星期日, 7月 15, 2007

靈氣生BB法 - 2

雖然心情唔太好,不過終於都有時間同大家講埋第二回喇.

為左令大家容易d明,首先我就o係呢度同大家講吓成個過情先:-

0:00 度數:? 穿水
0:30 度數:? 坐車到逹醫院
1:00 度數:? 上到病房
2:00 度數:1 Monitor完胎心機(我返左屋企)
4:00 度數:1? 入左候產室
6:30 度數:2 打左一枝止痛針(我返到醫院)
7:30 度數:3 姑娘話開得慢,幫佢打左第二枝止痛針
8:30 度數:4 醫生Check完話,子宮口就夠哂軟喇,不過頭仔仲係未入盤骨,仲有排等,所以就走左佬
9:00 度數:4? 子宮收縮開始密左一倍
9:10 度數:4? 姑娘叫佢訓則身
9:40 度數:8 哈哈,入得候產室喇
9:50 度數:8? 入左候產室...等醫生
10:30 度數:10 醫生終於都到左
10:40 度數:10 小黑終於都成功出左世喇

上回講到我返左屋企等,大概四點左右,我老婆打電話,話比我聽佢會入候產室,我當然叫佢問下姑娘我嚟唔嚟得啦,因為我真係好想過去幫佢。當我返到去待產室搵我老婆果時,佢都仲係開得兩度,於是我訧馬上發功,不過我都好眼訓,因為我都成晚無訓過,咁我咪一路發,一路訓咁,一個鐘後姑娘就話好左,已經有三度喇,突然醒起alan話如果發功嘅時候有focus,個效果會再好d,咁我咪一路諗住子宮口開多d,一路發功囉。又一個鐘頭後,今次醫生到左幫我老婆check完,佢話比我聽而家開到四度喇,而且個子宮口都已經夠哂軟架喇,不過個頭仔都仲未落去。意思當然係有排都未得,佢亦都會走先。

吓!點解無開多到嘅?仲係keep住一個鐘開一度咁少?唔通而家係要叫阿B落去?諗多無謂,做就最實際,於是我就一路發功,一路諗住叫阿B落去啦。嘩,唔洗二十分鐘我就見佢個宮縮密左好多,於是我就搵個姑娘,但係當我搵到之後,佢睇左張紙一陣就話"唔,都唔錯,痛密左就再痛耐d先啦"吓?不過佢就幫我老婆轉則左身,嘩,咁好機會我就梗係馬上放隻手去佢條膀胱經係咁發功,事關膀胱經上面有好多穴位都係直接影響到五臟嘅。同一時間我又放另外一隻去佢個腎下面,因為腎係一個人嘅動力來源。

唔洗二十分鐘,姑娘就覺得佢宮縮個pattern又唔同左,幫佢check完就發現佢進步神速,突然就去到八度喇。於是就馬上call醫生同推佢入產房等生。入到產房都係九點十左右,但係醫生都未到,個姑娘就係咁叫我老婆忍住,然後就叫佢轉則身,又係機會,我咪又放隻手去佢個腎囉,不過今次就放另一隻手去佢個肺度上下咁掃,因為肺主一身之氣,有氣自然有力,一來可以為一陣生做好準備,二來忍都要用力架,所以我就決定咁做喇。一路都係得個等字,等左八個字醫生先到,講你都唔信,一個連行都話攰嘅佢竟然唔洗十吓力就生左個B出嚟,全程都只不過係用左十分鐘,你話我無功無用真係講都無人信啦。

1 則留言:

冒險家 說...

嘩....
原來我個blog咁受歡迎架,
個blog一出就馬上收到alan嘅問候,
真係唔話得喇。

anyway,我好好,其實心情差係因為洗左好多錢(三千幾蚊一日),所以好傷心咁解啫。

唔好意思講得唔清唔楚添。