。。搞到我地有少少好似格格不入咁。。。亦可能因為咁，佢地先會咁cool。。。

我的能量書

好快咁又睇完左沈嶸果本＂我的能量書＂，資料都有唔少，都係唔係太啱我睇，所以後半部我都飛住嚟睇。

佢入面有講咩叫制約數（即係你嘅出生日子再加月份），同生命靈數唔同嘅地方係，制約數字會影響到人的思考指令同處事態度，詳細可以睇佢本書。

另外佢都有講同人發生性關係，會間接產生共業，呢樣嘢之前alan都有講過。不過佢比較詳細，亦有教破解方法。我唔係鼓勵one night stand啊，不過都幾特別，其實都可以，當你同其他人嘅氣場，黐埋一齊嘅時候，用嚟分返開佢。幾時會黐埋？就係當你幫人做healing又唔記得cut返個關係嘅時候囉。

方法就係：－
１。選一個早上，開哂所有窗，等空氣流通。
２。準備一個圓柱形藍色蠟燭同線香（唔係用嚟拜神果d）。
３。開哂所有燈，揀一度清靜嘅地方，席地而坐。
４。將蠟燭同線香响面前點著，觀想某人走遠嘅畫面。
５。口中默念著：［我祝福某某某，並請某某某離開我嘅身體］。
６。一路念到個心感覺平靜為止。
７。起身將蠟燭移至桌上持續燃燒。
８。將燃燒嘅線香繞行身體四周，清除沾附的能量。

Thats it.

Last一樣我想講嘅就係命運，作者其實都識紫微斗數，佢話人嘅命格各有好壞，但係無一個人會全部都好嘅，好似有錢人咁，佢地嘅婚姻運多數都唔係太好。呢樣嘢我都信，個天係好公平嘅，唔會有人科科一百分。而且，一個人嘅命運骨架係無辦法改變，但係如果你可以了解你嘅命盤，咁就可以針對你嘅壞星（多數係你性格上面嘅弱點），如果改善到自己嘅弱點，自然可以創造命運，因為性格決定命運，呢句我都幾同意。

而呢一本書有一個我估唔到亦不明所以嘅特點，就係裡面好多作者嘅生活照，大概每五頁一張左右啦，真係諗極都唔明點解？係一個賣點？我又唔係好覺，因為佢又未至於話好sharp。。。定係想令到本書嘅厚度大大增架呢？？？

我個人就只係有一個感覺，就係唔＂環保＂。。。

第一張Angel Card

返到屋企好心急咁抽左我第一張Angel Card，係Merlina：－

"You are confused and indecisive because you do not have enough information. Do research or seek expert advice before making a decision."

Additional Message: "You have felt like you are chasing your tail, looking at this option, then that option. This indecisiveness is exhausting you, dear one! The reason why you're confused is that you do not have enough information to make an informed decision. Your choices appear too similar right now, but once you conduct additional research, your decision will become more clear.

"First, begin by asking God and the angels to enter your dreams and give you more information. Then, ask your feelings to give you guidance. This means imagining what it would feel like to make this decision. Then, imagine what it would feel like to make the other choice. Go deep within, and notice how your body reacts as you try on the different options. If your gut or jaw tightens, this is a sign that something isn't right. If your heart flutters with warmth, this is a sign that you are on the ight path. Before making your final decision, seek the counsel of wise friends and teachers whose experience and intuition can guide you."

咁啱抽之前我又諗過Angel Card好定搭羅好。。。等我試吓先，睇吓angel會唔會入我個夢先。

angel card

終於都去左買Angel Card，搵返個friend幫我抽果張咭，原來真係arielle，果然無記錯。咭嘅content係：－

"New Psychic and spiritual experiences are changing the way you view the world and yourself. Allow your spiritual gifts to open-through study, prayer, and meditation."

Additional Message: "It's not your imgaination. You really are psychic, and you have connected with the spirit world. These mystical experiences are occurring due to your increased spiritual openness, and because you have asked about your angels and your life's purpose. I am part of a large group of angels assigned to help those of you who have spiritual gifts. We will send you additional Earth helpers in the form of spiritual teachers, books, and classes so that you may further open up to your spiritual abilities.

"Please don't be afraid of your gifts. Although you may have been teased or punished for being psychic in your childhood or past life, we can help you heal any fears that you may have about being psychic or spiritually gifted. Just ask for our help, and it is given.

"The earth needs your help right now. We ask that you regularly send the Divine love and light within you toward those who need it most. Simply hold the intention of sending beams of loving energy toward any place, plant, animal, person, or situation, and it is done. We thank you for your Earth angel assistance."

原來唔係比case我，係比class我，咁都無咁驚。。。

灘牌後記

之前講過，發左老闆老脾，同老闆灘牌，之後果一朝佢都無so我，連望都唔望我一眼．本來諗住佢係嬲梗我，點知真係估佢唔到，原來佢反而係怕我嬲佢，真係始料不及．我本來無主動同佢講嘢，因為諗住佢多多少少，都應該會有少少嬲（因為我一發起老脾都唔少嘢架）．點知我一同其他同事講嘢，佢即該乘機加把口，仲係要我搭果隻添.我本來就係無嘢，梗係搭佢之餘仲玩吓佢添啦．唔好誤會啊，佢都幾nice架，玩吓佢即係同佢開吓玩笑咁啫，亦即係示好咁囉．而家佢對我嘅態度，竟然仲friendly過以前．所以有時d嘢都係早講好過遲講，有咩不滿，不訪講左出嚟先，萬大事可能係有商量嘅餘地．

其實我個人覺得，大家可以一齊做同事，仲要都唔少時間，亦即係證明大家有綠，所以幫得嘅就幫，Why not交個朋友呢？所以好多時，我都會同公司嘅同事做成朋友架，除非好短時間就另計啦．

舊夢－２

唔好誤會，呢編同之前果編＂舊夢＋灘牌＂係完全無關係嘅，呢編只係兩個响N日前發左嘅舊夢，但係又因為種種嘅原因（最大嘅原因就梗係懶啦），而唔記得寫返出嚟。

話說响N日前，我發左咁樣嘅一個夢。夢境裡面，我見到我自己有一堆好靚嘅木，d木有d似模型舖買到嘅飛機木咁，但係個size就好鬼大吓，似真係比私人飛機用嘅多d。但係當我行近d睇，d木好似只係表面靚，裡面唔係好得咁。如果我無記錯，我行近其實都睇唔到裡面有咩事，只係一種感覺。

個夢就咁完左。而我當然馬上放左我手上，一d關於木嘅股票啦，原因遲少少會講。嘩，唔到你唔信，隻股票真係跌左十個percent有多。。。

再N日之後，我又發左個夢。夢境裡面，我放左一隻股票，夢入面有講係咩no架，不過一訓醒就唔記得左。Anyway，點不知放完之後，就見成個大市都升，而我放果隻股票當然都有升啦。夢入面嘅我亦當然好唔開心啦，而個夢亦响呢度完左。但係今次我咩都無做，因為唔知道個no，就唔知佢想叫我唔好放邊一隻股票吖，定係叫我唔好放任何股票呢？仲以為咁就無事添。。。。點知，我之前放果隻股票，竟然升返幾十個percent，今次就搞到現實嘅我好鬼唔開心，明明就話左比我聽，點解我咁蠢relay唔到呢兩件事呢。。。

其實發夢同我嘅股票表現有關，早有前科，事原係好N日前，我又發左一個夢，夢入面見到我個電話爛左。訓醒左就算，點知原來係話比我聽，叫我放左電話related嘅股票。就係因為我無理到佢，隻股票就跌左十個percent有多，所以今次我先會做嘢咋。只不過衰在最後果次自己會錯意，如果唔係就好喇。。。

瀕死的小強

咋夜在廚房碰到一隻瀕死的小強，見佢咁慘，於是我就送左佢一程。之後就馬上幫佢念三編心經咁。但係啱啱送完佢一程之後，個人就馬上好唔舒服。

唔舒服嘅感覺包括有，暈，想嘔，腳軟啊咁。當中仲有一d唔知點形容嘅感覺，總知個人就好唔舒服啦。不過我都繼續念心經迴向，希望佢可以早日脫離下三道嘅命運啦。

之後我竟然唔記得銷返七輪，好彩都差唔多訓。訓之前都有做七三練習，練習完當然都有銷返七輪咁，希望唔會太遲啦。

舊夢 ＋ 灘牌

N日之前，發左一個夢，夢嘅背境係公司，人物就全部都係同事。為左保障佢地嘅個人私隱，我將會全部用代號。個夢係咁嘅：－

話說，有一個貍貓人，佢要求上等人，要佢安排兩個人坐入一架，原本係比一個人坐嘅火箭。上等人當然就唔知點算啦，粒聲唔出就行開左，但係呢個project其實應該係佢跟嘅，因為全公司嘅火箭都係佢嘅item。响呢個時候，形男竟然叫我出手幫拖。原本我同上等人本來係同team，但係佢同我所做嘅嘢，係風馬牛不相及嘅，唔知點解形男會提出咁嘅要求。不過我一般都甚少失手勢，當然唔係話高唔高級先咁，而係比較friend嘅同事開到口都好少say no。

事件發展到最後竟然比我搞掂左，就連一架原本只係坐一個人嘅火箭，都比我搞多一個坐位出嚟，真係夠哂誇張。Anyway，貍貓人同形男就係咁多謝我啦。咁多謝我除左係真係唔該我幫左佢一個大忙之外，就梗係身有屎啦，因為佢就好似一般叫我地做嘢嘅人一樣，好鍾意一早唔諗定d嘢係要點做，求求其其講住d嘢比我地聽先，到最後就係咁改，好多時都要我地搞到太陽由西邊升起比佢先得，我地話做唔到佢地就一定唔會收貨。最後當然都係escalation收場啦，咁你都估到上大人嘅一般Response會係點啦，所以我今次個夢先會係幫佢搞啫。。。

一路我都唔見上等人參與過，但係到最後搞掂左佢就出返嚟，但係講咩就已經唔係好記得喇，早知早d寫低佢啦。。。

碰巧最近，當然係講返現實生活啦，有樣嘢成日都死，我同上等人同型男都收到通知。不過佢一般都唔會郁，所以我多數都會加一個通知比佢，而佢亦當然無咁順灘啦，亦繼續佢自己嘅要務（咩就唔好响呢度講啦）。我就唔知係責任感太重定係咩，多數我都會好主動咁親身埋去叫多佢一次。當然佢嘅反應都係好串啦，不過同事嘅嘢，我都唔想見佢死都唔出聲，佢死亦會連累到老闆，甚至成team人。呢幾次事故，佢每次搞完一輪都係唔知咩事，只係一句＂無事喎＂就算，有時我話比佢聽＂唔係喎，真係有d嘢呢，你搞搞佢啦＂，佢嘅反應多數都係出奇咁串＂你想點？＂？？？喂！！！我想點？而家關我事咩，我好心提一句啫，你唔做咪算囉，當然以上嘅一句，只係响我心裡面出現啦。。。

就係咁，我近來次次都比佢激到生蝦咁跳，而且面都紅哂，不過今次嘅我，竟然做到唔埋佢就算，真係進步左。而且我心諗，要講嘅我都講左，你做唔做真係唔關我事。不過到左今晚，形男突然call我話又死過，我就開始control唔到d火。我真係同佢講，＂大佬，話左我果邊無事架啦，你搵阿邊個check下佢果邊先啦＂。But佢都係insist叫我check吓我果邊，當然我都照做，然後先好火咁同佢講＂講左唔關我事架啦，下次你見到呢種通知，唔該你自己同上等人講啦，我唔想佢問我想點嘅時候我唔識答。再者，見到呢種通知十次有九次都係果舊嘢有事架啦。＂。其實我好唔明，個通知真係好清楚咁話左比佢聽係邊度出事，但係佢次次都先搵我？唔通我好蝦d？定係我次次都唔出聲又幫佢手搵問題，所以佢就次次都搵我先呢？但係加人工又唔見加我多d？？？

Anyway，我真係忍無可忍先咁同形男講架咋，平時我都會比面佢嘅，始終佢都係大時我係細。不過事後我諗諗吓，都覺得係自己唔啱，衰在太多事。通知就大家都收到，佢做唔做checking and fix up唔關我嘅事啫。但係究竟我同佢，今世要修嘅嘢係咩課題呢？我真係想解決左同佢嘅呢種karma，唔想下世再同佢有任何嘅關係。可能真係要花d腦汁，諗吓點先係最好嘅處理方法先得。。。各位師兄師姐，如果睇完有咩諗頭，不訪send張email提點吓細佬我啊，真係十萬個唔該。。。

怪夢

我尋晚發左一個好怪嘅夢.

夢入面，我見到我個仔，同一個小朋友玩梗．响個夢入面，個小朋友應該係我識嘅，好似見到我一個家姐响附近，牛咁眼望到實佢地，我估個小朋友應該係佢嘅（但係我家姐d仔都好大吓喇喎，唔通有嘢佢無同我地講．．）．

不過我個仔，好似唔係咁鍾意同果個小朋友玩，咁我當然埋去同果個小朋友玩啦，幫阿仔分散吓佢嘅精神吖嗎．埋去同佢玩嘅時候見到佢個樣，光頭仔一個，無著衫，唔記得有無著尿布之類嘅嘢喇，但係我就無印象見過佢喎．不過佢都無refuse同我玩，只係不斷想同我個仔玩多d咁囉．．．

道家密宗與東方神秘學

好快咁睇完本道家密宗與東方神秘學，快嘅原因並唔係覺得唔好睇。相反，本書都有幾多得意嘅資料，只係自己衰，唔記得續借，可能係天意嘅安排啦，唯有草草咁睇埋下半part。

半書都係南懷瑾先生嘅著作，不過今次比我借到本繁體版，Yeah！

裡面講左少少密宗，多多道家，易經嘅落筆亦唔少，亦有不少其他神秘學嘅資料。所謂神秘學，不外乎中國醫卜星相咁，而東方宗教比西方叫做神秘學或超心理學亦不為過，因為就算係對於現代嘅中國人嚟講，中國傳統嘅醫卜星相亦真係幾神秘，我地呢輩後人，多數都未能夠參透故中道理。相對幾千年嘅祖仙，我地資訊嘅發達，簡直差天共地，但係我地就連前人嘅知慧，都未能完全參透，莫講話再加發展，真係羞愧。。。

其實呢本書佢嘅內容實在係太多，太。。。散，好似同學仔講，似目錄多d。不過如果你嘅目的好似我咁，只係想小作了解，呢本書就啱啱好。亦因為呢本書太過散，太過多，搞到我都唔知點寫讀後感好，嘅然係咁，唯有就在此草草收筆，有興趣知道多d佛道與易學嘅朋友，不訪睇吓呢本書。

努力學習

今日出街食飯，朋友幫我抽天使咭。

嘩，好邪啊，竟然抽到一張咭，叫我要努力d學psychic嘢。話要忘記上一世，我因為想學呢樣嘢，而要面對嘅種種痛苦，亦要面對今世，學呢樣嘢嘅時候，而比人笑嘅感覺。

上天會不斷幫我，包括比好嘅靈性老師／helper／書本／同埋case我咁話喎。。。前面嘅嘢，我樂於照單全收。但係最後果樣唔好喇呱，我唔係話唔想接受挑戰，只係唔想响我自己半桶水，而又幫唔到人嘅時候比我。連累到其他人果度唔好吖嗎，就算係都等我自己再成長d，能力再受到自己嘅認同先會好d吖嗎。。。不過唔怪得。。。啦。。。

不過其實講開又講，又真係幾準架喎，話說我近排又真係開始對自己無咩信心。抽到呢一張咭就好似當頭棒喝，叫我唔好半途而廢。相反，要比以前更加努力，再睇多d書，又要上多d堂，去幫自己增值增值。

返到屋企我又上網睇angel card嘅資料，又搵到有個site（其實係同一個作者嘅site），佢有offer free angel card reading嘅service。我梗係唔執輸，第一時間問吓嘢咁啦，今次又係抽來抽去都係果幾張咭。分別係:-"Archangel Gabrielle","Aurora","Fiona"
不過我只係無咩意識咁抽，唔知係唔係真係for我嘅信識呢，而且我抽咁多次又得唔得嘅呢。。。

Usui Reiki Level 3 小結

自從上完Usui Reiki Level 3之後就真係勁忙，忙就忙在可以幫人做多d嘢，咁我就梗係忍唔住係咁幫人（當然係屋企人啦）做healing。每次聽到佢地傷風感冒都會幫佢地做，可能多兄弟姐妹啦，搞到日日都比較夜訓，個人唔係好夠精神。

講開又講，唔去過都唔知，原來玩具反斗城d毛公仔都幾平吓喎，$49就買到一隻，Size仲幾啱添。如果肯比$99仲可以買到隻都幾大隻嘅添，我當然唔執輸啦。

上完level 3係我咁耐嚟講最大反應嘅一個level，身體同情緒上面都係。身體上嘅反應，就係唔同嘅地方，慢慢都出現酸痛。開頭就係膊頭，跟住就輪到隻腳，之後就到個頭。情緒上就都係少少啫，只係個人比較急少少咁啫。唔知係唔係自己係咁行思想同情緒氣場，同時間又走去處理自己急同緊張嘅第一因，先會從而觸發左呢d反應出嚟呢。搞到有時靜坐到一半都無啦啦會覺得好急，急到靜唔到落嚟。不過又睇過書，話好多人越係靜嘅時候，越會急，因為自己會怕接觸到真我。。。

細胞記憶

好快咁睇完左頂頂有名嘅Sylivia Browne－蘇菲亞，果本細胞記憶喇。睇得快嘅原因，並唔係唔鍾意睇，而係真係好精彩，搞到我係咁煲，煲到唔停得手。蘇菲亞老師將佢用前世療法，醫人嘅精彩經歷，全部放哂入呢本書入面，最後佢仲教我地點樣做前世療法。真係得一個字可以形容呢本書，就係＂正＂！

裡面有唔少知識，我睇呢本書之前，簡直係諗都唔敢諗。睇完覺得真係好神奇，又覺得原來好多事情，係同前世好有關係。亦即係間接話比我地聽，活在當下嘅重要。

唔睇唔知，原來：－
１。身上嘅胎記，係同前世點死有直接嘅關係。
２。有d不解嘅毛病，原來又同前世，或前N世做過嘅事有關。
３。不過佢所介紹嘅死後世界，同我响佛教所知返嚟嘅，又覺得好似唔係好一樣。不過可能呢本書主力唔係介紹死後世界，所以我只能睇到少少嘅description，搞到我好鬼想睇哂佢所有書添。
４。差d唔記得最重要嘅point添。就係唔好以為小朋友唔會明白我地鬧佢d咩，就起勢係咁鬧。原來雖然我地嘅意識身未必明白，但係原來我地嘅真我係會收到架，蘇菲亞就介紹過一個case，個細胞負面記憶，原來係佢七個月大嘅時候中落架。。。所以唔好以為BB咩都唔識，就响佢面前亂講嘢，可能你害左人地一生你都唔知啊。

除左佢之外，我仲响序上面見到有個勁人，叫Bruce Allen。佢真係好勁，透過把脈就可以睇到人嘅前世。而佢所睇到嘅前世，同蘇菲亞一樣，都係好詳細，好似睇梗故事書咁。等我得閒d果時，搵吓佢有無出過咩書都好。

禪宗與道家

啱啱用左九牛二虎之力（因為係用簡體宇寫嘅），先睇哂南懷瑾先生本＂禪宗與道家＂，真係令我眼介大開，南懷瑾先生對佛道兩家，以及中國歷使嘅認識，真係可以話係博學。

唔睇唔知原來孔子同老子係同時期嘅人物（當然係我見識比較少之故），亦唔講我唔知原來儒／道／墨响戰國時期影響中國文化咁大，點解睇墨攻無講嘅？而中國道家第一人原來就係老子，等我仲成日話老子咩老子乜咁，真係失覺哂。當然係人都知道孔子係好出名嘅聖賢，但係原來佢就係儒家嘅第一人。咁我都唔知添，真係羞恥。。。

先講佛教，我當然知道（其實都係啱啱知道無幾耐），釋迦牟尼佛就係佛教第一人，原來摩呵迦葉尊者就係禪宗第一人。事原就係釋迦牟尼佛在靈山會上，對住百萬人，默然不說一句話，只自輕輕手拈一枝花，當時大家都唔了解佢嘅寓意（我到而家都唔明），只有大弟子摩呵迦葉尊者會心微笑。就係咁，釋迦牟尼佛就當眾宣布，摩呵迦葉尊者為教外別傳第一人，亦即係而家嘅禪宗。而將禪宗傳入中國嘅，就係達摩大師。唔知道達摩易筋經，係唔係達摩大師所創嘅呢？Anyway，中國禪宗，就係由達摩大師傳比神光，亦係後來中國禪宗尊為第二代祖師，亦可算係中國禪宗第一人。

呢本書亦話比我聽，大乘同小乘佛教嘅分別。以我嘅理解，大乘比較入世，而小乘就重個人嘅修為，亦即係比較出世，當然當中嘅分別，點會簡單幾隻字就可以講得哂吖。

而道教方面，就比較多故事。好似有分支，將重點放落練精化氣/雙修大法/房術方面。當然同覆雨翻雲（唔係無記果套），裡面嘅雙修大法有出入啦。但係原來真有其法，亦同入面講嘅出入不太大，仲以為王先生吹水添，真係錯怪好人添。唔講我唔知，原來傳真教真有其教，而亦真係王從陽所創立，仲係集儒釋道之大成。

另一樣我唔知嘅就係原來太極／陰陽呢d concept並唔係道家所出，最早原來都係出自易經。不過道家都好勁，而家嘅風水／命理以及養生學說，原來係出自道家學說，真係為後世所用，惠及眾生，流芳百世。

南先生經常提到佛道之間，經常互相影響，不過落筆寫佛家影響道家思想比較多，差不多無提到道家有咩地方影響左佛家，呢樣亦係我比較有興趣嘅地方，不過可能係我睇唔明哂所有簡體字，所以miss左少少detail咁。不過呢本書要我睇哂已經幾辛苦，好難可以叫到我睇第二次。。。

睇完呢本書，我更加想睇關於密宗嘅書。因為密宗對我嚟講，就更加神秘。

你在天堂里遇見的5個人

呢本都係用我鍾意嘅小說型式，主要佢都係講述阿主角死後所見所聞，將佢遇到果五個人嘅經過，同果唔個人嘅關係講出嚟。但係我就覺得平淡左少少。睇完佢之後，我都唔知仲會唔會睇果本＂去過天堂九十分鐘＂添，因為原來呢類書唔係我杯茶？

不過果本書so far都仲唔可以响li記借到，話唔定遲d有得借嘅時候我都會借嚟睇吓嘅。